[新聞] 楊怡唔慣畀人叫羅太　生B順其自然

看板TaviaYeung (楊怡)作者joycemei (v(￣︶￣)y)時間8年前 (2016/03/28 19:36)推噓2(2推 0噓 3→)

留言5則, 3人參與討論串1/1

楊怡唔慣畀人叫羅太　生B順其自然【on.cc東網專訊】剛成為人妻的楊怡到荃灣廣場出席無綫劇集《未代御醫》宣傳。訪問時，傳媒恭喜她升呢羅太，楊怡笑說：「多謝，我唔識應，未慣，我都係叫楊怡。（羅楊怡呢？）你的姓氏，我的名字。（同事叫你羅太？）佢哋第一句問我攞餅，會派嘅，年底會補擺酒，呢個人生重要時刻，想做好啲，唔想草草了事。（會照習俗接新娘？）都會搵圈中人做姊妹，但細節未定，習俗我都唔識，要上網check吓啲習俗。（網民友話唔見你戴婚戒？）謙仔覺個女仔應該戴粒大鑽石，等個注意力喺女仔度，我哋有結婚戒指嘅，不過平時都未必會戴，自己驚漏底唔見。（媽咪點評價女婿？） OK呀，佢好放心。（媽咪有冇同女婿講咩？）佢話乖乖哋同我好好照顧個女。」讚老公仔孝順問到長輩有沒有催生B？她笑言：「冇，順其自然啦，小朋友係天賜，唔會心急，呢一刻係人生另一個開始，婚禮係人生另一個開始，希望將來會更好，小生命慢慢先。（會唔會減少工作？）會繼續做嘢，唔做嘢好悶，但係都希望可以舒服啲，因為之後會同媽咪三個人一齊住，希望跟媽咪學吓煮餸，做人老婆係需要嘅。（羅仲謙同媽咪相處成點？）好好冇問題，佢都好孝順。（TVB續約傾成點？）傾緊，四月約滿，如果續約都希望舒服啲，同公司嘅關係都好似情侶咁，希望搵到共識。（續約機會大唔大？）OK嘅。」楊怡對於同期出道的胡杏兒、鍾嘉欣最近也先後出嫁感到開心，戥對方高興。羅蘭安仔齊抽水另外，楊怡在台上進行宣傳，講到角色原本會嫁給郭晉安，但她最後卻私奔。羅蘭笑說：「有人私奔去咗英國。」身為「末代御醫」的郭晉安為楊怡把脈，他笑說：「係喜脈，呢個係喜象，着意思係收視會起。」羅蘭代表大家送了一個BB公仔給楊怡說：「羅伏苓（楊怡戲名伏苓），祝你連生貴子。」新聞來源: http://ppt.cc/Ys6c3 (有宣傳活動採訪影片!) -- ※ 發信站: 批踢踢實業坊(ptt.cc), 來自: 42.72.166.217 ※ 文章網址: https://www.ptt.cc/bbs/TaviaYeung/M.1459165010.A.A3D.html

[新聞] 楊怡唔慣畀人叫羅太 生B順其自然

[新聞] 楊怡唔慣畀人叫羅太　生B順其自然