[新聞] 阿Sa含淚哽咽難捨往日情(03.29)

看板Twins作者riolin7時間14年前 (2010/03/29 20:06)推噓0(0推 0噓 0→)

留言0則, 0人參與討論串1/1

阿Sa含淚哽咽難捨往日情(太陽報) 鄭中基和蔡卓妍（阿Sa）瞞婚四年終爆煲，前日召開記者會同時宣布已婚及離婚消息，震撼整個娛樂圈！昨日兩人仍要死撐開工，a，阿Sa在Twins的聚會中亦兩度哽咽，感慨表示與鄭中基經歷過一段非常人的戀愛生活，令她永誌難忘！鄭中基（Ronald）和阿Sa於04年因合作電影《追擊8月15》擦出愛火，拍拖兩年後，當年 23歲的阿Sa瞞住全世界，與比她大10歲的Ronald飛往洛杉磯秘密註冊結婚，一直過着「間諜式婚姻」的偷摸生活，直至最近才被揭破！前日阿Sa以鄭太身份與Ronald召開記者會，宣布婚訊的同時亦自爆已開始辦理離婚手續。阿Sa昨日與拍檔鍾欣桐（阿嬌）出席《Twins粉絲團"人人彈起火鍋好味"大食會》，雖然有逾百Fans撐場，但阿Sa仍顯得悶悶不樂，司儀直指她太瘦要食多些。接受訪問時，阿Sa 獲阿嬌和經理人Mani全程傍住，提到鄭中基，阿Sa忍不住兩度哽咽眼濕濕，問到心情是否平復？她說：「都係咁，都OK！（好似冇心機？）我喉嚨唔舒服。（記者會後有冇同 Ronald傾過？）冇呀！呢啲唔講喇！（怕唔怕影響工作？）我得o架喇！」擔心父母被跟蹤說話一句起兩句止的阿Sa，直言最擔心父母被人跟蹤：「我唔驚，最多影我排演唱會同做 Gym，但Daddy同媽咪驚啲，已經有人跟埋佢哋。」對於外界指她講大話，阿Sa坦白承認：「尋日已經講過，當初諗住當一個秘密，都係諗住要守秘密先講大話。（後悔瞞婚？）冇得咁講，所有事最後都要自己承擔後果。」有指二人分開已協議不會分身家，阿Sa笑了一下：「定係我（畀）呀？我負擔得起我嘅生活，佢都畀得起佢嘅生活。」對於有人認為二人不是真分手，阿Sa表示可以用時間去證明，離婚手續亦在處理中，但細節不便透露。提到陳慧琳表示看過記者會大感心酸，覺得兩人既然不捨為何要分開？阿Sa即雙眼通紅說：「細節唔同大家交代，其實之前已分開咗一段時間，最無奈同尷尬嘅係分開咗之後先有呢啲新聞，要去回應好難。（復合？）交代咗唔再講，但將來嘅事冇人知道。」問到是否不捨？阿Sa淚水凝住眼眶：「始終兩個人一齊咁多年，我哋唔係常人拍拖嘅結婚經歷……（吞了一啖口水）係一段好難忘嘅事。（將來結婚會唔會公開？）將來先算。」今次事件疑有人出賣阿Sa，她坦言心中有數：「我覺得一定係，但唔知點緝，其實範圍好細，但我心裏有數，呢樣係其中最傷心嘅地方。（阿嬌知唔知？）當初唔知，只有屋企人同一、兩個朋友知，但過咗去就算，呢啲係我同Ronald嘅經歷，當係一個教訓同一個回憶。」身旁的Mani亦力撐阿Sa瞞公司有隱衷：「話明係秘密，個個都知就唔係秘密。」換西裝精神爽利另外，Ronald昨日前往成都出席Channel【V】舉行的《第14屆全球華語榜中榜頒獎禮》，他刻意搭遲一班機，與前度女友楊千嬅沒有碰面。Ronald昨晨10時多與助手現身機場，更避走另一邊閘口，戴着黑超的他仍難掩神傷，一臉頹爆，見到傳媒亦沒有停步。問到心情好些沒有？他未有回應。到了晚上，鄭中基以西裝Look現身成都，與《越光寶盒》拍檔孫儷翹手行紅地氈，只見Ronald明顯收拾心情，不時笑容滿面，並向Fans揮手。 http://the-sun.on.cc/cnt/entertainment/20100329/photo/0329-00470-001b1.jpg