[新聞] 林峯教粉絲扮 Chok

看板Raymond_Lam (林峰 - 林峯)作者evoone (love fungforever)時間14年前 (2011/08/08 19:37)推噓0(0推 0噓 0→)

留言0則, 0人參與討論串1/1

【蘋果日報】2011/08/08《林峯教粉絲扮 Chok》簽唱會遲到　派禮耍冧馮仁昭四圍超：林峯教粉絲扮 Chok 林峯噚日入咗元朗搞簽唱會，雖然高溫熱爆，商場都焗到呼吸困難，但依然吸引到幾百個 fans同觀眾撐場。 Chok峯雖然遲到超過半個鐘，但等咗幾個鐘嘅 fans依然冇怨言， Chok峯一出場即派送毛巾、 cap帽等禮物畀 fans，輕易將氣氛推高。大會又安排小朋友同 fans扮 Chok峯造型， Chok峯從旁教佢哋點 chok樣，搞到其他 fans羨慕尖叫。為拍戲練騎馬 Chok峯稍後會同古天樂、鄭伊健合拍新戲《忠烈楊家將》，但古仔早排喺屋企跌傷咗，而家要用枴杖行路，所以未知佢幾時加入劇組。 Chok峯話部戲有好多動作場面，有場戲仲要騎馬奔馳，兼且喺馬背上攞兵器打鬥。 Chok峯話伊健同部份演員已先到北京練騎馬，而佢就只係上過一堂，面對今次馬術挑戰，佢話要打醒精神，因為一不留神就會出意外。近日同 Chok峯傳緋聞嘅劉俐（藍莓）被指男友多籮籮，搞到 Chok峯陷四角戀，對此佢話：「有睇報道，事實唔係咁，只係好正常一件事，唔回應咁多。」有小朋友戴上黑超扮林峯，峯哥當然要教佢兩手啦。林峯教兩位粉絲擺有型動作。幾百個粉絲同觀眾為睇林峯逼爆商場。 http://www.fungforever.net/forum/viewthread.php?tid=19888&extra=page%3D1 -- 2010.1.3 Love Fung Forever Fans Gathering song 原曲:愛人與海我們一起跟你來慶祝今年你的人氣會更旺驕傲成績教人難忘讓峯迷如癡如狂你的努力全球來作證期待事業高峰一再勇闖愛你不變讓峯迷說一句 Love U forever ＊* ~ ＊ * \(￣▽￣)/ * ＊ ~* ＊~ -- ※ 發信站: 批踢踢實業坊(ptt.cc) ◆ From: 118.169.177.190