[專訪] 楊怡愛不好說

看板TaviaYeung (楊怡)作者lucyL (Lucy)時間13年前 (2011/05/27 22:19)推噓103(103推 0噓 503→)

留言606則, 9人參與討論串1/1

圖文版： http://www.eastweek.com.hk/index.php?aid=12834 bbs文字版：看楊怡，大大話話四、五年，早年是路人、節目主持、小警花，在《家好月圓》的「攞女」之後，近來最深刻印象的，是《談情說案》中在海旁被太子峯拒絕，喊苦喊忽那一場，其後還被剪進《荃加福祿壽》。早前在《點解阿Sir係阿Sir》中，楊怡又要對住男人狂流開心眼淚，對手則是筍盤豪。愛情，終究是無綫劇集的主要元素。「唔止無綫嘅戲，我覺得所有戲都離唔開愛情橋段，因為戲反映緊人嘅生活，少咗呢啲就覺得人生唔完整。愛情喺每一套入面佔咗好重要嘅地位，如果一套戲冇愛情，觀眾都會覺得好dry、好悶！係好主線嘅一樣嘢！冇咗愛情、冇咗親情，人生仲有咩好講？冇嘢好講！」女人是水造的產品，會為情而哭。楊怡確信，緣份奇妙，冥冥中定有主宰。性格男仔頭的她，今天或許是愛情的動物，不是撒謊的小木偶。情海浮潛當無綫親生仔女的，很小部分肯具體承認戀情；肯打開天窗說亮話的，都是近數年才加入無綫大家庭的小花。四大花旦之一的楊怡，愈大愈靚女，腰短腿長，性格爽直，在不少人眼中，是由內靚到外的級數。「感情狀況？尋覓囉！好似個海咁樣浮沉啦！（視線即轉到窗外的維多利亞港）浮潛呀應該係！睇吓搵到啲咩，潛緊睇吓有冇啲咩珍寶呀、睇吓有冇啲咩筍嘢呀，捐咗落去呀！（有冇人approach你？）唔知喎呢啲，唔知喎！呀……唔知喎呢啲嘢！」她這個獨門太極招式叫「連環唔知」，在第一個「唔知」時盡伸左臂，第二個「唔知」時別過臉兒，第三個「唔知」時已經雙手合十，雙目緊閉，元神出竅，叫人難以追問下去。我尚且功力不深，但有財有面的城中富豪，絕對有實力破解楊怡「連環唔知派」太極拳。「點解我冇（富豪朋友）嘅？冇呀！直頭係冇呀！又唔知喎，聽又聽過、睇雜誌都睇過，我自己又冇喎！冇乜記者會問我呢樣嘢，佢哋知道我唔係咁樣嘅人嚟！唉，我三步不出閨門嘅，我匿喺屋企嘅啫，要嚟就嚟我屋企食囉咁樣！富豪嚟我屋企食囉！從來都冇抱太大希望，我個人好隨緣，由零開始係最好，行得最穩陣、企得最好，特別呢一行嚟講，最緊要睇清自己目標，為啲咩入行。「喺《宮心計》做奸角，都係為咗爭愛咋！我覺得愛情喺古代喺現代，有情有愛嘅地方一定會有爭端囉，等如有金錢就一定有爭鬥，做人就係咁，最後個目標都係為咗多啲人錫你。我哋一出世由零開始，唔識得咩叫愛、咩係錢、咩叫親情，我哋一路喺度學習，大個希望搵多啲錢之餘，都希望能夠發揮愛，愛身邊嘅人，令多啲人愛你，朋友又好、親人又好、自己另一半都好，為咗身邊一切不斷去努力！」知足性感如果楊怡為踏入豪門而入行，她肯定不會在同一間公司打足十二年工，公司也贈她「我最喜愛的飛躍進步女藝員」、「我最喜愛的電視女角色」和「最佳女配角」等獎項為回報，可恨距離「視后」殊榮，或尚有距離。「爭一個機會，更加突出嘅角色，因為角色上面你做到未必把握得好，都係要靠自己，努力再做好啲，機會已經有o架喇其實！其實個個都係，唔單止我，比我等得更加耐、做得更加耐嘅大有人在。你願唔願意用呢啲時間去等囉，你願意等嘅，終有一日畀你等到。可能有啲人中途採取放棄態度，另覓一樣嘢原來自己更大興趣嘅，可能會轉行。