[新聞] 小學雞詐型有回報離TVB成搶手貨林峯「笑鳥」

看板Raymond_Lam (林峰 - 林峯)作者evoone (love fungforever)時間12年前 (2013/01/03 19:41)推噓0(0推 0噓 0→)

留言0則, 0人參與討論串1/1

【頭條日報】2013/01/03《小學雞詐型有回報離TVB成搶手貨林峯「笑鳥」》小學雞詐型有回報離TVB成搶手貨林峯「笑鳥」 2013年1月3日　　入行十年的林峯早已明言恨攞今屆視帝，開到口「想有實質嘅嘢到手。」以為坐定粒六，點知埋門一腳撞柱彈出，失望加條氣唔順，自恃Fans眾多的峯峯，深知長此下去唔係辦法，決定劈炮唔撈，退出娛樂圈之說只是峯峯詐型計劃第一步。消息傳出後，早已擁有其歌星合約的英皇、內地的華誼兄弟以及太陽娛樂的Paco亦對峯峯的經理人約甚感興趣，失落視帝反變搶手貨，所以峯峯近排心情甚佳，本周日晚便單拖到超市買日用品，全程反傳統地跟記者有講有笑，對於劈炮一事，峯峯笑住Chok再Chok住答：「總之唔再接新工作。」採訪：畢紹基、李權威　　樂小姐系的林峯輸給珍姐系的黎耀祥，雖然峯峯口講唔睇重獎項，但話晒「親生仔」，待遇竟不及「街外人」，林峯一向醒目，條數點會唔識計。雖然有指TVB會在將舉行的《勁歌》頒獎禮以「最受歡迎男歌手」送贈峯峯補番數，但由於得悉消息外洩，峯峯曾私下跟朋友透露:「傳到咁行，我拎咗咪好囉。」，明示對「補數獎」絕唔領情。　　Paco畀Like 　　在內地擁有極高知名度的林峯，深知已不用靠TVB搵食，一年合約好快完，年中剃頭拍劇會牽一髮動全身，當然咪搞。至於拒接Job，峯峯大條道理，「我哋演唱會飛一早賣晒，仲使乜宣傳。」失獎卻現霸氣，峯峯仲唔係有計？對於跟林峯合作，Paco坦言好有興趣，「我極有意思，但尚未接觸。」更對他讚不絕口，「可以唱可以跳又可以演，香港娛樂圈無乜幾多人。」而英皇的Mani亦說：「公司對所有有潛質嘅藝人都好有興趣。」峯峯自知有價有市，發你圍咪發你圍，TVB位於堆填區，但世界好大的。　　心情舒暢　　本周日晚，執到正的林峯單拖到中環超市Shopping，無論咖喱磚、意粉醬及即食麵等放滿兩大籃，其間邊跟朋友傾電話邊揀，談吐極風騷，沿途又有大量街坊表現激動，「嘩，林峯呀，真人好靚仔呀。」聽到扮聽唔到的他陰陰嘴笑。而拎住兩大袋的峯峯一見記者即主動報料兼放電：「今日司機同工人都放假，咪入定咗貨囉。（買咁多煮嘅嘢食，同女朋友玩煮飯仔呀？）哈哈哈，唔好玩我啦，我邊有女朋友呀。」對於退出娛樂圈一事，「演唱會最重要，總之唔再接新工作。」「平」霸變Chok王 02年　　林峯憑《流金歲月》開齋獲提名TVB飛躍進步男藝人獎。　　11年　　07年開始進軍樂壇，09年已可在紅館開Show，四年間合共在香港開了12場演唱會，還未計世界巡迴演唱。　　12年　　憑《Chok》首奪勁歌總選的金曲金獎，亦令勁歌的公信力從此變零。 ※以往被追訪，峯峯必以凌厲斜睥眼贈記者，但今時唔同往日，被追捧自然心情好，笑晒。 ※一路行一路已賣口乖「辛苦晒你哋。」臨上的士還跟記者講拜拜，簡直神蹟。 ※峯峯一路揀嘢食一路傾電話，全程笑多過講。 ※Fans對偶像失落視帝憤憤不平，更鼓勵峯峯速離TVB。 ※峯峯失落視帝一刻的確好陰功豬，見者心酸遮。 ※Paco讚峯峯唱得又演得。 ※Mani亦對峯峯的經理人約甚有興趣。 Video：http://www.tudou.com/programs/view/jxydsdCYh_0/ http://www.fungforever.net/forum/viewthread.php?tid=25635&extra=page%3D1 -- 2010.1.3 Love Fung Forever Fans Gathering song 原曲:愛人與海我們一起跟你來慶祝今年你的人氣會更旺驕傲成績教人難忘讓峯迷如癡如狂你的努力全球來作證期待事業高峰一再勇闖愛你不變讓峯迷說一句 Love U forever ＊* ~ ＊ * \(￣▽￣)/ * ＊ ~* ＊~ -- ※ 發信站: 批踢踢實業坊(ptt.cc) ◆ From: 118.169.169.168

[新聞] 小學雞詐型有回報 離TVB成搶手貨 林峯「笑鳥」

[新聞] 小學雞詐型有回報離TVB成搶手貨林峯「笑鳥」