[新聞] 林峯8出口搶帝位

看板Raymond_Lam (林峰 - 林峯)作者evoone (love fungforever)時間12年前 (2012/12/11 19:37)推噓0(0推 0噓 0→)

留言0則, 0人參與討論串1/1

【太陽報】2012/12/11《林峯8出口搶帝位》如無意外，今年的無綫視帝離不開林峯、黎耀祥及馬國明之爭！在祥仔獲神級影帝周潤發力撐三度登頂，以及馬國明率先在《ASTRO頒獎禮》稱帝後，林峯終發力挽頹勢，出口術瘋狂拉票，矢志成為首位民選視帝！而「陪跑」的陳豪則有理冇理，搵銀最緊要！無綫台慶頒獎禮的視帝、視后之爭向來激烈，相比視后之爭焦點完全落在徐子珊及楊怡身上，今年的視帝「獎落誰家」更是難估！日前「神級影帝」周潤發作明燈，睇好在《大太監》中飾演李連英的黎耀祥3奪視帝，令原本並非頂頭大熱的祥仔火速睇高一線；而馬國明在《On Call 36小時》中的演技亦備受肯定，月初更在被視為無綫頒獎禮前哨戰的《 ASTRO頒獎禮》中先拔頭籌稱帝，在二人強勢夾擊下，本亦是大熱的林峯終忍不住出招，以免被狠狠拋離！撐發牌倒無綫米林峯前晚在《TVB8金曲榜頒獎典禮》中一口氣狂擸3獎，成為男歌手大贏家，風騷到爆的他把握機會，為無綫首位民選視帝狂出口術拉票！談及發哥睇好祥仔稱帝時，林峯無厘頭說：「多謝！」當記者再三強調發哥睇好的並非他，他才醒目兜番：「多謝發哥有留意我哋啲劇，證明我哋嘅製作有Talking Point，每個藝人都有自己嘅支持者，依家行投票制，係實質畀支持者表達意見！」說畢更爆發個人魅力，Chok晒眼兼出口術說：「我係8號（提名名單投票編號）！」其後接受媒體訪問時，他再度開機關槍自我硬銷：「我係8號，我係8號！」此外，對於有指若「電訊魔童」王維基旗下的香港電視獲政府發牌，亞視即隨時面臨倒閉，林峯說：「真係o架？早排公司好多員工過咗去王生度，Keep住有工開最緊要，如果最後冇得發牌都可以賣埠，最緊要可以維持生計，所以發牌係好事，有良性競爭好呀！最緊要努力做好自己，佢哋（指亞視）本身嘅製作係咪要改善呢？」問到支持發牌與無綫態度不一，他說：「唔清楚公司立場，純粹以觀眾同員工角度出發，希望有多個選擇啫！」抗拒拍婚紗廣告另一邊廂，屬視帝陪跑分子的陳豪則「冇你咁好氣」，昨日在廣告頒獎禮中講到明搵錢至上！今年手執7個廣告的他坦言：「如果你問我想攞做戲嘅獎定廣告獎，我會覺得攞廣告獎更開心，因為呢個獎唔係想攞就攞！」他更落足鞋油說：「要答謝客戶賞面，之前想拍嘅樓盤廣告都拍埋，唯獨汽車廣告未接，我好抵用o架！」並揚言不介意與女友陳茵媺情侶檔接Job，問到會否一起拍婚紗廣告，他笑說：「我唔介意拍廣告，但婚紗就唔好喇！」林峯前晚在《TVB8頒獎禮》中捧3獎成為男歌手大贏家，得寵程度可見一斑！ http://the-sun.on.cc/cnt/entertainment/20121211/00470_001.html -- 2010.1.3 Love Fung Forever Fans Gathering song 原曲:愛人與海我們一起跟你來慶祝今年你的人氣會更旺驕傲成績教人難忘讓峯迷如癡如狂你的努力全球來作證期待事業高峰一再勇闖愛你不變讓峯迷說一句 Love U forever ＊* ~ ＊ * \(￣▽￣)/ * ＊ ~* ＊~ -- ※ 發信站: 批踢踢實業坊(ptt.cc) ◆ From: 118.169.177.132