[新聞] 林峯成功不在戴學士帽自誇入對行

看板Raymond_Lam (林峰 - 林峯)作者evoone (love fungforever)時間12年前 (2012/07/21 19:36)推噓0(0推 0噓 0→)

留言0則, 0人參與討論串1/1

【新報】2012/07/21《林峯成功不在戴學士帽自誇入對行》雖然話就話「讀書不是求分數」，但昨日一班中五學生依然要面對人生第一張「沙紙」的派發，難免緊張不已，前晚某商場就邀請一班年輕偶像如林峯、陳法拉、洪卓立、羅力威、Super Girls、鄭融等等出席「放榜前的一晚」活動，實行叫一班準備放榜的學生們放鬆心情！雖然放榜前夕心情忐忑，但血氣方剛又熱情嘅年輕人見到偶像就個個瘋狂，尤其是「萬人迷」林峯到場及離開都引發騷動，要商場出動多位保安控制歌迷，幾經辛苦先可以離開！雖然Fans太過熱情個個爭先恐後湧向自己，但阿峯亦十分識做，盡量幫手完成簽名要求。放榜前夕約同學傾通宵提到自己當年在港會考，林峯就笑言成績都只是中規中矩：「十零分咁上下囉，唔係咁理想遮，不過無論點，努力過就得喇，相信各位同學都心裏有數啦！」阿峯更表示自己年代的放榜前夕，父母都允許自己出街找同學陪伴傾通宵：「咁都真係緊張遮嘛，嗰陣時放完榜，撞正屋企人身體唔係咁好，我就返嚟廈門讀一年大學，然後先再去美國讀U，不過都無完成個學位就入依行喇！第一份工就做到依家！（遺憾無完成大學？）咁又無，其實每個人都要先搵到自己個崗位囉，我算係好好彩，無入錯行。」咁又係，睇阿峯依家係Chok王之餘，仲係「亞太區最受歡迎男歌手」，就知佢冇入錯行啦！自嘲文筆差寫書出口術林峯昨日現身灣仔書展為其相集《IT’s LF》做宣傳，近百「峯迷」手持螢光燈牌，「峯湧」逼去會展為偶像搖旗吶喊，氣勢誇張。由於簽名會不在書展場館之內，大會另僻場地予阿峯接見歌迷，現場見個個都爭先恐後等簽名，場面墟冚。提到今年相集推出，林峯就透露沒有特別抽時間拍攝：「上年就有特別影，但今年就係同《TVB周刊》合作嘅，好開心記錄咗我入行以嚟好多劇集嘅造型，同埋我有時出席活動嘅相，從來無一本書係講入行到依家。我覺得書裏面嘅劇集都好特別有代表性，同時都發現自己幾有彈性！時肥時瘦咁！」記者打趣問到阿峯會否怕被人指樣貌有出入？他就笑言無擔心：「你細個同依家個樣都唔同啦！都無變啫，係成熟咗囉，最大分別係踏入3字頭了，戲路尋求方面都唔同咗，Man咗好多！」講到書展，阿峯則笑指讀書時都有行過：「自己呢本相集都有文字嘅，不過只係我口述搵人筆錄，自己文筆唔係咁好，都唔會出書㗎喇。」提到「好兄弟」吳卓羲似乎受「情傷」，與「國產乳牛」張馨予分手，阿峯就表示並無與對方傾談此問題：「佢好似返咗國內拍劇，其實都唔會傾感情事，連工作嘅嘢都唔夠時間講，又點會傾呢啲？」唔夠時間傾？定係唔想講起傷心事咋阿峯占士報道 http://www.hkdailynews.com.hk/enews.php?id=237492&scid=28 -- 2010.1.3 Love Fung Forever Fans Gathering song 原曲:愛人與海我們一起跟你來慶祝今年你的人氣會更旺驕傲成績教人難忘讓峯迷如癡如狂你的努力全球來作證期待事業高峰一再勇闖愛你不變讓峯迷說一句 Love U forever ＊* ~ ＊ * \(￣▽￣)/ * ＊ ~* ＊~ -- ※ 發信站: 批踢踢實業坊(ptt.cc) ◆ From: 118.160.28.165