[News]20130221 霆鋒祖名搞生意成龍拉姑Eason幫
【on.cc 東方互動 專訊】謝霆鋒和房祖名早前被被《好報》獨家撞破在中環睇商廈，祖
名事後直認有合作計劃。昨晚二人約埋擦法國大餐，今次更有成龍、狄波拉（拉姑）、鬍
鬚Kong及老友陳奕迅（Eason）份，一行人食到凌晨二時仍然依依不捨，站在街頭攬完又
傾，事後成龍說：「總之後生仔做正面嘢做父母梗係支持！」
謝霆鋒和房祖名早前被撞破到中環睇商廈傾合作，祖名事後直認有合作計劃。前晚兩人又
再聚會食法國大餐，更約成龍、狄波拉以及老友陳奕迅等。離開時，霆鋒與成龍於街頭攬
完又攬，依依不捨地告別，事後成龍說：「總之後生仔做正面嘢，我哋做父母梗係支持！
」
老友鬼鬼的謝霆鋒和房祖名，近來有意兄弟同心合作賺大錢，早前被《好報》獨家撞破結
伴於中環睇商廈，事後祖名直認有睇舖兼有合作計劃，不過一切仍屬初步。前晚十時許，
祖名於微博上載一張和霆鋒食法國大餐照片，見霆鋒穿白恤衫赴會，看來對是次聚會非常
重視。一行人飯後再轉場暢飲，至凌晨二時，記者於中環發現兩人正在離開，身邊更是星
光熠熠。
握手攬攬傾唔停
最先步出的祖名一身便服打扮，穿得相當隨意，一臉笑意盈盈，身後即見其父成龍，另有
拉姑和鬍鬚Kong，尾隨便是官仔骨骨的霆鋒，同行更有陳奕迅（Eason）。一行人於街頭
依依不捨道別，其中成龍和霆鋒最「黐纏」，兩人握完手又擁抱，攬完又攬相當熱情，成
龍攬實霆鋒似有很多說話要講。其後祖名亦上前和霆鋒攬攬道別，一行人於街上擾攘一輪
終各自上車離開。
昨日記者致電成龍，他直言回港數天。提到前晚聚會，他說：「祖名霆鋒約食飯叫埋我，
仲叫埋拉姑同陳奕迅，開心吓！（佢哋係咪傾合作投資呀？）都係傾吓拍戲、投資咁！冇
聽到佢哋實際嘅合作計劃，總之後生仔做正面嘢，我哋做父母梗係支持！」
--
--
※ 發信站: 批踢踢實業坊(ptt.cc)
◆ From: 218.210.209.2
Nicholas 近期熱門文章
PTT偶像團體區 即時熱門文章