[News] 霆鋒鋪路搵李雲迪教琴

看板Nicholas (謝霆鋒)作者spylover (~夜光杯~)時間11年前 (2013/06/30 13:13)推噓0(0推 0噓 0→)

留言0則, 0人參與討論串1/1

霆鋒鋪路搵李雲迪教琴霆鋒近年無論在影圈或商界地位都不斷提升，剛在華鼎獎中奪得影帝的他雖然愈來愈忙，但仍不忘為兩個囝囝Lucas（謝振軒）及Quintus（謝振南）計劃未來。現時霆鋒的身家可謂夠兩個仔食過世，但他更重視如何培養孩子興趣，前晚他特意相約有「魔指」稱號的鋼琴王子李雲迪食飯，可能是希望打動對方為愛兒擔任鋼琴及音樂導師，把囝囝打造成內外兼備的「星三代」！前晚約十時，霆鋒與兩名男友人在灣仔一間日本料理餐廳用膳，離開時見霆鋒一身Casual 打扮，身穿格仔衫、牛仔褲，踢拖之餘並戴上Cap帽，緊隨其後的是剛在上海出席剪綵活動後抵港的李雲迪，見他離開時仍不停忙着傾電話，而另一位男友人則是與霆鋒甚為老友、已故全國政協副主席安子介外孫、青聯籌委會副主席楊鼎立，眾人即一同登上七人車後離去。創業論壇會商界巨頭其實，霆鋒在老友楊鼎立的邀請下，今日將會在亞洲國際博覽館出席青年創業論壇，憑其於2003年創立POST PRODUCTION朝霆製作公司（PO朝霆），8年間為電影、MV作後期製作而狂賺6億元的輝煌成績，已成為新一代的商界尖子。而今日將與霆鋒同臨的嘉賓包括阿里巴巴集團主席兼創辦人馬雲、摩根大通證券亞洲區副主席方方等商界巨頭，霆鋒能與他們「平起平坐」，足見其商界地位！昨日記者致電霆鋒，他笑言暫時未搵李雲迪「教仔」，並說：「同佢識咗一段時間，係朋友飯敍，暫時冇諗叫佢教小朋友音樂，只係朋友見面傾偈。」提到今日的青年創業講座，他會即席大展廚藝，他解釋用意：「我會喺論壇煮嘢食，因為講解青年人創業心得時，想用煮嘢食嚟表達Time Management（時間管理）。我又係演員、又要管理『PO朝霆』、又要做爸爸、仲要投資，就好似煮嘢食咁，同一時間可能要煲湯、煮牛扒同焗嘢咁，同一時間要兼顧好多嘢，我好鍾意煮嘢食，希望可以現身說法！」他又坦言很開心可以與馬雲等人同場，表示希望可以趁機「取經」。傑出表現分享心得而楊鼎立昨日在電話回應，指與霆鋒及李雲迪都是好友，前晚是好友飯敍，問到他邀請霆鋒擔任青年創業論壇嘉賓時，他大讚對方說：「佢係一個好傑出嘅演員，就算咁忙都可以將『PO朝霆』搞得咁好，好想佢同青年人分享佢嘅創業心得，而且佢仲好有吸引力。」至於即將做人老竇的霍啟剛，今日會以活動召集人身份出席論壇。 http://the-sun.on.cc/cnt/entertainment/20130630/00470_001.html -- ※ 發信站: 批踢踢實業坊(ptt.cc) ◆ From: 180.218.22.110