[新聞] 有話兒：林峯越插越強

看板Raymond_Lam (林峰 - 林峯)作者evoone (love fungforever)時間13年前 (2012/01/29 12:51)推噓0(0推 0噓 0→)

留言0則, 0人參與討論串1/1

【蘋果日報】2012/01/29《有話兒：林峯越插越強》有話兒：林峯越插越強「點樣擺甫士，都有你嘅事。點樣先君子，都會變錯事。」這不只是金曲《 Chok》的歌詞，也是林峯的心聲。去年林峯在演藝事業取得驕人成績，偏偏被舊愛潘霜霜拖垮；獲無綫頒金曲金獎，但卻有人狂插他 chok不起，好像做甚麼事也事倍功半。猶幸林峯由入行開始，已習慣接受批評，他認為最重要是做好本份，他相信假以時日，其作品必定有人欣賞和認同。　撰文：黃曉妍雖然面對不少負面批評，但林峯依然積極面對，希望有一天能得到認同。　攝影：陳志嵐林峯今年繼續歌、影、視三棲發展，他坦言要加倍努力，做好呢份工，做好每個角色。去年，林峯在感情和事業上都遇到挫折，他直言身心的確感到有點累，但亦令自己成長不少，對他而言也是好事：「我唔會睇得太負面，我鍾意去發現、觀察、睇光明嘅一面，因為喺工作上、生活上，有太多嘢未必係你想像咁，未必完全如意，尤其係我哋演員，以演戲嚟講，拍一套電視劇，一日拍十幾場戲嘅話，如果你因為一兩場戲失準，表現未如理想，因而心情低落，打後每場戲都會越做越衰。所以演員起碼要識一樣嘢，就係收拾心情，因為之後要面對嘅嘢會更多。」憑《 Chok》奪得《勁歌》頒獎禮的金曲金獎，反而為林峯帶來不少批評聲音。　資料圖片唔使討好全世界林峯說自己不能討好全世界，但仍會盡力做好本份，報答支持他的人。至於潘霜霜和金曲金獎事件，對林峯有甚麼大影響？他說：「我由07年攞新人獎，俾人講到依家，喺演藝上，我由入行到依家十幾年，年年都有嘢俾人講。」雖然林峯獲得很多fans支持，但他的努力仍被有些人否定，最終是吃力不討好，林峯說：「我覺得唔會，由我入行第一日已經知道，如果肯接受我，肯睇我做過啲乜嘅人，只要我做好本份，佢哋已經睇到。如果唔願意接受，就算我講再多，或者做再多，佢哋永遠都唔會睇，唔緊要㗎，我做嘅嘢唔係要討好全世界，係要對得住我身邊嘅人、屋企人同肯睇我嘅人，咁已經足夠。我一直都堅持呢個理念，因為成日計住度住，不如將精力做好自己本份先，唔好理其他唔關事嘅嘢。」由入行至今，林峯不停面對別人批評，慶幸是懂得調整自己：「好慶幸我身邊有班好錫我嘅朋友、同事同fans，因為我嘅開心好難源自自己，我開心係源自我身邊嘅人，我係個好受人影響嘅人，其實係個循環。如果我唔開心，我身邊愛錫我嘅人都會受我影響，而我喺佢哋身上亦會被佢哋感染番。所以我首先要令自己平衡，起碼令身邊嘅人可以將正能量再帶畀我。」問到去年有甚麼事情是最開心或最不開心？他說：「喺工作過程上實有好多唔同意見，或者有好多壓力，好多自己想做嘅嘢，好想表達嘅嘢，要經過一段努力先爭取到，但工作上，我都已經覺得好滿足。」接受意見再改進林峯會盡量保持正面，讓身邊人也感受到正能量，然後再互相影響。從批評中成長的林峯謂，要清楚自己做甚麼，如聽到不同意見，要看看哪些意見可行，對自己有幫助。是否只接受善意批評？他說：「唔可以咁講，我會接受我能力範圍內而我可以做到嘅嘢，因為大家崗位唔同，大家先會知道身在其位有乜難處，所以我會盡我能力，做我依家可以做到嘅嘢，總之每一年都會繼續努力。」