7/17 香港蘋果顯像館：小齊冰火印記

看板Richie (任賢齊)作者yuchihjen (霓虹夜爍)時間14年前 (2010/07/19 18:58)推噓0(0推 0噓 0→)

留言0則, 0人參與討論串1/1

http://hk.apple.nextmedia.com/ All photos by任賢齊《轉自小茶舖 - JE 留言》最好的東西，當然要留下紀念。鍾愛大自然的任賢齊，因為經常在外地工作，時常見到美麗如畫的風景，或者罕有的自然環境現象。小齊會把握機緣，拍下美麗的那一秒。他擁有三部相機， Nikon D90、 Canon 7D和 G10，他視相機如旅途夥伴，它們恍如為小齊寫下一頁一頁日記，印證他的所見所聞。　撰文：王連連「呢度就係喺冰島東南面嘅 Glacier Lagoon，嗰日我哋喺湖面拍咗幾個鐘。仲畀我哋突然見到一條咁長咁靚嘅彩虹。有人話見到彩虹係有好嘅預兆，所以雖然好凍，手都凍到硬晒，但我都忍唔住要影低佢。」「呢張就係我拍《火龍》最尾一幕嘅場面，喺漆黑嘅環境入面，睇住工作人員舞住呢條火龍，好有氣勢呀！佢哋仲好「火氣」，大熱天時拎住咁重嘅火龍，睇住佢哋滴晒大汗，辛苦晒大家。」「對面的女孩看過來……哈哈！呢個小女孩令我想起自己首歌。因為四川大地震，我去咗做探訪，呢個女仔，好得意，但好怕醜，最初唔敢走埋嚟玩，只係遠遠望住我哋，睇吓佢眼神幾天真無邪。」「黃河沿途風景好靚，尤其係睇住咁澎湃嘅黃河，感覺好震撼，最難忘。呢次係我第一次去黃河，就見到咁壯觀場面，聽住河流嘅聲音。就算啲路咁崎嶇，坐咁多個鐘頭車，屁股坐到痛晒都抵。」「嗰年揸越野車游走黃河沿岸好耐，仲見到一位好漢騎住氂牛。隻牛好乖好馴，佢沿途孭住好多貨物行好長嘅路，做人應該都要學佢一樣勤力啲，一分耕耘一分收穫。」「早幾年做一個慈善活動，有機會去黃河。呢張相就係喺黃河源頭附近嘅風景。睇住呢個景，顏色好和諧，有三層色，橙、藍、綠。平時做嘢咁忙，好難得可以靜靜地坐喺度欣賞到咁靚嘅風景。」「印尼呢個地方我唔係第一次去，但每次去呢個地方，都畀我好寧靜嘅感覺。生活節奏唔會太急速，做娛樂圈真係冇時間停低。將來我退休唔做，可以喺呢啲咁優閒嘅地方過世都幾好。」任賢齊 6/9/2009 22:31 NIKON D80 http://i719.photobucket.com/albums/ww197/jeyin623/100717-apple/17ed9p1.jpg