[新聞] 阿嬌　阿Sa　主動求情(11.15)

看板Twins作者riolin7 (香港吉祥物)時間20年前 (2005/11/15 10:35)推噓0(0推 0噓 0→)

留言0則, 0人參與討論串1/1

阿嬌　阿Sa　主動求情(東方日報) 蔡卓妍（阿 Sa ）和鍾欣桐（阿嬌）甫出道便以「雙生兒」姿態出現，台上台下行動一致，同床共食，料不到兩人今年更一同命犯桃花，同時被「 Sa 基戀」和「申嬌戀」纏身，面對一連串的緋聞報道，兩人卻有著極端的正負面睇法，一凹一凸！雖然阿 Sa 阿嬌同樣受到愛情重傷，痛恨卸膊情人，不過依然無懼勇敢去愛，更直言若遇到喜歡的人，會主動出擊爭取！面對日日新鮮的緋聞版本，一對 Twins 可會互相安慰？嬌：梗係唔使安慰，我 o地只會一齊笑 o下。不過女仔太多緋聞都唔係咁好，女仔始終都有形象，有 o的人可能真係會信，有 o的報道寫到咁衰，唔係咁好。 Sa ：我同阿嬌最關心係 o的報道會唔會用 o佐 o的最肉酸 o既相咋！初初有緋聞都會唔開心，但依家我只會當係一種宣傳。有 o的女星 o既緋聞，用到 o的咩「淫蕩」、「性女」咁差字眼，唔係咁好，至於我 o地算好彩，量就好多，但個餡已經算好輕手。嬌：但始終都係太多，有 o的寫到好誇張，好似係人都同自己有關咁，惟有當促銷雜誌。咁依家想唔想拍拖？嬌：唔好啦，好煩呀！我真係擔心 o的緋聞會影響到我嫁唔出，我怕將來我男友 o的屋企人見到我 o的緋聞，覺得乜呢個女仔咁 o架，好似好複雜咁，我諗依家都冇乜男仔敢追我，如果我嫁唔出就攬住 Mani （經理人霍汶希）啦！ Sa ：我就會順其自然，我唔會因為怕緋聞而唔拍拖。會唔會公開戀情？ Sa ：我就冇所謂，拍拖好正常，但另方面我都要顧及我 o既工作，我都要同好多人交代，公開我唔介意，但要睇 timing （時機），依家拍拖我要考慮好多 o野。嬌：公開會開心 o的。邊類男仔吸引到你 o地？嬌：有情趣，識得體諒同埋最緊要大家 o係一齊係開心。我覺得最差男仔係 o個種卸膊，講一套做一套，只係得個講字，推卸責任自己走 o佐去，當我最需要佢時佢走 o佐去唔負責任，又覺得自己完全冇錯咁就最唔得！ Sa ：其實我唔會只睇表面，人 o地點講我唔會理，我會同 o個個人相處過之後由我去評估 o個個人係點樣，最緊要係我鍾意佢，咁佢做乜我都鍾意，同埋大家一齊，溝通係好重要，唔講 o野就唔得。不過，以我拍拖經驗，我唔係太鍾意男仔用物質去維持段關係。會唔會主動出擊？嬌：會主動 o架，但我一定要 feel 到對方都有意思先會咁做，如果唔主動可能會後悔。 Sa ：我都會，唔係男講就女講，邊個踏出第一步都冇所謂，但我要做有把握 o既 o野，所以都一定要肯定個男仔都係對自己有意思先。外界壓力令到大家分手，會唔會覺得可惜？嬌：唔會咁脆弱 o既，如果咁易分開就太過膚淺啦。 Sa ：咁咪睇大家過唔過到呢一關，如果過到感情又可以跨進一大步，相反如果過唔到，即係唔可以有福同享有禍同當，我會當係大家一個考驗囉！好多 o野都係整定，緣分注定你同呢個人一起，點寫點講你都係會同呢個人一起。 http://0rz.net/930Qs -- ※ 發信站: 批踢踢實業坊(ptt.cc) ◆ From: 218.160.53.86

[新聞] 阿嬌 阿Sa 主動求情(11.15)

[新聞] 阿嬌　阿Sa　主動求情(11.15)