[新聞]王傑十年遊戲一場夢 (轉載自香港蘋果日報)

看板WangChieh (王傑)作者lovedave (王者之音傑出好樂 )時間15年前 (2009/06/14 13:11)推噓1(1推 0噓 1→)

留言2則, 2人參與討論串1/1

男生圍：王傑十年遊戲一場夢 (轉載自蘋果日報)2009年06月14日王傑曾多次明言不滿英皇，隨着合約期屆滿，雙方各走各路，日後互不相干。柴九金句「人生有幾多個十年」用到濫，本來不想再提，但套在王傑身上太過恰當。今年，他與英皇 10年合約期屆滿，過去雙方矛盾頻生，是非跌宕，快恩斷義絕，他高呼一天都光晒。這 10年來，王傑的新聞不離嫖賭飲蕩吹，他解釋、再傳、再解釋、再傳，年復年周而復始，沒完沒了。被騙財、被毀名聲、賒借度日、屈我辱我，王傑說他都領教過。氣難平，時光荏苒，下個 10年乍現，浪子抱負仍在，「我邊度跌低就邊度起番身！」反正曾經一無所有輸清光，再背水一戰又何妨。撰文：朱倬誼我在英皇日子... 數八十年代樂壇集體回憶，怎少得了那位臉無三両肉、瘦如枯樹的王傑慘爆高歌《一場遊戲一場夢》？「可以笑的話，不會哭…」凄凉至極、後無來者，想當年其賣碟銷量不遜於天王巨星，在大中華唱片市場叱咤風雲。青山依舊在，幾度夕陽紅。 99年王傑從加國回流返港後賣身英皇 10年，但豪賭豪飲、狂躁失控、傳與公司不和是非紛至，昔日這位「華語樂壇第一人」驟變負面新聞不絕，越撈越沉，王傑則多次明示暗示有人作梗。今年合約期快滿，他表示即使英皇未完成合約內的出碟數目也算罷了，寧願重獲自由，王傑吁一口氣說：「唱片做嘅話仲係咁多是非，不如大家安靜吓，但我想強調並唔係針對英皇呢個名，我係同下低嘅同事有意見分歧，但都過咗去，鶽家我一天都光晒，可以好好做我自己鍾意嘅歌，希望大家開開心心，好來好去，互相祝福。我喺邊度跌就喺邊度起番身，希望搵到一間真係鍾意音樂嘅唱片公司再合作。」唔鍾意去駿景飲嘢童星出身的王傑，兩歲打躉邵氏，見盡風浪，但當初以 36歲之齡簽約英皇，男人黃金十年被長綁似乎太冒險，王傑感慨地說：「簽嘅時候你覺得乜都好，係簽咗之後事與願違，當然人要夾人。你可以要求我做任何嘢，但音樂冇得傾，我係音樂人，如果簽我返嚟係攞吓威出吓氣，係完全冇意義，但我冇怪任何人，只怪自己好多嘢冇睇清楚。你問我同英皇最大問題喺邊度，我真係唔知，我唔知佢哋做乜，你浪費咗我 10年，我冇抱怨。我唔係好了解呢間公司，唔鍾意去駿景飲嘢，我唔知呢個係咪佢哋文化，但我唔慣。」英皇高層霍汶希（ Mani）是王傑經理人，王傑為何不跟她訴說問題？他沒好氣地說：「佢唔係做呢行出身，或者再過多幾年等佢成熟啲，佢可能會明。」今天的王傑無事不可對人言，事關更衰都試過，早前他才在台灣指 Mani幼稚搞緋聞，可見雙方關係好極有限。跟公司冇偈傾，事業又插水，屢傳財困的王傑更直認年前確曾經濟拮据，幸他不大使，歌曲版稅陸續有來，加上朋友通財之義，令他捱過難關。王傑自知因爛飲爛賭傳言致形象負面，故至今仍氣難下。「我王傑從來唔欠人，但早幾年最慘嘅時候，自己借錢畀朋友，又因為投資俾人呃晒啲錢，真係呃到清光，大大話話現金幾百萬。我出事嘅時候有好多朋友幫我，好彩我平時慳飲慳食，呢樣嘢我好聰明，我睇得多，大家飲醉咗我冇，萬人皆醉我獨醒。不過，有啲嘢要追番嘅我一定會追番。」財困已經慘，最難過是被人踩多腳，王傑憤然不甘被抹黑，他說：「有人欠錢唔還，就塑造你精神病、爛賭，如果我咁爛賭點會唔俾人影到？