11/13 巴士的報 一家四口溫馨開餐 任賢齊黐實仔
https://ppt.cc/fCWaax
一家四口溫馨開餐 任賢齊黐實仔女做甜心Daddy
好爸爸
「絕世好男人」任賢齊同太太陳則妤（Tina）育有一子一女，小齊為工作一家由台灣移居
香港10幾年，向來家庭第一的他，無工開時務必陪住屋企人，對子女更是保護。除咗15年
同仔女拍過廣告外，他盡量不讓子女曝光，尤其堅拒參加親子真人騷，怕子女出鏡後備受
批評承受壓力。日前晚上，《頭條日報》發現小齊一家四口在淺水灣食晚飯，14歲大女
Rati已長得亭亭玉立，9歲細仔Cody同爸爸生到餅印一樣，食飯期間小齊同囝囝在餐廳門
外傾偈，溫馨Dinner食足個幾鐘，最後由小齊接載家人回家，暖爸夠晒Sweet！
近年小齊除咗拍戲和巡唱，亦多到內地出席活動和擔任節目嘉賓，一個月飛幾勻嘅佢好忙
碌，但一有時間便會陪家人。他曾慨嘆之前為了工作，已錯過了很多子女成長的階段，所
以才會安排家人來港居住，爭取更多時間相處，又可幫太太手湊仔女。他表示放長假時多
數偕愛妻和子女出國旅遊，放短假就出外行街食飯都開心。時間許可的話，小齊仲會親自
接子女返學放學，認真是廿四孝爸爸，但他笑言都是正常爸爸應盡的責任。
小齊對家事向來低調，除咗15年趁子女仲細一齊拍廣告留個紀念外，他會盡量讓子女「零
」曝光，尤其堅拒參與近年流行的親子真人騷，他表示好多人出高價邀請他們參加，但小
齊擔心小朋友在鏡頭前的反應，因節目需要娛樂效果，專門捕捉小朋友發脾氣或刁蠻一面
，播出後容易惹來評論。小齊稱可能好多人鍾意你，網上亦可能有人鬧到你飛起，他不想
子女太早承受這些網絡欺凌，他只希望小朋友能過正常的家庭生活，賺錢就由他負責吧！
家住南區的小齊日前趁放假偕妻Tina帶子女Cody和Rati近近哋去較靜局的淺水灣食晚飯，
他們選擇食中菜，期間一家人有講有笑食得好開心。食到尾聲，Tina同女兒Rati密密斟，
而小齊就同兒子Cody到餐廳門外傾偈，見兩人談到手舞足蹈，小齊講到肉緊時仲捉實兒子
的手，畫面好溫馨。傾咗約10分鐘，小齊就返入餐廳埋單，子女先離開，他和Tina殿後。
行去攞車時，他們見到隻可愛貴婦狗，妻兒睇到唔捨得走，女兒Rati望一望冇理繼續行，
後來小齊怕她行得遠即叫停她等埋一齊行。
--
世間有 謗我 欺我 辱我 笑我 輕我 賤我 騙我 如何處置？
只要 忍他 讓他 避他 由他 耐他 不要理他 再過幾年 你且看他。
--
※ 發信站: 批踢踢實業坊(ptt.cc), 來自: 220.134.168.22 (臺灣)
※ 文章網址: https://www.ptt.cc/bbs/Richie/M.1575775544.A.618.html
Richie 近期熱門文章
PTT偶像團體區 即時熱門文章
31
53
