[欣聞] 同Stephy結咗婚？方力申：係呀！

看板Stephy (鄧麗欣)作者evolove (evolove)時間11年前 (2014/01/12 12:38)推噓1(1推 0噓 0→)

留言1則, 1人參與討論串1/1

太陽報 2014.01.12 http://0rz.tw/ufo13 【太陽報專訊】去年盛傳已在日本沖繩秘婚的方力申（小方）和鄧麗欣（Stephy），雖然早前有指兩人及雙方家長就擺酒及禮金問題吵大鑊，但現已和好如初，日前拍住拖睇戲，問到是否已婚時，小方更不假思索直認：「係呀！」身旁的Stephy想阻止也阻止不來！前日下午5時許，小方駕駛女友Stephy的寶馬座駕返回舊居附近的新愛巢並上樓更衣。約 10分鐘後，小方落樓時已由原來的短褲運動裝換成一身型仔Look，然後載着Stephy離開寓所直駛數碼港。到埗後兩人分道而行，小方在雙黃線放低女友後往停車場泊車，Stephy則先到餐廳攞位，未幾小方已到餐廳會合撐枱腳。約半小時後，兩人孖住到戲院睇戲，期間記者上前問兩人是否已結婚，正當Stephy還一臉緊張之際，小方已衝口而出直認：「係呀！」Stephy聞言驚訝地說：「唔好亂講嘢喎！」這時小方才「知衰」並補鑊說：「係結，結宮（便秘）個結。」記者再問Stephy是否已婚，她死撐說：「佢（小方）話結咗咋，我未結呀，唔知佢同邊個結咗！」笑住講湊B 談到兩人是否為將來生B大計而搬新屋方便湊B？小方否認並笑說：「湊你個BB啊？」問到兩人趕不趕生馬BB，他倆即心有靈犀地同時沉默，並對望傻笑，Sweet到漏！約晚上7時許，兩人看完戲後一起攞車駛回愛巢。另外，Stephy好友區文詩昨日出席活動時自爆聖誕跟Stephy因狂打邊爐而一起患腸胃炎，又透露新年期間會與男友及朋友到峇里旅行賀生日。記者昨日再聯絡區文詩談到有傳 Stephy已秘婚，她語帶避忌說：「嗯……我唔知囉，除非佢哋親口同我講啦！」又大讚兩人十分甜蜜，是否秘婚不是重點，如果Stephy開到口邀請，一定會為對方做伴娘。 -- ※ 發信站: 批踢踢實業坊(ptt.cc) ◆ From: 202.89.121.17