[NEWS] 星爺單車Keepfit慘過做賊

看板Stephen (周星馳)作者star0622.時間19年前 (2006/12/24 01:00)推噓0(0推 0噓 1→)

留言1則, 1人參與討論串1/1

馮仁昭四圍超周星馳近年為佢o既電影王國同地產事業勞心勞力，搞到成個人好似歷盡滄桑咁款，44歲已經滿頭白髮。不過星爺o既身形就keep得好好，每次出鏡都fit到漏，o係電影《功夫》同《少林足球》面仲大騷鋼條肌肉，令馮仁昭好鬼羨慕。雙帽笠頭遮面究竟星爺o既弗爆身形係點樣練番o黎o架呢？除o左有賴健身之外，就係全靠佢o既私伙健身道具──美國製造、價值幾萬銀 Cannondale單車喇。平時佢好鍾意一個人o係中環踩單車，仲戴晒鴨嘴帽同口罩，費事俾人認到。本周二（19號）下晝五點幾，身穿平民風褸襯白波鞋o既星爺又去到中環都爹利街一帶踩單車做運動。當時星爺以例牌蒙面look示人，仲以風褸帽笠住cap帽，淨係露出對眼，不過仍然俾記者一眼認出。點知星爺離遠見到記者，即時就Uturn掟彎掉頭鬆人。運愛車返內地其實星爺早排去寧波拍新戲《長江七號》o個陣，每日開工前都會踩一粒鐘單車，雖則o係內地買部單車只係幾o舊水，不過佢都情願千里迢迢由香港運架私家車去當地。雖然星爺身家豐厚，但佢份人好精打細算，估唔到竟然捨得大o拿o拿才羅幾萬銀買呢部名牌單車。個人喜好呢家o野，真係估佢唔到o架。圖:http://www1.appledaily.atnext.com/images/apple-photos/apple/20061223/ small/23ec16p1.jpg ~ 2006-12-23 香港蘋果日報 ~ -- ▎◣˙◢◣˙◢▉ 情報員標號:211-74-255-221.adsl.dynamic.see ▉├┼┤ ▉ ◤ ▎◥ ◤▉ 隸屬★單位:中央情報局 (bbs.e-cia.net) ▉╰┼情局▉ ◣