我仲點生存到鶽家？你幾時見過我拍拖？幾時見過我去酒吧飲醉打人撞車？我咁大個人飲一杯兩杯啤酒叫爛飲？咁唔識控制自己咩？我俾人呃，又成年冇收入，要養仔女，畀前妻贍養費，仲要成日俾人啄住好煩，做人嘅嘢將心比心啦，人哋都有家人，凡事有因果報應，但我會得饒人處且饒人。」過去 10年對王傑而言悲多於喜，但也是個難得經歷：「娛樂圈乜嘢醜陋嘅嘢都見過，但最可貴係我遇到一班好朋友撐咗我咁多年，從來冇話過啲錢要我還，佢哋話你唔使還，最緊要係你要 keep自己嘅性格。呢番說話係我返嚟 10年唯一一次喊，真係感動到好難受。我窮到燶嘅時候，呢班大哥撐我，所以我應承佢哋唔會變。」香港電視台好霸道作為藝人要認財困向人借錢周轉，的確幾難講出口，王傑坦言都豁出去了：「香港藝人認為講經濟有問題係醜事，我又唔係咁諗，香港藝人仲係放唔開嗰種自卑感產生嘅自大狂，鍾意將自己作到好大。點解女星要騷胸露背，娛樂圈係需要大咪咪定係需要唱好聽嘅歌？都唔反對啦，既然係咁，點解娛樂圈唔可以容納唔同性質嘅藝人？咁香港先多元化，我冇心講邊間電視台霸道，但請問呢間電視台，有冇把握為咁多香港藝人 plug歌？有冇辦法播足晒咁多 MV？嚟嚟去去都係嗰幾位，因為時段係咁多，但唔准去第二個電視台，又唔畀人講廣東話，呢個係乜嘢理論？人哋台灣進步到任何一個藝人邊間電視台都可以去，可以容納任何形式嘅歌手，好嘅制度、好嘅方式我哋拎返嚟，等我哋蓬勃啲，呢個亦係我嘅願望。」我的失敗感情... 兩度婚姻失敗的王傑，稱回流香港後 10年沒拍拖，對於感情事他得個「想」字但實際行動欠奉，王傑說：「我對感情有自卑心，會諗同個女仔結婚，有冇辦法畀到佢保障？佢會唔會真係鍾意我？情願暗戀一個女仔唔出聲。我好多時成日靠念經嚟壓抑自己情緒，有時見到一個女仔好鍾意，但我唔想再有第三代……好似我個女從來未見過佢阿媽，個仔嘅撫養權不在我，我輸官司都要拜傳媒所賜，話我有躁狂症、爛賭、飲酒，香港律師都叫我唔使再打落去，法官一定判畀女方，結果我好多財產都判埋過去。」王傑和第二任妻子莫綺雯離婚後，已不敢再憧憬第三春。 8年冇見過個仔王傑第一位的前妻誕下的女兒現已 20多歲，任職空姐；第二位前妻莫綺雯與 14歲的兒子居於加國。提起兒女，王傑很感嘆：「對仔女都係我一手湊大，個女間中有聯絡，每兩年見一次左右啦。我 8年冇見過個仔，我估佢好痛恨我，佢一直喺加拿大，但身邊有好多香港同學，知道佢阿爸係藝人，我個仔都好難堪，以為老竇又爛飲又爛賭，會覺得好醜，唔想認呢個老竇，呢樣係我遺憾，所以我一定要喺香港攞番名聲，要俾我個仔同個女知道老竇唔係呢種人。」志未酬，夢未圓，王傑不敢斷言孤單終老，但再遇第三春機會渺茫，他說：「再拍拖機會唔大囉，因為我已經決定去向，我最大心願係出多兩隻碟，闖多兩年，然後離開呢個圈子去一個冇人地方，買間海邊小屋，開間海邊餐廳，有架船就夠啦。」香港蘋果日報連不上,所以從香港傑迷那轉載過來給大家看看 http://hk.myblog.yahoo.com/davekit1020/article?mid=1319> 圖片裡的傑哥蠻帥的,哈哈.. -- YAHOO家族－屬於回憶的感動█王傑█ http://tw.club.yahoo.com/clubs/Davehome/ -- ※ 發信站: 批踢踢實業坊(ptt.cc) ◆ From: 123.204.129.93