[新聞] 阿Sa情深對望親密打氣(03.28)

看板Twins作者riolin7時間14年前 (2010/03/28 12:16)推噓0(0推 0噓 0→)

留言0則, 0人參與討論串1/1

阿Sa情深對望親密打氣(東方日報) 阿Sa與鄭中基（Ronald）昨日召開記招交代已婚及分手事宜，被大家看作金童玉女的Sa基戀，最終因了解而離婚，昨日阿Sa在記招上表現比Ronald堅強，當Ronald先講感受約四分鐘後，交由阿Sa接棒，Ronald則在旁除掉眼鏡繼續抹拭眼淚，見者心酸，期間阿Sa亦曾輕拍Ronald以示安慰。在旁的阿Sa強忍淚水表示一直以來與Ronald由拍拖到結婚，甚至分開，大家都有商有量，兩人婚事亦獲雙方家人及朋友支持，她說：「大家有共識去做每一樣決定，我哋結婚亦得到家人同朋友支持，所以一路以嚟，我哋覺得呢一樣係兩個人嘅事情，先冇選擇同大家交代，覺得係我嘅私事，亦都好想成為我哋一個小小嘅秘密。」嗚咽感慨冇私隱阿Sa說到此時，即忍不住嗚咽兼不停索鼻說：「一路以嚟，以為藝人有屬於我哋嘅私隱，但原來……藝人係唔可以存在私隱，今日件事已經唔係淨係牽涉我哋兩個人嘅事，已經牽涉好多唔同嘅同事。」望見阿Sa談到藝人私隱時忍不住落淚，Ronald除望一望她外，更主動將左手放在阿Sa右髀上「打氣」。阿Sa解釋不公開婚訊是希望保護兩人及雙方家人，但到了現在卻傷害很多人，她眼紅紅說：「一路以嚟選擇唔公開，因為達成共識，保護大家同我哋屋企人，但到咗依家對好多人造成傷害，亦唔希望接住有接踵而來嘅傷害，所以今日就同大家交代呢件事。」向傳媒鞠躬致意阿Sa表示雖然與Ronald離婚收場，但再見亦是朋友，亦希望大家給予兩人空間，她狂吞口水說：「嚟緊希望大家畀多啲空間我，我哋都係好朋友。」此時，Ronald望住阿Sa點頭示意可以繼續做朋友，阿Sa最後更送上祝福：「希望我同Ronald嚟緊可以生活好愉快，多謝。」阿Sa以三分鐘時間交代一切，兩人隨即情深對望，Ronald更伸出左手摸一摸阿Sa背脊，見阿Sa用口形對Ronald說：「你仲有冇補充？」Ronald亦以口形示意沒有，二人隨即站起向傳媒鞠躬致意，整個記者會約歷時九分鐘。另外，與阿Sa合作多年的經理人霍汶希接受電話訪問時稱，公司對兩人結婚、甚至離婚的事完全不知情，她說：「公司唔知呢件事，呢啲係藝人嘅私事，公司從來都唔干預，總之公司希望阿Sa得到幸福。」 http://0rz.tw/Edkoz 阿Sa在會上不時咬唇忍淚。 Ronald頹爆疑被飛從沒承認拍拖的阿Sa和Ronald，本月十七日突然宣布分手。阿Sa表現輕鬆，現身活動時笑容滿面，反觀Ronald連日來頹爆兼神傷，二人表現異常極端，令人揣測離婚是阿Sa提出， Ronald只好無奈接受。 ○四年，「Sa基戀」因合作電影《追擊8月15》撻着，○五年兩人打得火熱，阿Sa被指出入Ronald淺水灣大宅，又傳Ronald手臂紋阿Sa英文全名示愛，之後更發現兩人拍拖睇戲兼戴奶嘴情侶鏈。○六年一月，Twins於紅館開騷，Ronald鬼祟捧場。半年後，Ronald又高價投得阿Sa英文名「Charlene」車牌贈愛人。 ○九年四月，Ronald被傳在夜總會尋歡，今年初亦傳他與Baby撻着，阿Sa每次被追問都力撐愛郎。早前兩人各自為擔正電影《美麗密令》和《越光寶盒》出席記招時宣布分手，兩人態度各異，但前日阿Sa仍再為Ronald解畫，力撐對方用情專一。 http://0rz.tw/LNDti 阿Sa與鄭中基因合作《追擊8月15》而撻着 http://0rz.tw/YEBMi 霍汶希全程傍實阿Sa 06年秘密結婚的阿Sa、鄭中基，宣布正辦理離婚手續，本來阿Sa打算今日與好姊妹鍾欣桐出席粉絲大食會才作出交代，但卻臨時改在昨晚六時半與Ronald召開記者會，兩人所屬的唱片公司異口同聲表示：「係阿Sa同Ronald雙方共識，覺得有咁嘅需要作出交代，唱片公司就幫手協助去搞。」至於昨日記者會一切開支費用全由阿Sa跟Ronald共同支付。記者會在九龍灣展貿中心七樓舉行，阿Sa跟Ronald分別由英皇藝人管理及唱片部總監霍汶希、金牌大風CEO陳輝虹以及各自兩名助手陪同出席，兩人更找來七名保安到場維持秩序，鄭東漢則在後台力撐兒子Ronald。整個記者會歷時約九分鐘，阿Sa、Ronald先後乘保母車離開，阿Sa離開時有三十個粉絲在停車場高喊：「阿Sa，我哋支持你！」鄭中基及阿Sa昨日召開記者會一事，不少圈中人都十分關注，尤其二人的好友、「蜜友」更紛紛送上關心和祝福。早前祝福Sa基早日復合的鄭中基緋聞女友Angelababy，昨晚除有留意兩人的記招，更在微博寫道：「看了，很想哭。愛情一定要有保質期嗎？」至於阿Sa好友張敬軒則說：「我同阿Sa係會傾私人嘢嘅朋友，不過對方唔主動講，我唔會問，自己習慣避嫌，唔想有新聞出咗會惹人懷疑。（阿Sa透露過婚訊？）冇，唯一我知道係佢哋最後work out唔到，係互相了解下分開。（私下同你講？）係呀，作為朋友都知道佢哋嘅事，不過如果佢哋可以走落去，我覺得Ronald會係個好老公。人生苦短，如果唔啱唔好浪費時間。」梁漢文早知戀事鄭中基好友梁漢文亦說：「合作拍《美女廚房》咁耐，我知佢拍拖，結婚都會同佢講祝福，（講咗離婚？）唔知實情，佢性格唔會主動講，我又唔會主動問。點都好，有冇結婚、分手，最緊要生活愉快。」昨日出席尹佬惜別日的梁漢文，對不能現身兩人記招竟搞笑地表示可惜：「我都有少少好奇。」 -- ※ 發信站: 批踢踢實業坊(ptt.cc) ◆ From: 61.217.29.136