[新聞] 林峯封鬚笑爆嘴

看板Raymond_Lam (林峰 - 林峯)作者evoone (love fungforever)時間12年前 (2012/07/09 10:24)推噓0(0推 0噓 0→)

留言0則, 0人參與討論串1/1

【新報】2012/07/06《林峯封鬚笑爆嘴》無綫新劇《回到三國》即將在下禮拜一推出，劇中飾演諸葛亮的林峯以及宮女「柔柔」的楊怡昨日特地穿上古裝，聯同另一男主角馬國明、陳敏之及一眾演員如樂瞳、羅樂林、沈卓盈、蔣志光等等齊齊現身商場做宣傳活動。大批林峯歌迷「聞峯即至」迫爆大量可供入場的座位，一見偶像即瘋狂尖叫。幸好楊怡亦唔輸蝕，都有幾十Fans搖旗吶喊力撐阿怡「當家花旦」嘅地位。一眾演員更分為「古代」與「現代」兩幫人馬玩遊戲，更要穿着古裝的楊怡與陳敏之互相調轉「鞋」之餘，又要走過平衡木。難為「索腿天后」陳敏之着住對「宮女鞋」要步步為營，好彩馬國明一路攙扶才可以順利過關。反而着慣高踭鞋的阿怡就「如履平地」話咁快完成任務，完全無需林峯扶住。對白無懼亂晒大龍問到阿峯對於新劇收視是否信心十足？他就輕鬆表示向來無太擺在心上，只會盡好自己演員本份。記者打趣提到拍攝該劇時恰巧是爆出「霜峯戀」期間，他就笑住表示，「係囉，多謝你地無言嘅鼓勵，辛苦晒大家去南生圍搵我！」對於收視，阿峯就認為該劇適合一家大細收看，「都啱晒啦暑假出街，而且又係喜劇，幾天馬行空！（無咁血腥咪好囉！）血腥唔到啦，古代一血腥就要係大型場面啦！」問到阿峯會否擔心喜劇形式難免在對白上會被罵「亂晒大龍」？他就解釋道，「我始終係做古代嘅諸葛亮，我無份改，係馬明（馬國明）改嘅多啲，劇情係講佢對歷史知啲唔知啲，所以佢返到去古代就搞出好多笑話咁囉！」記者提到新劇是否無綫用作對付「奧運」之用？林峯即沒好氣表示，「都無聽過呢樣嘢，有時劇集出街唔好諗咁多嘢啦！我本身真係好熟悉三國呢個故仔，開頭搵我，我仲以為會搵我做武將嘅！（自己想做邊個？）我諗我想做周瑜囉！（文人舒服啲嘛，唔使打）。你以為啦，我全程都要黐住啲鬚，又唔笑得，一笑就爆㗎了，你估舒服吖。」 http://www.hkdailynews.com.hk/enews.php?id=234464 -- 2010.1.3 Love Fung Forever Fans Gathering song 原曲:愛人與海我們一起跟你來慶祝今年你的人氣會更旺驕傲成績教人難忘讓峯迷如癡如狂你的努力全球來作證期待事業高峰一再勇闖愛你不變讓峯迷說一句 Love U forever ＊* ~ ＊ * \(￣▽￣)/ * ＊ ~* ＊~ -- ※ 發信站: 批踢踢實業坊(ptt.cc) ◆ From: 118.160.19.28