[新聞] 重十wins 舊歡

看板Twins作者HsiWu (可樂半糖)時間12年前 (2011/08/21 14:46)推噓4(4推 0噓 1→)

留言5則, 4人參與討論串1/1

[SUN]重十wins 舊歡「我係Charlene，我係Gillian，我哋係Twins！」這段說話陪伴大家超過十個年頭，這對沒有血緣關係的「孖女」，因為一個「情」字，幾乎斷送大好前途，永不超生。如今重拾舊歡，百般滋味在心頭！公主不再搵王子被星探發掘後，阿嬌（鍾欣桐）為養家決定做明星，她說：「我係屋企經濟支柱，養媽媽、祖父母同外祖父母。」父親去世後，媽媽擔起成頭家，將BB阿嬌交給親戚照顧，亦試過將她送到寄養家庭，過着「流浪」般的童年，養成她性格內向，活在自己的夢想世界。阿嬌說：「我係一個好飄忽嘅人，成日唔知自己想點，入行後公司乜都幫我安排好，我就變本加厲，嚴重到有『選擇障礙』。」萬千寵愛的阿嬌，08年終於童話夢醒。阿嬌說：「阿Sa（蔡卓妍）同公司好撐我，但我只係想匿埋。後來去咗四川探訪災民，以為去幫佢哋，結果係佢哋幫我解開心結，面對災民，我嘅問題微不足道，仲學識勇敢面對！」但不包括舊情人，她肯定地說：「再見唔可能做朋友，分手嘅時候我會分得好清楚，連寵物都要分！」經一事長一智，阿嬌承認08年一役令她改變愛情觀，她說：「以前追求童話式愛情，要求好多，要做公主，依家明白世上冇完美，愛情係雙方付出，單一個『愛』字係冇用，要相處到！以前希望搵『王子』，依家就希望搵到個可以相處嘅人。將來相夫教子，每年只去歌迷聚會，或者只做慈善騷。」圈中覓生存人辦偶像組合，戀情是最大禁忌，但愈收得埋愈爆得勁；阿嬌一役迫使Twins臨時變陣，阿Sa 單飛撐住，本以為只需要數個月過渡期，結果轉眼便一年多。 09年，阿Sa突然在家中暈倒，她憶述：「媽咪當時在場，嚇到手足無措，我甚至以為自己會就咁樣死咗，之後向公司請假，好彩當時阿嬌慢慢投入番工作，可以抖抖氣。」阿嬌復出，以為Twins重振「Sing」威，豈料去年爆出阿Sa與鄭中基秘婚，開記者會交代之時同時宣布正辦理離婚手續。突發事情一浪接一浪，Twins復合大計無奈又再押後！阿Sa說：「我呃公司，搞到公司好大件事，我好內疚，多謝老闆楊生冇嬲我，仲同我講：『公司明白事理，大家都撐你！』令我好感動！」除了拍檔和經理人體諒，阿Sa亦很感激前輩吳君如支持：「我哋拍廣告識，佢好細個入行，佢喺呢行走過嘅路，係我喺娛樂圈生存嘅參考。」葬禮成生BB契機阿Sa經歷離婚之痛，但沒有被打擊，對愛情依然充滿期待，畢竟她還是一個二十多歲的少女。「離婚冇耐，當然唔會閃婚，我想享受自由空氣同拍拖嘅感覺！」曾經揚言不喜歡靚仔的她，現任男友陳偉霆（Wiliiam）有型靚仔，莫非轉了品味嗎？阿嬌搶答：「可能佢唔覺William靚仔呢！」阿Sa甜笑說：「我冇變，從來都唔重視外表，我欣賞William性格。自細爸爸教我，揀男人最緊要人品好，人品好就會對我好，樣貌同財富只係其次。」對於將來，阿Sa心裏已有計劃：「早前外公過咗身，好在有四個仔女，佢哋可以互相支持同分擔。我係獨女，好明白嗰份孤單感，細時成日埋怨爸媽點解唔畀一個姊姊我？所以將來我希望可以生小朋友，生到幾多就幾多，最少要兩個，但首先要調理好身體！」阿Sa髮型：Sing Tam 場地：FoFo by el willy　阿嬌髮型：Daniel Cheng 化妝：Natalio Soo.Ki http://the-sun.on.cc/cnt/entertainment/20110821/photo/0821-00470-051b1.jpg