11/26 東方日報 Sammi否認出山撼千嬅

看板Sammi (鄭秀文)作者riolin7 (香港吉祥物)時間19年前 (2006/11/26 09:12)推噓0(0推 0噓 0→)

留言0則, 0人參與討論串1/1

Sammi否認出山撼千嬅一直養尊處優的鄭秀文（ Sammi ）前晚以勁靚心情出席活動，放了一年悠長假期的她，透露明年初便會全面「返工」，並率先在下月頭錄製新歌。鄭秀文、琦琦及鄭裕玲前晚出席 SK- Ⅱ 26 周年派對，席上琦琦與 Sammi 分別送上刻有該品牌名稱的水晶琉璃雕塑及跟魔術師表演變蛋糕，來送給該品牌作生日禮物。放了一年大假的 Sammi ，前晚心情大靚，甫到場即令閃光燈閃個不停， Sammi 見狀即笑謂：「嘩，好似閃電咁呀！」問到 Sammi 是否會逐漸復工？她即謂：「唔好用『復工』呢個字眼啦，用『返工』，咁我會冇咁緊張，我都放夠喇，如果再放我經理人會好慘。（返番工係咪因為千嬅過檔？）完全唔關事，我做 o野跟自己個 Schedule ，人 o地有咩發展都同我冇關係。（係咪會幫陳輝陽執導拍音樂短片？）嘩，唔好用執導，都唔好話係導演，我只係幫手 o者，同埋我唔係 model ，所以唔會做短片女主角。」再三強調自己是「返工」而不是「復工」的 Sammi ，她謂會於下月頭錄製新歌，她說：「下個月我會先錄一首歌，因為我之前應承 o左歌迷，但係就唔會咁快出唱片喇。」忙於揀劇本 Sammi 謂其放假期間雖然足不出戶，但卻過得非常充實，她笑謂：「放假期間我都係睇 o下書、睇 o下戲，仲有去旅行。（放假期間有傳你有情緒病同抑鬱，你睇完有冇唔開心？）成年前 o既 o野仲講，當然睇完係有，但當我放完假一年之後係覺得值得 o既，我覺得要堅持自己 o既睇法，唔好理 o的謠言同人 o地 o既睇法。」 Sammi 坦言現在最想拍好 o的戲，所以現正揀劇本。另外， Sammi 出席完活動即乘車返家，未幾其御用化妝師阿 Zing 前來接同事離開。直至晚上十一時許 Sammi 再度外出，但全程不斷兜圈，後來見擺脫不了記者，最後與助手到灣仔食日本菜，逗留兩小時後又返回大寶閣家中。 http://orientaldaily.orisun.com/photo/20061126/ent/1126enew08b1.jpg