[新聞] 秋官 Chok爆林峯認輸

看板Raymond_Lam (林峰 - 林峯)作者evoone (love fungforever)時間14年前 (2011/08/19 22:00)推噓0(0推 0噓 0→)

留言0則, 0人參與討論串1/1

【蘋果日報】2011/08/19《秋官 Chok爆林峯認輸》古天樂因為腳傷拍唔到于仁泰執導嘅電影《忠烈楊家將》，結果要由鄭伊健頂替佢演楊大郎角色。噚日伊健、林峯、鄭少秋、周渝民（仔仔）同吳尊等演員一齊出席北京舉行嘅新片發佈會，平時 chok到爆嘅林峯，竟然唔夠前輩鄭少秋咁 chok，已經 64歲嘅秋官着豹紋衫再加 chok爆甫士，搞到細佢一截、今年只係 31歲嘅林峯都要企埋一邊。「自己係不經意 Chok」輸得心服口服嘅林峯話:「秋官係 chok祖，自己輸咗。」秋官就話自己件豹紋衫係老婆官晶華安排：「我費事咁搶風頭，所以加咗件黑色褸。」講到 chok贏林峯，秋官謙稱自己唔夠林峯 chok，又話：「自己係不經意 chok，太刻意啲人會反感。」伊健話早年同秋官合作拍無綫劇《笑看風雲》，佢大讚秋官話：「秋官係 chok嘅始祖，佢古裝同時裝 chok得有分別，我哋呢啲只可以演英雄，但秋官係真正大俠囉。」伊健話呢排勤力學騎馬，雖然冇受傷，但就練到 pat pat磨損，要返香港後慢慢醫。 Chok到爆嘅秋官（左）拉住林峯埋自己身邊，搞到林峯個樣好鬼尷尬。 http://www.fungforever.net/forum/viewthread.php?tid=20109&extra=page%3D1 -- 2010.1.3 Love Fung Forever Fans Gathering song 原曲:愛人與海我們一起跟你來慶祝今年你的人氣會更旺驕傲成績教人難忘讓峯迷如癡如狂你的努力全球來作證期待事業高峰一再勇闖愛你不變讓峯迷說一句 Love U forever ＊* ~ ＊ * \(￣▽￣)/ * ＊ ~* ＊~ -- ※ 發信站: 批踢踢實業坊(ptt.cc) ◆ From: 118.169.162.72