[新聞] 溫拿曾投資無上裝吧 譚詠麟：促進旅遊業
爆溫拿曾投資無上裝吧 譚詠麟：促進旅遊業
本地殿堂級樂隊溫拿與太極，將於明年1月7日假亞洲博覽館合體開騷，《純音樂LIVE》
演唱會只演一場，最近兩隊密鑼緊鼓排練中，五虎齊人成日話當年。健仔（彭健新）坦言
平日無乜場合玩到，所以一彈就開心；阿B（鍾鎮濤）形容重溫舊歌勾起當年成長日記，
內心激動。而譚校長（譚詠麟）更自爆74年溫拿樂隊，曾經有份投資灣仔一間「無上裝酒
吧」，他用強調語氣說：「當年我哋唔係經營黃色事業，只係促進旅遊業啫！」
重溫昔日經典名曲，溫拿5虎即想當年，阿B表示一幕幕排山倒海畫面就會回到眼
前，比如在廣播道電視台錄影日子、外景用菲林拍攝、甚至分別在尖沙咀及灣仔酒吧唱歌
。陳友笑說：「當年美國有好多水兵來港在灣仔蒲吧，後期隨越戰打完來港嘅水兵漸少，
灣仔嘅酒吧唯有轉型做陀地生意，因而成為溫拿樂隊發源地。」
譚校長阿倫說：「嗰時好好笑，好多社團嚟開Party，傾下偈講吓數，每晚見都有好
多爭執，繼而動武，每周有4至5次大型『活動』，後來從事警察嘅健仔堂大佬晚晚派部車
喺門口簽簿戒備。不過，我哋喺地庫彈音樂，班人鍾意我哋音樂夠熱鬧夠澎拜都帶點尊重
，唔會搞我哋。」不過陳友就爆出驚險事：「佢哋劈友唔會劈埋我哋，有時被劈嘅衝上台
喺我後面，嚇到我唔敢亂郁，試過一刀劈喺我背後，好彩通常劈唔中。」
阿倫自爆：「因為生意太好，最初由受薪做埋老闆，然後將每月收入投資喺對面街嘅
無上裝酒吧，不過當時我哋好單純，加上集團有專人打理，我哋無落過去巡視業務。哈！
我怕醜兼怕被fing親，可能啱健仔多啲。」而之後他們全資在中環搞金寶夜總會disco，
純粹聽歌及跳舞，後來因為改名memory，經營4至5年後，因為約滿宣告結業。
採訪：方騫平
http://hd.stheadline.com/news/daily/ent/521601/
--
※ 發信站: 批踢踢實業坊(ptt.cc), 來自: 36.230.137.182
※ 文章網址: https://www.ptt.cc/bbs/AlanTam/M.1481347188.A.994.html
推
02/01 02:43, , 1F
02/01 02:43, 1F
AlanTam 近期熱門文章
PTT偶像團體區 即時熱門文章
