[新聞] 阿Sa戰利品逼爆三房(04.26)
阿Sa戰利品逼爆三房(東方日報)
蔡卓妍（阿Sa）與鄭中基的戀情已是公開的秘密，而一向鍾意扮靚的阿Sa，揚言家中有三
間房放置服飾，睇到就開心，亦有為男友裝身，但因男友唔愛扮靚，令她沒有用武之地。
昨日時裝品牌Vivienne Westwood舉行09春夏時裝騷，邀請阿Sa擔任特別嘉賓，及張繼聰
做壓軸行騷。阿Sa身穿近三萬元服飾到場，表示讀書時已愛這牌子，是每季必買之物，又
揚言每季最少花六位數字裝身，她說：「我實在太鍾意扮靚，出咗嚟賺錢有能力買得仲瘋
狂。」
為中基買衫扮靚
阿Sa謂因此畀媽咪鬧，惟又不敢告知實數，她說：「明明買咗三千幾蚊嘢，會話畀媽咪知
係千幾蚊，依家屋企有兩間房淨擺衫，一間房擺鞋。我放工返屋企第一時間開房門，睇下
啲衫同鞋先，（病態？）總之睇到就會好開心。」
至於有否買衫給男友鄭中基，她說：「都有，但自己鍾意親嘅男仔都唔愛打扮，好casual
，所以買嘅都係以簡單為主。」
張繼聰行處男騷
第一次行騷的張繼聰，表示甚緊張，模特兒比他高兩三個頭，自己好似演繹童裝，因品牌
一直有sponsor，故以友情價行騷。被問到太太謝安琪被雜誌指三陪事件？他即不悅說：
「唔係事實，聽到都有少少嬲，有邊個老公見老婆畀人咁寫唔嬲？三陪呢個字畀小朋友睇
到個字都唔好。」又表示太太專心準備個唱，心情沒有受影響，好佩服她。
http://tinyurl.com/dfvft4
阿Sa一向愛扮靚，每季會花六位數字裝身，家中更有三間房放置戰利品。
--
※ 發信站: 批踢踢實業坊(ptt.cc)
◆ From: 59.115.144.243
Twins 近期熱門文章
PTT偶像團體區 即時熱門文章
