9/28/1999
閉上眼睛，讓時光倒流...
--
＊＊與哥哥首度合作音樂特輯 豆斗出動10萬私伙＊＊
繼早排專程飛往巴黎取景後，昨日哥哥（張之暱稱）又再為這個特輯的香港部分開工
。而這次香港部分合作的女主角，並非張柏芝，而是另一女角邱淑貞。
哥哥：「豆斗（邱之暱稱）同我入行咁多年，今次係第一次合作！」唔怪之得佢將呢
個音樂特輯，稱之謂經典啦！而豆斗亦出動10萬元私伙衫協助拍攝。
昨日哥哥和豆斗終於正式為音樂特輯《左右情緣》開工。取景地點是中環的機鐵總站
，拍攝內容是哥哥將要上機飛往巴黎，而豆斗送他往機鐵總站。
雖然豆斗已很久沒有拍戲，但昨日現場所見，導演一聲：「Action！」豆斗跟哥哥演
起對手戲來，多個鏡頭都是一Take過搞掂，表現得非常自然。
問到豆斗對於這次拍音樂特輯緊唔緊張，她說：「面對鏡頭，我一D都唔緊張，最緊張
反而係我唔知幾時係正式拍攝日期。我今日呢場戲，哥哥都係前日先通知我。」
而當豆斗得悉通知後，即馬上搵老公沈嘉偉，出動到I.T.最大的形象指導為她襯衫。
「哥哥話我o係呢個特輯裡面，會有二十場戲分，其中有十八場戲要著唔同o既衫，我淨係
揀衫都揀到頭痛！」豆斗笑說。照估計豆斗今次o既服裝費都要成十萬大元。
哥哥說，這個音樂特輯絕對可稱之謂經典，皆因：「我同豆斗入行咁多年，今次係第
一次合作！」至於搵豆斗做女主角的原因，乃是「投桃報李」這四個字！
*爭取最好條件拍攝*
「去年嘉偉（豆斗老公沈嘉偉）問我借『為你鍾情』餐廳向豆斗求婚。雖然呢件事唔
係我o既主意，但話晒我都有分策劃o架！所以豆斗就要投桃報李，幫我拍囉！」
哥哥更表示，這是他自十年前，在無線拍《日落巴黎》後，再替無線拍的音樂特輯。
而跟十多年前相比，這次哥哥更加親力親為。
「我今次向無線Fight(爭取)左好多好野 拍特輯，例如佢地畀左全無線最好既導演同
攝影師我，又畀我用阿Zing化妝。我自己仲搵左間車行，Sponsor（贊助）左兩架車畀我拍
呢個特輯，一架係今日呢特輯中畀豆斗開車，成二十二萬八千！另一部就係巴黎用既銀灰
色跑車，不過我就唔知幾多錢。總之，呢個特輯將會好有電影感啦！」
-------------------------------------------------------------------------------
＊＊邱淑貞復出義助張國榮＊＊
哥哥（張國榮）認真夠面子，就連決定婚後退出影壇的豆斗（邱淑貞）將婚前「最後
一次」獻給他，在哥哥的音樂特輯「左右情緣」中飾演女朋友，原來這次亦是豆斗第一次
與哥哥合作。
昨日他們在機場快線中環站外取景，豆斗一身時興的「民族Look」坐在紅色開篷跑車
上，而哥哥則推行李車在旁。當哥哥入閘時，豆斗更遙遙地送上飛吻，十分溫馨。成班師
奶學生阿叔都來圍觀，機場快線外擠得水洩不通，期間「哥哥好有型」、「豆斗又Fit又靚
女」等說話不絕於耳，更有人恭賀快將結婚的豆斗。
*兩人計落十分有緣*
哥哥大讚豆斗人又靚，又有拍攝經驗，所以借了一部廿多萬的跑車來「香車配美人」
。哥哥亦不偏心，與張柏芝在法國拍外景時，亦有名貴跑車助興。哥哥出動跑車，豆斗亦
出動十幾套私伙靚衫，她說：「我第一次同哥哥合作，而且有廿幾場戲，我已經準備十幾
套衫，我諗到頭都大晒！」當然全部靚衫都由未婚夫沈嘉偉的時裝店贊助。哥哥與豆斗雖
未合作過，但二人亦很有緣，因為豆斗就是在哥哥的咖啡店「為您鍾情」答應沈嘉偉求婚
。
--
※ 發信站: 批踢踢實業坊(ptt.cc)
◆ From: 210.85.7.156
討論串 (同標題文章)
Leslie 近期熱門文章
PTT偶像團體區 即時熱門文章