[專訪] 楊怡陳敏之顧家女包袱難除

看板TaviaYeung (楊怡)作者joycemei (阿妹妳是我的女神!!!)時間13年前 (2011/07/17 20:07)推噓24(24推 0噓 59→)

留言83則, 8人參與討論串1/1

楊怡陳敏之顧家女包袱難除女性要撐起成頭家絕對不易，為給予家人有更好的生活，即使累也不得不繼續撐下去…… 陳敏之與楊怡兩個30出頭的單身女子，不約而同有着家庭負擔，面對娛樂圈日以繼夜機械式工作，曾想過向水銀燈生活說不，但清醒過後，發覺原來已泥足深陷，揮之不去！陳：陳敏之楊：楊怡同病相憐窩心姊妹楊：拍劇集《衛斯理》之前同你唔係好熟，當時只知呢個高妹係楊明女朋友，我本身同楊明係訓練班同學，又當佢係半個細佬，知佢對感情唔乖，好花弗，但我就唔buy呢樣，後來同你傾偈知你唔開心，傾傾吓就開始熟。陳：之後唔使講，同陳山聰、姚嘉妮、伍詠薇聚會都會出嚟，聖誕節、生日、結婚周年… …大家玩得好癲，無所不談，好多嘢心照。楊：我就少啲，因為唔鍾意周圍去，工作太忙，其實又唔使成日見，我比較鍾意講電話同 send message。陳：最大感覺係上年我病，覺得同你又拉近咗，咁啱你又唔舒服，真係同病相憐，病完之後睇嘢好似化咗，更加珍惜朋友。生病時往往是最脆弱、最需要朋友關心…… 楊：點解會突然留意你？雖然唔係成日打畀你，但有次睇節目見你個樣好腫，好多人講你變樣，又冇精神，愈講愈恐怖，有日終於忍唔住漏夜send短訊問你咩事，話我自己都有啲唔舒服，兩姊妹唔怕講，當時你唔肯講，只係話喺醫院，我個心都沉一下，但覺得始終私人嘢，你想講就講，唔敢問，入得醫院都應該唔小事，我都有段時間入醫院，所以畀你冷靜吓！陳：記得出院之後你哋嚟屋企探我，我都有講我發生咩事，唔係出面講嗰啲，但呢次就好大感覺，覺得女仔唔可以咁搏，要愛惜身體，你都係，劇接劇冇停過，身體都唔係咁好，女仔要向自己幸福進發，做嘢可以做，但要畀時間休息。楊：我哋成8年冇合作，最近又可以喺《回到三國》一齊拍，好開心，其實我哋一班朋友入面，嘉嘉（姚嘉妮）同伍姑娘（伍詠薇）感覺就似走喺前面嘅尖端，因為一齊傾偈我永遠會笑遲啲，你哋講嘢轉數快，係要有一個人係咁，如果成堆人係咁會好嘈。陳：雖然我哋都好嘈，但聚埋一齊就大件事，乜嘢都八一餐。楊：你覺唔覺病係最令人有感覺？陳：絕對係，我冇諗過你係最照顧我嗰個，嗰次病你打畀我問我想食乜嘢，其實你又唔得閒，搞到好似男朋友咁，令我好窩心，就認定咗呢個姊妹有咩都兩肋插刀。楊：我仲記得我哋幫嘉嘉做姊妹好開心，一齊陪喊好感動，個個都問幾時到你呀？陳：諗吓我哋呢班邊個結婚生仔都好開心，因為太多經歷，呢10年各自各忙，但個心聯繫住，有時會掛住對方，好似你之前喉嚨沙晒，我會肉痛，可能我病你都感受到，對住醫院四面牆好無助，我哋呢啲中女係咁。遇啱就結婚生子楊：係中級以上嘅靚女先啱。陳：你表面好強，入面好脆弱，又易病，要錫住自己，你有冇諗過做到幾多歲？有冇為未來打算？楊：希望有一日，呢份職業可以成為我興趣嘅終身職業，唔係靠搵食嘅職業，依家搏殺期不停做，係想搵多啲錢，如果有一日結咗婚就唔係咁，有時都有問自己，如果唔做呢行可以做乜，其實真係諗唔到，都冇一個計劃。陳：做生意囉！之前唔係同家姐做過咩？楊：係家姐做，我負責畀錢，冇參與過，我想畀佢有寄託，家姐結咗婚又有BB，呢行唔係佢終身職業，希望佢有其他嘅事業。