[新聞] 林峯食白果二百宗投訴轟不公

看板Raymond_Lam (林峰 - 林峯)作者evoone (love fungforever)時間12年前 (2012/12/19 19:42)推噓0(0推 0噓 0→)

留言0則, 0人參與討論串1/1

【東方日報】2012/12/19《林峯食白果二百宗投訴轟不公》無綫搞全民投票，出爐視帝、視后的票數均受質疑，無綫就黎耀祥膺視帝，更「狂食」24 個投訴！林峯大熱倒灶，直言感失望，但頒獎禮後獲數十名粉絲在電視城門外力撐，又獲樂易玲傍住食消夜，可謂輸獎唔輸陣！反觀三度封帝的黎耀祥，則冇慶功玩低調，回家只吃隔夜滷水鵝填肚！對於無綫、通訊局共收到近二百宗投訴，當中包括票數受質疑，無綫外事部副總監曾醒明出面解說，但堅拒公開票數！年無綫為台慶頒獎禮搞搞新意思，玩全民投票選出心水視帝、視后及最佳劇集獎項，短短幾天錄得1,542,922票，擁有大批fans的林峯原本坐定粒六攞硬視帝，沒料最後由黑馬黎耀祥勝出，無綫宣布視帝、后票數分別為各11萬幾，但有網民卻於討論區質疑票數統計，無綫外事部副總監曾醒明昨日透露，於總票數當中，並非人人也完成投三票，更謂：「名單內有10個男主角、10個女主角，24個最佳劇集，即係分咗44個選擇，同埋今次機制好嚴，如果重複投票會抽走，不過都唔會公開票數。」 fans高層力撐雖然阿峯明顯在頒獎禮上未公布視帝賽果時已經一副失落表情，似早已知自己將跟視帝寶座失諸交臂，但最後都接受現實，並回復笑容，完成頒獎禮後先於電視城門外與數十fans 慶祝，期間有fans為偶像失獎哭泣，阿峯見狀亦有安撫，及後便與徐子珊到灣仔吃日本菜，慶祝子珊獲「我最喜愛的電視女角色」，同場還有高層樂易玲、梁家樹、黃智雯、林夏薇、潘嘉德等。問到失落視帝心情，阿峯謂：「少少失望係冇辦法藉呢個機會向投我嘅 fans同朋友講多謝，（你係大家心目中視帝！）多謝！（之前講過今年攞獎係right timing！）因為我好鍾意套劇角色，本來諗住有機會上台，我想同頒獎嘅葉德嫻前輩講，邀請佢睇我下個月嘅演唱會。（佢讚你靚仔！）我想講我係實力派。（輸咗畀祥仔喎！）頭先後台見到佢，遺憾大家一直未有正式合作過，佢係我好尊重嘅前輩。」昨日阿峯大清早便返回橫店繼續為新劇開工。粉絲人多勢眾的林峯，「公投」選視帝也落敗，令人意外。林峯與徐子珊雖然落敗，但有高層樂易玲等人撐。質疑賽果冇辦法對於視帝、視后票數受質疑，祥仔謂：「公司今次請咗另一間公司點票，好嚴謹，冇遊戲係絕對公平，第一次咁樣係有改善空間，大家要體諒。（有人投訴唔滿意視帝結果，覺唔覺係阿峯fans？）唔會，大家係良性競爭。」談到視帝賽果無綫接獲24宗投訴，祥仔說：「都冇辦法，唔會每個人都鍾意自己，唔會唔開心，我都接受意見。」前晚整個頒獎禮，無綫共收到63宗投訴，除了24個不滿意視帝賽果，亦有分別10個及9個投訴不滿視后及最佳劇集結果，3個不滿意時間控制；而通訊局則收到110宗投訴，當中包括賽果不公、不滿未有公開所有投票結果等。而頒獎禮平均收視36點，有231萬人次收看，最高收視41點，乃頒發《最佳劇集》時錄得。 http://www.fungforever.net/forum/viewthread.php?tid=25501&extra=page%3D1 -- 2010.1.3 Love Fung Forever Fans Gathering song 原曲:愛人與海我們一起跟你來慶祝今年你的人氣會更旺驕傲成績教人難忘讓峯迷如癡如狂你的努力全球來作證期待事業高峰一再勇闖愛你不變讓峯迷說一句 Love U forever ＊* ~ ＊ * \(￣▽￣)/ * ＊ ~* ＊~ -- ※ 發信站: 批踢踢實業坊(ptt.cc) ◆ From: 114.44.26.157

[新聞] 林峯食白果 二百宗投訴轟不公

[新聞] 林峯食白果二百宗投訴轟不公