[News] 星Mobile簽名會
星Mobile簽名會
英皇群星謝霆鋒、容祖兒及３Ｔ的Ｙｕｍｉｋｏ、Ｍａｎｄｙ及Ｍａｇｇｉｅ
齊齊在銅鑼灣鬧市舉行簽名會，有數百歌迷圍觀，擠得水洩不通。在簽名會完結後
，霆鋒帶領祖兒企上簽名檯欲向後排的歌迷揮手，豈料簽名檯負荷不了兩人的體重
而爛掉，霆鋒失足跌倒在地，穿了一對鬆糕鞋的祖兒，其助手立即扶她起身。
驚魂甫定的祖兒，事後直言自己欠缺危機感，更打趣說：「好彩檯底冇人咋，
唔係一定死梗。本來霆鋒叫我上去，我仲考慮左一陣，但佢話要照顧下傳媒同後排
歌迷，我咪企埋上去咯，點知臨尾香，好在我食過夜粥，好快企番起身，今次真係
『英雄被困筲箕灣』，我為藝術而犧牲呀！第一次同霆鋒搞簽名會就咁亵、咁瘀，
真係難忘回憶。」
對於今次失足踩爛檯，霆鋒則將責任歸咎於祖兒及檯腳。他笑道：「祖兒重呀
！本來我企上去冇事架！點知張檯腳一早爛左。（係咪畀張檯夾住？）唔係夾住，
係斜左落去。（你眼鏡都歪左喎！）冇呀！意外梗有，冇所謂。（覺唔覺得好瘀呀
？）咁下次咪搞咯！」
此外，提到有指他與張柏芝昨日在大球場舉行的「１：９９音樂會」上，兩人互相
避來避去，即使相隔只有數步之距，兩人亦都即時彈開，又有傳兩人在後台咬耳仔
。對此，霆鋒說：「你地好矛盾，一係話我彈開，一係話我同佢咬耳仔。（咁有冇
咬耳仔？）我唔想答感情問題，全部都係廢話。今日我好失望，好唔開心，仲有少
少耸，四萬幾人籌一千七百幾萬，但係同哥哥（張國國喪禮）件事一樣都係寫緋聞
，知唔知梅姐係開心到喊，唔該香港傳媒反省少少得唔得呀！係咪觀眾讀者真係鍾
意睇緋聞多過睇善事呢！．．．．．．唔好意思，我唔做（訪問）啦！」語畢，怒
容滿面的霆鋒即時拂袖離場。
--
▌ ▁▌ ▌▁ ▌|情報員標號: sw74-49-77.adsl.seed.net.tw |局中| ◤
▌ ▌ ▌▃ ▌|隸屬☆單位: 中央情報局 (bbs.e-cia.net) |邑情| ◣
Nicholas 近期熱門文章
PTT偶像團體區 即時熱門文章
