[新聞] 阿Sa喜歡吳尊初戀心跳(09.26)

看板Twins作者riolin7 (期待那天的到來)時間17年前 (2008/09/27 10:56)推噓0(0推 0噓 0→)

留言0則, 0人參與討論串1/1

阿Sa喜歡吳尊初戀心跳(東方日報) 蔡卓妍（阿 Sa ）與吳尊雖然在新戲中有感情線，但現實生活中二人卻絕不過電，還經常互窒，幸好二人在對方眼中各有優點，難怪完成電影工作後，仍然是雞啄唔斷的好朋友。蔡卓妍： Sa 　吳尊：尊 Sa ：喂！你覺唔覺得你成日踩我？尊：我無呀！冤枉呀！ Sa ：無？初初就真係無 o既，因為你 o個陣 o的廣東話唔好仲未識還擊呀嘛！我成日整鬼你，依家你 o的廣東話進步 o左就報仇咁報！我一講錯 o野就不停 o係我隔籬重覆我 o的錯處，狂踩我！尊：其實初初係因為第一次拍戲先至咁少 o野講咋！雖然好多 o野都好新鮮，但好玩之餘壓力都好大。情 ‧ 珍惜　 Sa ：其實你除 o左同我傳緋聞，之前都同 S.H.E o既 Ella 傳過，點解你傳親 o的女仔都係男仔頭 o既？係咪特別偏好？尊：呢 o的記者寫咋！可能中性 o的易談得來，容易成為知心友。 Sa ：咁你係咪鍾意男仔頭 o者？尊：其實最主要是相處時要有感覺，我從來沒有指定要某一種類型的女友。 Sa ：咁你有無拍緊拖？尊：無呀，我依家唔諗咁多，要應付太多 o野，做我女友會好辛苦。 Sa ：講起感覺，我 o地拍親熱戲時 o既感覺好好，因為劇情需要我 o地有尷尬 o既感覺，又因為 o個時我 o地唔係好熟，所以拍出 o黎好有初戀感覺，我個心都跳得好勁！尊：唔係 o卦？你咁有演戲經驗，點會 o架？ Sa （嬌羞狀）：唔知喎，可能因為第一次同個咁靚仔 o卦！尊：哈！其實我都有尷尬，雖然電視劇都有親熱戲，但無咁長囉！ Sa ：你係好多女仔心目中 o既理想情人，但我覺得我 o地都係做朋友好 o的，呢個圈好難識到朋友 o架！我都同好多人傳過緋聞，但因為傳媒成日寫，變 o左好難維持！難得依家識到個咁好玩 o既，我會好珍惜呢段友誼。尊：其實我覺得我們拍戲時真的很愛對方，但拍完戲後，我們就成為談得來的朋友，咁幾好。愛 ‧ 出擊 Sa ：咁愛情方面你鍾意做主動定被動？尊：要睇 o下鍾唔鍾意個女仔囉，通常都會暗示 o下先，有反應先會繼續發展；當然我唔介意女仔做主動，咁你又點？ Sa ：我唔介意做主動定被動喎，睇 o下個男仔點囉，如果佢被動，我咪主動 o的囉，無所謂！歡喜冤家互相單打阿 Sa 和吳尊無論在公開場合或是私底下均是「狗咬狗骨」，絕對是典型的歡喜冤家。做專訪當天由於掛一號風球，而吳尊翌日亦要趕回台灣，阿 Sa 在拍照時竟取笑他隨時要滯留香港；而在拍攝合照時，由於吳尊的手臂粗大，多次把阿 Sa 的俏臉遮蓋，阿 Sa 就乘機取笑吳尊肥胖，氣得吳尊作狀要追打她，場面搞笑。 http://orientaldaily.on.cc/photo/20080926/ent/0926enew27b1.jpg