[新聞] 男生圍：林峯殺入阿太區

看板Raymond_Lam (林峰 - 林峯)作者evoone (love fungforever)時間14年前 (2011/02/02 15:59)推噓0(0推 0噓 0→)

留言0則, 0人參與討論串1/1

【蘋果日報】2011/01/30《男生圍：林峯殺入阿太區》林峯冧莊勁歌亞太區最受歡迎香港男歌星，服不服眾很難說，但他殺入阿太區一定掂。毋須去亞皆老街或太子道西，去灣仔春園街已經夠哄動，過百阿婆阿嬸 o靚妹離遠見林峯掃年貨，馬上踩油一擁而上，「嘩！林峯好靚仔呀！」由當年一堆扁口扁面的粉團，變成今日輪廓深邃的全宇宙最靚仔，又由去年捧走亞太獎後，林峯便開始分裂，天天被東邊讚西邊踩。笑他 chok樣、整容，也罷；但對他妹妹評頭品足，他真的受不了。想家人放心，卻變了令家人傷心，銀色旅途是否依然值得眷戀，「我會重新考慮。」林峯如洩了氣的皮球，謝了。林峯近月被封全宇宙最靚仔，與全宇宙最好打的甄子丹齊名。常變臉的林峯是chok還是索，審美標準就因人而異了。攝影：陳俊強靚仔篇今日是年廿七，尚有三天便踏入兔年大年初一。貴為廈門地產商長子、亞太區最受歡迎香港男歌星的富二代林峯，日前一如升斗市民走入灣仔街市辦年貨，買糖果、選年花、揀賀年飾物；他邊行邊嘆熱咖啡，吃燒賣，儘管被過百阿太學生妹重重圍剿，但他絲毫沒有不自在，反而盡興蹓躂。當然，阿太比他high得多，連師奶手抱的小 baby見林峯也眉開眼笑；林峯錫錫，BB「咭」一聲笑出來。千真萬確的是，十個阿太九個直呼：「嘩！林峯好靚仔呀！」偶爾傳來男街坊千里傳音：「峯哥！有睇你啲劇 o架！」林峯走時，女路人喪奔成條街，捧着一盒燒賣遞向他：「買畀你食 o架。」忽然間，這位亞太男歌星就像回復當年《溏心風暴》的管家仔模樣，親切得如鄰家男孩。電視劇的威力，實在唔講得笑。堅稱不曾整容既然如此，不如解構微博熱門搜尋關鍵字─「林峯好靚仔」。林峯出道12年，幾年前點解冇人讚靚仔？林峯解說：「呢句嘢係 EO2講先 o架，嗰時成班人當 slogan咁大聲講，因為啱啱播緊我套劇，係四四正正靚靚仔仔（指《歲月風雲》），跟住有啲同事嘅姪女、妹呀，話鍾意睇你啲劇，就係咁開始囉。」甄子丹是全宇宙最好打，林峯則是全宇宙最靚仔，他反問：「我都唔知點解變咗咁，靚仔 TVB大把，我唔覺得自己靚，但算襟睇嘅。」眼前林峯鼻挺兜下巴，跟從前扁口扁面相距甚遠，他認同：「以前成日眼腫面腫，但我真系冇整過任何嘢。」如何變靚仔呢？他說：「我系呢一兩年先保養。我拍咗 10年劇，又懶，返屋企唔落妝，所以皮膚唔好，而家要做 facial。最近有新嘅 facial幫你 firming， firm完呢邊面之後，真系呢邊瘦過嗰邊。」即是甚麼 facial？林峯說：「我唔知，因為瞌埋眼瞓咗。其實最好嘅美容只得一樣嘢，瞓。」藝人整容漸趨普遍，林峯點睇？他說：「輕微可以接受，唔好整到唔系你，咁就冇意義。」他能接受？「輕微割嚇雙眼皮啦，都好恐怖嚇 o架啦。我覺得唔需要，靚嘅標準有好多種，有自己 character就夠。」小 baby一見林峯笑開眉，原來林峯冧 B有一手。林峯辦年貨，師奶粉絲即瘋狂拍照。家人最後底線林峯殺入灣仔街市阿太區，即被大批師奶重重包圍。林峯被譽為全宇宙最靚仔，早前他回廈門老家參加妹妹林蔚殷婚宴，本來這是他和妹妹人生中最開心的一天，沒料到因為其出現令妹妹容貌曝光捱批，作為家中老大，林峯既內疚又懊惱。提起此事，他即封嘴：「呢個唔再提。」他曾透過經理人微博發表感受，痛心妹妹遭牽連，語調很氣餒。問林峯是否想離開娛樂圈？他說：「會，屋企系我底線，你保護屋企人十幾年，無端端咁樣好冇意思。最初想屋企人放心，而家令到屋企人傷心，同我入行初衷唔同，扭曲曬成件事，自己會開始諗一諗。」早年林峯父親林華國希望兒子在30歲前接手家族生意，現在林峯31歲了，也開始思考這件事，他有點無奈地說：「以前覺得辛苦冇所謂，出去當學嘢，但每年嘅挑戰一次比一次大，系有滿足感。如果只系關於我，自己咬咬牙就忍過咗，但如果令身邊愛錫你嘅人或者最親嘅人擔心你，甚至影響佢哋，我覺得好過份！