[新聞] 林峯冧笑揭「BB」身份
林峯冧笑揭「BB」身份
林峯冧笑揭「BB」身份
【東方日報專訊】林峯一連三場演唱會前晚開鑼，曾奪獎後公開多謝「BB」的阿峯，前晚
隔空向捧場的緋聞女友吳千語大唱新歌《BB》，憑歌寄意，更沒否認「BB」是吳千語的暱
稱，情意綿綿。
林峯一連三場《瑞士依波路表呈獻：A Time 4 You林峯演唱會》前晚在紅館舉行首場，除
了英皇行政總裁吳雨和無綫高層樂易玲現身撐場外，緋聞女友吳千語亦高調地坐正黃色區
前排。
憑歌寄意頻頻望
期間，阿峯大戰洋妞dancers勁跳艷舞，挑戰多個高難度動作，包括單手環抱倒吊的她，
用膊頭托大腳等，又跟她深情對望，令全場尖叫，似無懼台下的吳千語會呷醋！之後，識
做的阿峯唱出連串冧歌，並邀請fans club的一對情侶上台，為他們獻唱《Because of
you》，期間卻多次望向吳千語身處的黃區，似欲憑歌寄意，還獻唱新歌《BB》，似暗向
緋聞女友傳情。
向來畏高的阿峯站在４層樓高的升降台上獻唱，他說：「為咗接近你哋要再升高啲，但唔
知係個台震緊定係我震緊。」尾聲時全場合唱《幼稚完》，他亦感慨說：「唔知仲有冇機
會喺紅館開騷，但每次有機會上台，我都想將最好嘅嘢帶畀觀眾。」
認收good show
完騷後，阿峯於後台受訪，對記者多次以「BB」稱呼吳千語也沒加以否認，更全程冧笑。
提到他一頭黃髮與坐在黃色區的吳千語很巧合？他笑說：「因為我fans club個顏色係黃
色啫，張飛係公司安排嘅，咁好彩佢都係黃色。（你畏高BB有冇鼓勵你？）其實我未試過
喺紅館吊威吔，勒住個丹田唱歌都幾難。」問到BB有否祝他good show？他又兜圈說：「
其實我所有朋友同事都有講，（咁BB有冇？）有。」最後他向傳媒求饒：「我劏死你，答
又死唔答又死，你哋放過我啦。」
http://ent.sina.com.hk/news/-1-927492/1.html (6張圖)
--
※ 發信站: 批踢踢實業坊(ptt.cc)
◆ From: 123.193.163.31
Raymond_Lam 近期熱門文章
PTT偶像團體區 即時熱門文章
