[新聞] 疑方力申靠害借阿嬌宣傳(10.20)

看板Twins作者riolin7 (香港吉祥物)時間20年前 (2005/10/20 10:28)推噓0(0推 0噓 0→)

留言0則, 0人參與討論串1/1

疑方力申靠害借阿嬌宣傳(東方日報) 鍾欣桐（阿嬌）和方力申的緋聞雖然玩完，但一段戀情的終結，卻禍延英皇和金牌兩大公司互片，公開互數對方不是，從此有你冇我！自從有報道指阿嬌在英國有新戀情，力數小方不是後，小方又被影到與 Stephy 拍拖 shopping 。到昨日，又有周刊指阿嬌結識新男友後，仍和小方保持交往，實行一腳踏兩船，其後被英皇知道，阿嬌才速撇小方，還要小方硬食死貓做負心漢云云。報道出街後，據知英皇相當不滿，認為金牌利用阿嬌幫小方做宣傳，故此英皇高層即時下禁令，不准旗下藝人和金牌有任何牽連，尤其是阿嬌和小方。唔想阿嬌受傷害記者致電向英皇的藝人管理部總監霍汶希求證，她強調：「由頭到尾，公司從來冇阻止藝人拍拖，亦唔希望藝人拍拖受到不必要傷害，我 o地藝人唔需要借助緋聞做宣傳，亦從來冇咁做，更加唔想再有人借緋聞拖阿嬌落水！（英皇有冇棒打鴛鴦？）公司從來冇阻止藝人拍拖，只係希望藝人可以揀到好 o既、信得過、唔好影響工作 o既另一半。（英皇係咪與金牌劃清界線？）我 o地冇針對任何人，亦唔係公司之間問題，只不過唔想藝人被拖落水受傷害、被利用，我 o地冇權干涉其他公司點做，但絕對有權保護自己藝人。」英皇的行政總裁吳雨則在電話中表明立場說：「公司從來唔牽涉藝人感情事，但唔想緋聞再糾纏落去，大家睇到佢 o既目的係想點。」暗示小方利用阿嬌做宣傳。至於事件的女主角阿嬌，對事件就避忌的說：「所有方生 o既事，唔會再作回應，以後所有緋聞、戀情唔會再答，依家只會投入工作，專心做好北京演唱會，唔想再講緋聞！」看來阿嬌亦收到公司命令，以「方生」稱呼小方，以示劃清界線。想不到兩位歌手的緋聞，竟搞到兩間公司決裂，金牌董事經理黃高獲悉英皇的態度後認真地說：「我唔知人 o地點，總之我 o地全公司都會全力支持方力申！佢只係講番自己，成件事我覺得最無辜只有一個人，就係 Stephy 。（以後係咪唔安排兩間公司藝人合作？）我唔知人點，總之我從來唔抗拒，亦唔刻意避忌。」另外，容祖兒演唱會將於下周四開鑼， Twins 、關智斌和 Steven 扮鬼扮馬拍爆笑短片撐師姐，以示團結，阿嬌反串扮皇上、阿 Sa 做宮女、 Steven 扮激凸超人、 Kenny 扮白馬王子幫半裸 model 按摩，夠晒抵死。 http://0rz.net/d30N5 鍾欣桐 -- ※ 發信站: 批踢踢實業坊(ptt.cc) ◆ From: 218.160.51.150