我會重新考慮，真系唔可以再有第二次！因為對我嚟講好大件事，我唔知點樣面對我屋企人。」他又說：「你點踩我點講我冇所謂，做得公眾人物預咗被人逼埋牆，但身邊嘅人唔系，冇必要吖嘛。」他的靚堂妹林夏薇是話劇團成員，林峯依然拒談：「唔講任何一個屋企人，唔想因為我嘅關係扯埋一齊，自己嘅路就要自己行。」全宇宙最靚仔感情篇挑剔擇偶自認神經質近年跟林峯扯上關係的女星，只得鍾嘉欣，早前他提到嘉欣卻發惡，因為緋聞阻他媾女，他說：「個個都信以為真，你話幾大鑊。拍嘢嘅時候宣傳嚇，過咗就過咗啦，我當佢妹妹之嘛。」林峯直認曾嘗試跟圈外人發展感情，但唔 work，他說：「一來唔清楚人哋底細，二來系如果我拍拖，一定會犧牲工作或者休息時間，但又未遇到一個我一定會咁做嘅人。」他想拍拖但又驚：「試過OK、傾得埋、合眼緣，但一接觸之後……朋友聽到話我狂追佢，所以開始驚。」到底林峯想要一個怎樣的女朋友？他想一想說：「應該搵個識得照顧我嘅人，因為我唔繫好識照顧自己。不過我好挑剔，要慢慢睇，發掘嚇有乜缺點。」從前他會觀察女朋友愛他甚麼，愛他的名氣還是人，但隨著年紀增長條件放寬，他苦笑：「而家搵到個就到你時間嘅都唔錯，可以忍受男朋友由朝忙到晚，返到屋企仲可能對住你都瞌眼瞓，你都唔好意思啦，所以我羨慕華仔（劉德華）。」避靚女投懷林峯性格醃尖，對揀女友諸多挑剔，難怪至今仍做寡仔。粉絲眾多的林峯若拍拖，會否願意公開？他說：「我唔會避，唔會否認，但唔會刻意講。同埋好驚，點解成日話睇定啲呢，如果一兩個月之後，原來佢有啲嘢你好唔鍾意，睇唔過眼開始厭。我人馬座，好神經質，一樣嘢化大就開始有其他嘢，跟住就不停避，去到某個程度爆發出嚟就冇得救。我以前咪咁羅，但人大咗會攤開講，咁會比較好。」以林峯外形，相信投懷送抱者眾，且他又血氣方剛，但他說：「避o架，呢啲仲驚，畀你唔驚呀？點知人哋諗乜呀！」以上女子有否包括女藝人？他否定：「冇，女藝人知我好避忌同行內女仔行得埋，所以我哋好friend，因為對我放心。」 TVB篇攞獎有愧一步一腳印林峯得亞太男歌星獎卻失落最受歡迎男歌星獎，他第一個反應便說：「乜嘢失落啫，唔知幾驚攞。」他開紅館演唱會，古巨基反而冇，林峯驚乜？「我想攞嘅，但希望攞更多認同先，自己加入樂壇4年，但有人對我演員身份深刻啲，好事嚟嘅，希望自己做歌手時嘅身份再清晰啲啦。」有關林峯的話題，其實一切來自亞太獎，他也承認：「系有唔同嘅眼光，但大家都錫我，唔系惡意地針對，起碼一部份人知我做緊嘢，唔系攤大手板等飯食。不過我要做得比人哋更多，先可以令大家嘅視線稍為轉移喺我工作上。我要穩打穩扎，一步一腳印，唔系一步登天。」被無線捧到上天的林峯，自知要比別人努力才能獲得認同。林峯自從升呢亞太區男歌星後，是非未停過。資料圖片網友笑林峯的亞太獎是掃街獎，他揚言無所謂：「我都認為仍需努力，其實我屋企個獎櫃有兩個獎未攞出嚟擺，仲喺個盒度，就系今年同舊年嘅亞太。點解？我覺得自己未做到想做嘅嘢，即系呢個獎嘅範圍，呢個獎喺我心目中比最受歡迎男歌星獎更大，因為覆蓋範圍更大，我系拍劇10年儲埋觀眾先贏到投票率，嚟緊 3月我出國語碟，如果銷量好，就會將呢兩個獎攞返出嚟。」化妝： Raymond Yip 髮型： D.Y. of HAIR CORNER 部份服裝提供： Club Monaco 場地提供： ilivetomorrow http://www.fungforever.net/forum/viewthread.php?tid=15550&extra=page%3D2 -- 2010.1.3 Love Fung Forever Fans Gathering song 原曲:愛人與海我們一起跟你來慶祝今年你的人氣會更旺驕傲成績教人難忘讓峯迷如癡如狂你的努力全球來作證期待事業高峰一再勇闖愛你不變讓峯迷說一句 Love U forever ＊* ~ ＊ * \(￣▽￣)/ * ＊ ~* ＊~ -- ※ 發信站: 批踢踢實業坊(ptt.cc) ◆ From: 118.169.164.80