對我嚟講，我暫時滿意現狀，我覺得我做人但求問心無愧，所有獎項都係bonus。係咪睇得好化呀？我一路做人宗旨都係咁，我對得住自己，我媽咪又會開心，賺到錢畀佢享福，畀佢做吓 facial歎吓世界已經夠。雖然唔多、唔會話好富裕，有假期可以同佢一齊去玩吓，我個人好知足！」楊怡知足的，還有自己的樣貌和身材。知足到，幾乎只留予自己欣賞，某年台慶的大 deep V總算聊勝於無。「我留短頭髮，因為易打理，我係一個鍾意快嘅人，鍾意爽手爽腳，咩都快快快快快！「背心少少我都唔鍾意着o架，我鍾意好舒服、好casual、好sporty嘅，我唔鍾意着住高踭鞋『滴滴噠噠』走嚟走去，高踭鞋係留番工作時着。工作時已經化住妝，個個都認到你，出到街要有番自己私人時間，唔使咁艷麗。我本身個人性格係鍾意踏實啲做好自己嘅嘢令到觀眾認識，依家性感係希望提升自己美麗，覺得自己有女人味。「都要身邊人鼓勵你：『你着到o架！着裙啦！』咁樣，都有公司嘅人鼓勵，令自己着衫大膽，好多時雜誌提供嘅衫都會少少性感，會擴闊自己眼界，都會大膽咗。同埋個人大個咗，自信高咗都會唔同啲。」自我價值女孩子追求愛情，為的不過是找個歸宿，組織自己家庭。楊怡姊姊楊卓娜與未婚夫共育有三個女兒，看見姊姊甜蜜的家庭生活，有否促使楊怡加快組織自己家庭？「我又冇呢種感覺喎，我想我身邊嘅人好幸福，我開始兼顧埋佢個女o架喇，幫佢孭一半奶粉囉，幫佢孭一半基金，幫佢努力啲搵錢，供吓佢讀書囉。我錫佢哋就夠，嘩！要湊女，好辛苦！都係唔好煩咁多呢啲。」老實說，在娛樂圈，藝人間不和傳聞、壞鬼雜誌封面，都是更煩人的事情。「呢啲避免唔到，呢一行已經係假，大家已經戴住假面具做人。戲裏，真係戴住個面具去做戲，係假o架喇。戲外，梗係要留番少少自己嘅時間啦，呢啲嘢好正常。一拍完之後，梗係大家坐埋一邊唞吓啦係咪先？已經畀人會傳不和！「封面當然要有，都希望正面啲嘅。寫衰咪由得佢寫囉，佢都係要銷量啫！如果我個封面可以幫到佢銷量應該要多謝我！梗係啦！我養起佢喎！我養緊你哋啲米飯喎！你嘅銷量都要靠我封面啫，我冇價值人哋唔買你都唔出啦，啱唔啱呀？」這篇專訪不是封面，也沒有寫衰，但也養了不少同事米飯，證明坦承不愛做訪問的楊怡小姐，是有價值的。現代小燕子電視劇《還珠格格》可算是經典，有網上討論區談及，如在這個年代起用無綫當家小生花旦重演，楊怡不是紫薇，便是小燕子。「我會揀做趙薇嘅角色，唔係因為佢係女主角，因為我想做一個唔好哭哭啼啼嘅角色，因為我遇得太多哭哭啼啼角色，我做好多角色都要喊好多，趙薇呢個係一個大悲大喜嘅人嚟，佢喊得好盡情，好發洩佢嘅喊，佢一笑又好開朗，永遠都處於一種好樂觀好正義嘅心態。我會鍾意呢種角色，負擔唔大。我都有啲神經質，short short哋o架！」小燕子縱然惹人喜愛，和五阿哥永琪有情人終成眷屬前，也經歷不少苦楚。觀眾看談感情談得目光游離的楊怡，在公仔箱內流淚太多了，相信也不希望她在現實的情路上受太多苦。始終，情路太翻波，很傷身的。 -- ※ 發信站: 批踢踢實業坊(ptt.cc) ◆ From: 118.170.215.129

→

joycemei

05/27 22:20, , 1^F

05/27 22:20, 1^F

推

joycewanga

05/27 22:25, , 2^F

05/27 22:25, 2^F

推

joycemei

05/27 22:26, , 3^F

05/27 22:26, 3^F