壹本便利#700 - 不是洋娃娃 Twins

看板Twins作者racemillet (流年)時間19年前 (2005/06/23 06:48)推噓16(16推 0噓 6→)

留言22則, 13人參與討論串1/1

撰文：陳七　製作：何嘉欣　美術：黎偉成攝影：張文華@Join Art　化妝：Andy Leung 髮型：Daniel Cheng@Chin. G Styling：KaKA@daplay house　服裝：I.T 特別鳴謝：德美集團借出富豪海灣毫宅《便利》700期，一早預定找Twins拍封面照，因為Twins形象開心，很洋娃娃。出道一直都太完美了，張張相例必甜美笑容，太完美總是惹事端，之後阿Gil硬會被影到黑面照，之後阿Sa就會傳與此與那傳緋聞。訪問過程中，阿Sa答問的很多第一句，都是「不如咁講oㄚ！」「其實係咁o既！」，咦，唔係咁無主見、乖乖應聲o個隻o番。阿Gil呢，仲坦白，「我都不知幾想係洋娃娃，起碼我笑唔出時，一[手禁]掣就笑到，可惜我唔係。」 ◎圖1 http://img114.echo.cx/img114/3379/cmw7350no5nt.jpg

拍攝當日Twins的形象指導帶了一本書閒著在看，Gil看到書的封面，指著雀躍高呼：「呀，我都有呢一本o架！」那本書的名字，叫《Kitchens&Bathrooms》，專講世界各地靚廚房與靚廁所。 Gil：「家中各部分，我最愛的只一，就是洗手間。我愛看室內設計的書、也最愛看關於洗手間室內設計的書。我是會於洗手間內搞好耐的那種人，關上門後我會聽歌、亦會在內唱歌，反而在自己房間就不會，你知道嗎？關上洗手間的門之後，唱歌的回音會很響的，可以聽自己把聲聽得很清楚。是的，洗手間就是給了我很放鬆很私人的感覺，沒有人可以打擾。」 Sa：「佢直頭可以生活o係洗手間啦！佢甚至可以o係洗手間做埋運動o架！用洗手間好耐o架！我成日同佢出trip，所以我最清楚。」心理／心靈治療專家Derek Bishop曾說，愛在洗手間的人，其實並非逃避的人，反而是最希望自強的人，連做運動都選在洗手間，Gil與從前被動、默然那個形象，確是有點轉變。 ◎圖2 http://tinypic.com/687bjo.jpg

◎圖3 http://tinypic.com/687bth.jpg

阿Sa愛書：《傻瓜的幸福與智慧》，內含82篇短小寓言，每篇之後作者都有詮釋註解跟尾，十分易讀易明。尤杜洛斯基（Alejandro Jodorowsky）著。$95（PageOne）阿Gil鍾意廁所，愛讀廁所書，阿Sa你的形象每天總是笑笑笑，樂天放鬆…… Sa：「一來性格由細到大都係咁；二來我曾被另一本書感染得厲害。」咁係騎樓書定睡房書？ Sa：「唔係呀！我好鍾意《傻瓜的幸福與智慧》，個作家寫o左好多寓言故事、亦寫o左好多佢細個時聽過o既寓言故事，其實要講o既就係世界已經太複雜，人應該用最簡單的方法去面對複雜的問題。人，亦應該保留自己o既本質。咁我本身就鍾意笑，有乜原因要改？又好似而家卡通片都搞到3D呀、立體呀、複雜呀，咁卡通片係做俾細路仔睇之嘛，做乜要咁。我都係鍾意睇《小雪兒》、《肥牛牛布斯》多。」 ◎圖4 http://tinypic.com/687drc.jpg

阿Gil最愛廁所，看圖，又真係笑得好真！訪問開始後，我就發覺，阿Sa被撻著講o野的程度，確實比Gil來得快。快人通常有快語，即問炒得熱哄哄的——緋聞。阿Sa妳曾經講過，鍾意壞男人Hugh Grant。 Sa：「我係鍾意佢做過o既角色o者，我都唔識佢，淨係覺得佢眼神好attractive，同幽默。」哦，幽默。咁鄭中基幽唔幽默？ Sa：「鄭中基唱歌真係好好聽。」咁你鍾唔鍾意鄭中基？鄭中基吸唔吸引？ Sa：（大笑）「嘩，哈哈，你突然之間問得咁直接o既！哈哈。唔……你咁問，我梗係答，佢唔吸引。」到Gil。方力…… Gil：「唔答唔答，唔回應。」 ◎圖5 http://tinypic.com/687e6o.jpg