我都望有一日遇到個可以結婚生仔嘅人，但唔會唔做，想有得揀，選擇拍唔拍呢套劇，因為終有一日會畀人叫我做媽咪，宣萱都喺微博話畀人叫媽咪，死啦！我喺《鐵馬尋橋》有五個仔女添！陳：依家媽咪年輕化，畀謝安琪整後生咗！做戲都會易啲，我話你知有仔女都唔出奇，唔覺得肉酸。楊：對我哋嚟講係好事，容易接受自己畀人叫阿媽。失意低落諗過轉行當人生遇上失意之時，就自然萌生放棄念頭…… 陳：我病嗰時有諗過轉行做生意，因為真係好醜樣，腫晒，會諗咁辛苦做乜，但係好番之後，又會諗暫時我搵唔到一份職業可以有呢個錢同時間，又有滿足感。楊：我試過喊住打畀經理人話我唔撈嘞！咩事？個人好攰，病緊人就軟弱，覺得好似做咁耐係得到好多，但同時間都失去好多，見到人哋喺街咁自由，有時我想透啖氣都覺得好渾濁。陳：幾時嘅事？楊：唔記得，上次病都有一吓覺得崩潰，因為好多嘢控制唔到，唔係驚自己做唔到呢行，係驚冇錢畀屋企，收入少咗，變咗佢哋生活突然有問題，冇可能呢一刻同媽咪講要降低，會覺得好對佢唔住。陳：咪即係同我一樣，真係陰功。楊：我知道佢一啲都唔會介意，但我介意，因為媽咪冇做嘢。陳：我有時諗結咗婚生埋仔冇嘢做架嘛，畀唔番呢啲嘢媽咪會唔開心。楊：咁你有老公嘛！陳：當你病嗰時就會有十萬個為甚麼，點都擔心。楊：冇病過等於你冇跌過，個人唔會識大，唔會識得珍惜自己嘅嘢，會覺得係天經地義。唔慣追訪做番自己人在高處當然感覺飄飄然，但某程度上也漸漸逼自己入死角…… 楊：《宮心計》嗰段時間好多人去討論、追捧，識我嘅人知我唔難相處，但呢個時候我就會有啲劣根性問題出現，會同你死撐，成為傳媒敵人，我唔鍾意佢哋跟，會衝動到令自己走入死角，好狼狽，但即刻豁出去唔理，我唔鍾意妥協就唔會妥協。其實轉頭去睇，以前嘅自己從未畀人咁講過，嗰刻我follow唔到自己，照顧唔到咁多鏡頭，會出現自己唔鍾意嘅情緒，有少少覺得有乜好跟，想做番自己，當然知道你有新聞價值，人哋先跟你，做咁耐都係為呢樣嘢，但原來我發覺係唔慣，所以都係做好自己，其他就希望搵到更加多嘅錢。陳：你真係要顧住身體囉！楊：身體真係差過以前好多，錢係冇一個界定要幾多，實唔夠，但身上有幾多才華就想用到盡，做好佢，冇得我哋say no，公司、出面不斷安排機會畀你，你say no咪好折墮！文：影視組　攝：沈健程　髮型：Van @ Hair（陳敏之）　化妝、髮型：TY（楊怡）報導的照片滿美的說 http://ww1.sinaimg.cn/large/69de72f7jw1dj8865hn1uj.jpg

新聞來源: http://orientaldaily.on.cc/cnt/entertainment/20110717/00282_030.html ============================================================================== 這專訪看了滿心疼的就是了~好好照顧身體阿~阿怡~〒△〒 -- ※ 發信站: 批踢踢實業坊(ptt.cc) ◆ From: 114.42.235.52

推

joycewanga

07/17 20:14, , 1^F

07/17 20:14, 1^F

→

joycemei

07/17 20:22, , 2^F

07/17 20:22, 2^F

推

Monoprix

07/17 20:32, , 3^F

07/17 20:32, 3^F