[新聞] 留鬚講數林峯保chok樣「驚好污糟」

看板Raymond_Lam (林峰 - 林峯)作者evoone (love fungforever)時間12年前 (2012/02/07 20:13)推噓2(2推 0噓 0→)

留言2則, 2人參與討論串1/1

【香港】【2012/02/08】FACE週刊第246期留鬚講數林峯保chok樣「驚好污糟」留鬚講數　林峯保 chok樣「驚好污糟」 2012年02月08日年頭林峯憑〈Chok〉攞到《勁歌》金曲金獎，搞到全城嘩然兼成網友惡搞新目標。不過你有你玩，峯少喺無綫一哥地位依然不變，新劇《雷霆掃毒》chok峯造形要學 Law霸留鬚玩頹廢，辛苦留咗兩星期，不過監製仍嫌未夠 feel，上週四（ 2日）更親到外景現場，同林峯講數，想佢鬚根加碼。點知 chok峯一句：「我驚好污糟喎！」監製即時收聲。雖然chok峯轉頹look，不過chok樣依然，上週四（二日）同官恩娜拍車戲，鏡頭一 close up，即刻chok個殺女樣出嚟。人哋偶像派，監製你要求高咗喇！ 32歲林峯入行至今，一直行靚仔偶像路線，由《溏心風暴之家好月圓》到上年嘅《不速之約》，林峯每次都keep住靚樣兼白到反光，到新劇《雷霆掃毒》做差佬，林峯反傳統要留鬚扮頹廢，對峯哥已經算突破。撻朵免場租林峯為頹look不惜唔剃鬚兩星期，千辛萬苦留到上唇位少少鬚根。上週四（2日）《雷》劇到將軍澳中心六福珠寶金行拍攝，據知今次全憑林峯身為「六福珠寶」代言人，林公子碌人情咭，《雷》劇先唔使錢租用場地，金行更停做3小時生意配合，仲出動店內職員做老臨。幫TVB慳足幾千蚊，難怪chok峯即使當日遲咗45分鐘到現場，監製林志華及導演都唔敢詐型。林峯咁大犧牲唔做靚仔，除留鬚外，仲要每日做gym變粗獷，不過《雷》劇監製林志華嫌 chok峯未夠頹，鬚根未夠多，當日踩場叫林峯兩邊面頰加碼再留，可惜chok峯身體流住靚仔血，一句話：「我驚好污糟喎！」監製即讓步：「咁由佢囉！」事後林峯亦表示：「監製想我兩邊再留多啲，不過我兩邊鬚根唔密㗎！冇計！（今日你出面問六福借場喎？）…… er……可能啦，哈哈，不過六福一向好支持我同TVB㗎！」咁識做，留鬚呢啲，好閒啫！監製林志華見到林峯，即要求佢留多啲鬚，不過林峯就話驚望落太污糟喎，其實咁靚仔，成面鬚都唔怕啦！扮瞓鬆懈之後峯少喺車入面扮瞓覺，chok樣一時鬆懈，雙下巴現形！少少啫！官恩娜同林峯一樣32歲，今次做林峯手下，之後亦有感情線，為咗做好個差婆look，官恩娜不惜淡妝上陣，就算高清見殘樣都冇所謂，專業！峯哥今次幫公司免場租拍劇，無綫亦識做，搵《東張西望》嚟探班，互相幫忙啫！林峯上年12月先開始成為六福珠寶代言人，雖然廣告有網友話似鬼手，不過有人講即係有人留意啦！林峯憑〈 Chok〉得到金曲金獎，成為討論區紅人，更有不少網友將佢得獎片段惡搞，總點擊率達300萬次。一拖二新劇《雷霆掃毒》除林峯，亦有苗僑偉做大反派，女主角有吳綺莉、徐子珊就同官恩娜爭林峯，卡士強勁，分分鐘今年係台慶劇。 Chok到澳洲 3月林峯會去澳洲墨爾本、悉尼開演唱會，最平99澳幣（約822港幣），最貴299澳幣（約 2,484港幣），比起上年張學友澳洲巡迴演唱會最貴飛都係賣288澳幣（約2,388港幣），林峯仲貴過學友，真係勁呀！ http://www.ihktv.com/face-246-raymond.html -- 2010.1.3 Love Fung Forever Fans Gathering song 原曲:愛人與海我們一起跟你來慶祝今年你的人氣會更旺驕傲成績教人難忘讓峯迷如癡如狂你的努力全球來作證期待事業高峰一再勇闖愛你不變讓峯迷說一句 Love U forever ＊* ~ ＊ * \(￣▽￣)/ * ＊ ~* ＊~ -- ※ 發信站: 批踢踢實業坊(ptt.cc) ◆ From: 118.169.169.40

[新聞] 留鬚講數 林峯保chok樣「驚好污糟」

[新聞] 留鬚講數林峯保chok樣「驚好污糟」