[專訪] 謝霆鋒 張靜初 噢！爸媽
謝霆鋒 張靜初 噢！爸媽
星島專訪 2008-11-24 15:14:48
父母與子女之間的關係，很多時都是親密和對立這兩個元素的混和，而比例是每日都在改
變的。隨年月漸長，子女也許有一天會變成別人的父母，在相同的立場下，也許能夠把剩
餘的對立再進一步稀釋。如果親密是天生，對立就是源於誤會和溝通不良。電影《証人》
的男女主角謝霆鋒和張靜初，一個在現實中已為人父，一個在電影中飾演人母，做了多年
別人的子女，今天或多或少也嘗到當父母的滋味。是怎樣的滋味呢？就讓他們分別用現實
和虛構的角度形容一下。
謝霆鋒 體罰行者
T︰早在《戀愛行星》時已跟導演林超賢合作，這次再聚感覺如何？
N︰上次拍完《戀愛行星》，我就出事，大家等睇我坐監多過部戲，所以冇乜人留意。今
次阿Lam（林超賢）打來，話有部新戲找我，一看劇本，立即對他說︰「終於等到一部唔
使俾人打到仆街鮋劇本喇！」
T︰不愛當動作演員嗎？
N︰不是，但正如大家入場睇《男兒本色》，只會嘩！嘩！嘩完就算，大家會欣賞當中的
場面，亦睇得出我拍得搏命，但不會有人留意演技。上一部完全冇動作場面的電影，差不
多是9年前的《半支煙》，今次阿Lam再搵我，坦言是因為我的身分不同了，現在是一位爸
爸，一位老公，有條件去演這類角色。
T︰但戲中動作也不少呢？
N︰其實是追逐戲多，至於打鬥，一早便跟阿Lam說今次不要《龍虎門》或《男兒本色》的
擺招數格鬥，我要真實，要人性化。好似戲中的我不及張家輝好打，於是就用埋身戰，攬
作一團碌地，這是最切實的打爛仔交。好老實，自己沒有受過訓練，拳腳功夫打起來不會
好看。
T︰戲中有位小（女）演員，演得非常可愛，經已有一個仔仔的你，有冇因此想追個女？
N︰順其自然，不過生女的確幾開心，我見家輝、阿Lam，一提起個女就軲晒，有咩煩惱都
好，一個電話立即順晒。劉偉強亦一樣，明明發緊火，一聽到囡囡打電話來，立即笑晒。
但我還是喜歡仔多點，相對地不用擔心他太多。但如果有個女，當有同學仔來接返學放學
，我仲唔紮定馬問你幾多歲？做咩約我個女？實嚇走人啦。
T︰對兒子管教嚴嗎？
N︰個仔怕我的，他要甚麼就扭計，媽媽會俾，但我唔會，你唔俾就喊得更大聲，於是我
會坐在他面前講︰「我今日放假，我有24小時等你喊，我就睇下你快收聲定我快心軟，我
而家去打機。」……結果咪又係5分鐘收聲！我贊成體罰的，我有打算送個仔去少林寺，
爸爸媽媽打你你會嬲我告我，將來俾主持打你冇得嘈喇躀？
T︰電影結局會講到宿命，你信嗎？
N︰信，好多現實生活所講的事，未發生前你都不會信，正如我同柏芝結婚，夠離譜啦，
初初知我們拍拖，個個睇死唔會長久，睇你好得幾耐？結果仔都生埋，呢個夠宿命喇躀？
一個癲一個喪，一個火星一個地球，理論上唔會走在一起，一見面就要開拖，但點想到會
相安無事，到最近她見記者答問題時，都會先問我一聲，不敢亂講，人是會變的。
T︰結婚可以令一個人有這麼大改變？
N︰我跟她認識11年，睇到鏡頭背後的張柏芝，亦好清楚她將會變成一個怎樣的人，這不
是看過一篇訪問、一部電影就會認識的事。因為我講一句粗口，你就認定我是甚麼人，會
否太兒戲？就算我同老婆結婚後第一日，我都仲有好多新發現，今日仲學習緊，每對夫妻
都是學到尾，人相處之道是最高的學問，不是數學，不能計算。
http://ent.sina.com.hk/cgi-bin/nw/show.cgi/2832/5/1/137915/1.html
--
※ 發信站: 批踢踢實業坊(ptt.cc)
◆ From: 123.194.159.67
Nicholas 近期熱門文章
PTT偶像團體區 即時熱門文章