化妝： Raymond Yip 髮型： DY@ Hair Culture 場地： The ONE 感激父母信任林峯與父親林華國感情要好，林峯更感激父親給他很多空間。　《壹週刊》圖片林峯父親林華國是廈門著名地產商，有「廈門李嘉誠」之稱，林華國一直很緊張兒子在演藝事業上的成績，問林峯其父有否讚過他？他說：「佢哋對我好放心，好相信我喺任何情況下都撐得住，亦知我目標好明確，冇人會比得上自己父母更了解自己，佢哋當初放心俾我選擇呢行，就係為咗呢樣，就係俾我有經歷，俾我有成長。」一直忙於工作的林峯，犧牲了不少與家人相處的時間，於是他在聖誕節和農曆新年都沒接工作，返家鄉廈門跟家人過節，他說：「父母年紀開始大，我又越嚟越忙，但最重要係屋企人，如果忙到連屋企人都見唔到，咁我出嚟捱世界、出嚟搏做乜呢？辛苦得嚟冇意思。」讚爸爸廚藝勁今年是林峯首次跟外甥仔一起度歲，身為舅父的他說會送玩具給外甥：「我會送架車畀佢，等佢1歲可以玩。」提到農曆年習俗，林峯說爸爸會負責煮大餐，還會製作已失傳的「姑婆果」：「老竇好鍾意煮嘢，佢細個嘅時候，食過佢姑婆整嘅姑婆果，係用糯米整嘅糕點，入面有香菇、瘦肉同蝦米，要切成一片片炸，因為姑婆整，所以叫姑婆果，依家已經失傳，但老竇研製番出嚟，我覺得味道改良咗，好好食，每年老竇會整好多，個個親戚都嚟攞。」林峯坦言想跟爸爸學整姑婆果，然後將之一代傳一代。拍楊家將覓得兄弟拍電影《忠烈楊家將》時，林峯遇上一班志同道合的兄弟。　資料圖片雖然歌、影、視三棲發展，但林峯在影圈仍是初哥，他坦言對電影充滿憧憬：「對我嚟講，電影好新鮮，無論人同事都令我好好奇，好想學多啲嘢，想再進步。我好幸運，呢兩年遇到大型製作同導演，包括《白蛇傳說》同《忠烈楊家將》等。《忠》片嘅7位兄弟仲真係做咗兄弟，大家都估唔到7個男仔，一有時間就約食飯，鄭伊健都話入行咁多年，未試過同一個劇組嘅一班人食咁多次飯，佢話好好玩，大家都清楚要做乜，都抱住學習心態。」目標清晰至於音樂方面，林峯透露正灌錄全新廣東大碟，年中推出國語碟，年尾再出另一張廣東碟及舉行個唱。他說每年的目標，是希望歌影視的作品有人欣賞及認同。問林峯有否想過自己搞製作公司？他說：「希望有呢日，見有啲藝人朋友有公司，佢哋雖然可以控制好多嘢，但相對地，要理嘅嘢又多咗。好多年前有人搵我做幕後製作，但我冇咁嘅時間，又冇足夠能力。有人問我將來會唔會自己作曲、填詞、或者做導演，我話唔會，因為我好清楚每樣嘢都係專業，我呢個崗位都係專業，我專注咗呢樣嘢，呢樣嘢已夠我學一世，既然有咁好嘅團隊同人才，做乜唔畀大家發揮所長？」 http://www.fungforever.net/forum/viewthread.php?tid=22921&extra=page%3D1 -- 2010.1.3 Love Fung Forever Fans Gathering song 原曲:愛人與海我們一起跟你來慶祝今年你的人氣會更旺驕傲成績教人難忘讓峯迷如癡如狂你的努力全球來作證期待事業高峰一再勇闖愛你不變讓峯迷說一句 Love U forever ＊* ~ ＊ * \(￣▽￣)/ * ＊ ~* ＊~ -- ※ 發信站: 批踢踢實業坊(ptt.cc) ◆ From: 118.169.170.196