◎圖6 http://tinypic.com/687ede.jpg

阿Gil愛書：《Kitchens & Bathrooms》，收集了世界各地有型部屋的廚房與洗手間照片，典型家居設計專書。Aranzazn Garcia著。$130（PageOne） 2個女生，4年光景，娛樂頭條幾百，當中有你勝我負，口和心不和，你腿粗我腰幼，講句真心話，經過咁多o野，係咪真係如名字Twins咁孖公仔先？ Sa：「o拿，其實係咁，初初兩個唔識o既人一齊，梗係好新鮮好好奇好多o野傾講o既啦，我仲記得第一隻碟出時，阿Gil o係英國我就o係美國，屋企人打俾我，話買唔到我o地隻碟，我仲諗，點解隻碟會被禁呢？原來係賣晒。之後工作就排山倒海，連續年幾兩年係咁做，同阿Gil係每日見，真正傾偈就少o左，慢慢大家對唔同睇法都開始收埋，而且佢又唔太夠膽向我講好多，我又係性格本身多意見o既人，有一段時間，確實稱唔上好好。 Gil：「唔，佢性格直，有段時間真係唔知其他人唔開心。」 Sa：「直至兩年前，可以一齊放假，我o地兩個走o左去台北，淨係得兩個、住一間房o個隻trip，逛台北街頭啦、去KTV啦，佢就成日唱張惠妹，我就係咁唱Sammi，我o地開始傾番好多密偈，之後又回到初相識乜都講o既階段。而且我o係佢身邊4年，點會睇唔到佢變化？從前佢自我保護得好緊要，而家真係笑多o左、講多o左好多。」 ◎圖7 http://tinypic.com/687gpe.jpg

◎圖8 http://tinypic.com/687gwj.jpg

上次寫真後，Twins話過唔再影bikini，點知最近瘦身廣告又o黎，好，多多我都未滯。 ◎圖9 http://tinypic.com/687h9l.jpg

太多人說過，Twins出道時（01年）是香港經濟黑暗期，Twins一出碟大紅，因為我們要安慰。 ◎圖10 http://tinypic.com/687hcl.jpg

上過拉闊，Twins×At17，兩個睇得、兩個唱得，冇睇你o徒晒。 Gil：「上週拉闊我真係好深刻。〈風箏與風〉呢首2部合唱歌，我o地每次唱同練，都唔會望住對方唱，因為驚打擾會唱錯。當日我o地唱時，好自然咁望住唱，我覺得唱得最好，因為有感情。」 Sa：「仲有我一定要講你一定要寫，佢企我隔籬一唱〈我們的紀念冊〉，前奏響起，『臨別要在這間愉快……』一唱起，我會起雞皮，因為我感動，因為我想哭。」看報章雜誌專訪，關於Gil的，不離冷淡、默然，我記得甚至有次訪問的大題，4個字「滅絕師太」，形容她逢問皆不太想答。 Gil：「剛才阿Sa講得對，因為性格關係，我是慢熱的，也會給人冷的感覺，哈哈。」可能我算幸福，也可能阿Sa說得對，阿Gil笑得多了，夾雜著談話的哈哈，比我事前想像的多。「我妹妹8歲咋，入行之後，我感覺佢驚我，早排佢甚至向她的補習老師說，家姐是明星，好驚佢。我得知後，就開始改變，改變著自己其實也改變著他人，之後我見到妹妹，她對著放在她檯頭我的照片，輕聲說：『她不是明星呀，她是家姐呀！』我當然高興。慢慢，我的轉變也大了，笑得、講得比從前多。我當然希望我是一個洋娃娃，一按就會笑出來，不過人的轉變是逐漸的，而我是人，不是洋娃娃。」 ========== 《便利》普查 OK，《便利》700期，《便利》普查。不知從那一刻開始，阿Sa瘦了很多皮膚白了很多笑容甜了很多演出有信心了很多也當然潮了很多，我們公司本身的Gil派，轉了變成Sa派。那是我要做Twins專訪，走訪各部門同事之後的結果。不過阿Gil不用怕，因為我們其中一位同事，堅持最愛阿Gil多年，屬不離不棄那一種，虔誠度一票敵十票。最終結果……唔……話晒700期，開開心心，打和啦！圖11 http://tinypic.com/687tjk.jpg

---- （貼完） --- 應該是近期內我看過的最值得一看的雜誌訪問所以我看沒人貼就自己貼上來了排得有些亂, 不嫌棄看看唄 -- ＪＡＺＺ　ＩＮＶＥＮＴＩＯＮ http://www.jazzinvention.com/bbs/ -- ※ 發信站: 批踢踢實業坊(ptt.cc) ◆ From: 71.112.111.71 ※ 編輯: racemillet 來自: 71.112.111.71 (06/23 07:32) ※ 編輯: racemillet 來自: 71.112.111.71 (06/23 07:38)

推

JoanKoo

192.192.44.126 06/23, , 1^F

192.192.44.126 06/23, 1^F

推

chynan

219.68.128.84 06/23, , 2^F

219.68.128.84 06/23, 2^F

→

chynan

219.68.128.84 06/23, , 3^F

219.68.128.84 06/23, 3^F