[NEWS]周星馳賭聖回歸
都市閒情
教教孩子系列 周星馳賭聖回歸
過年期間，我的堂細佬，10歲，正就讀小學五年級，問我：
「你知道垃圾蟲是什麼嗎？」
「你會識垃圾蟲？」
「咪係張柏芝表哥囉。」
對於閣下的小朋友來說，沒有《半斤八兩》，只有《鬼馬狂想曲》；沒有許冠文
蕭芳芳石堅，只有劉青雲張柏芝吳鎮宇……
來，將香港流行文化歷史發揚光大。第一擊是重新以VCD、DVD形式發行的《賭聖》
，銅鑼灣一帶無數傻佬企定定大笑，都係因為睇到周星馳晒你冷。
來，教教你個仔，周星馳除o左識踢波，原來仲識捽牌。
整個故事，要由1989年開始說起。
1989年聖誕檔期，周潤發的《賭神》勁收3千6百萬，成個香港，中年男人全部gel
到個頭硬過石頭，年青o靚仔全部著紅色皮褸，以為自己是刀仔劉德華。
那一年，周星馳在電視台拍《我來自江湖》，開始嶄露頭角。
那一年，還有六四事件。
1990年暑假，周星馳擺明跟風的《賭聖》上畫：電影中張敏全場黑色衫，吳君如
做個勁醜樣勁核突的女人，海報上兩位居然改著紅色皮褸；周星馳明明中山裝，
海報上的造型姿勢表情，又竟然同周潤發一模一樣。
咁都得？就係咁都得！票房數字是4千1百萬，打破當時的紀錄。
講戲，真係求其到暈，不合理地方數埋可能超過二百處，尤其中段的槍戰戲，完
全是為了槍戰而槍戰，無聊到極，馬虎到極。
無問題！一個周星馳，掂晒，加多個吳孟達，直頭掂到爆。周星馳做的大陸仔，
落香港投靠三叔，憑一身特異功能成為世界賭術冠軍；半年之後搭劉德華拍的《
賭俠》又大收，打到《阿飛正傳》一戙都無，終於，賭霸賭后賭皇賭仙後見賭乜
都有。
然後，開始有人討論周星馳現象，什麼後64、97陰影，大家只爭朝夕，周星馳那
種不務正業，係符符碌碌發大達的遭遇，正好符合香港小市民期望，所以大紅特
紅。
《賭聖》作為周星馳事業的重要起點，但因為版權問題，影像產品一直缺市，無
數儲齊一套的星迷，就係爭呢套。等o左咁多年，終於有新版貨，簡直係城中盛
事咁滯。
值得珍藏，你叫今日的周星馳再拍賭片再扮傻仔，我諗佢真係睬你都傻。你叫今
日的吳君如再借個胳肋底出o黎食龍蝦，就更加……
【2004/01/29 香港壹週刊第725期】
--
▌ ▁▌ ▌▁ ▌|情報員標號: 203.70.46.12 |局中| ◤
▌ ▌ ▌▃ ▌|隸屬☆單位: 中央情報局 (bbs.e-cia.net) |邑情| ◣
討論串 (同標題文章)
以下文章回應了本文：
完整討論串 (本文為第 1 之 2 篇)：
Stephen 近期熱門文章
15
17
PTT偶像團體區 即時熱門文章
