[新聞] 何超雲靚仔行頭勁冧林峯

看板Raymond_Lam (林峰 - 林峯)作者evoone (love fungforever)時間15年前 (2010/08/31 19:44)推噓0(0推 0噓 0→)

留言0則, 0人參與討論串1/1

【東方日報】2010/08/31《何超雲靚仔行頭勁冧林峯》剛和皮草太子爺王大業（Andy）分手的賭王何鴻燊三房長女何超雲，被指和林峯秘密拍拖半年，超雲雖然否認傳聞，卻大讚林峯靚仔多人鍾意，更首度開腔承認和王大業分手。再見亦是朋友，超雲仍保護舊愛，更正不是自己「撇」對方，而是兩人和平分手。年初還出雙入對、在Facebook稱呼Andy為老公的超雲，有傳兩人各有「公主病」及「公子病」難互相遷就，加上有指賭王不滿Andy對長輩工夫做不足，令坐擁逾百億身家的皇帝女超雲實在唔憂嫁，戀情維持不足半年即告終。不過，超雲未有失戀大過天，就連其妹何超蓮也抵死地說，指超雲還興奮的去看林峯演唱會，不覺得她傷心，據講仲睇咗兩場。言猶在耳，以林峯來療情傷的超雲，出席英皇電影《翡翠明珠》贊助商慶功宴，和林峯排排坐傾不停，更傳兩人秘密拍拖已半年。更正冇撇舊愛昨日以黑色背心略展事業線的超雲，於中環ifc的連卡佛女裝部現身，對於和林峯的緋聞，超雲表現愕然說：「今朝已經有人畀我睇個報道，梗係冇啲咁嘅事，嗰晚同樂小姐食飯，咁就畀人寫。（同林峯係咪好熟？）唔熟㗎喎！（覺得佢靚仔？）佢梗係靚仔，好多人鍾意。（傳佢整容？）靚仔就OK啦。（有冇發展可能？）冇可能，同佢唔熟，（佢冇問你攞電話？）冇電話聯絡。」至於是否撇了皮草太子爺，超雲聞言即更正：「唔係撇，係和平分手！（依家有冇拍拖？）冇！」有份贊助電影無綫製作資源部總監樂易玲表示，超雲的時裝店有份贊助《翡》片，故被邀請飯局，更言超雲之前不知林峯會到場：「當日阿峯拍劇，所以遲到早走，佢哋都冇坐埋一齊，阿峯係同我坐，佢哋冇乜傾偈，都唔熟，（有冇發展可能？）冇乜可能，阿峯都冇乜時間拍拖。」她更指超雲如好多富豪第二代一樣來看林峯個唱，更多謝超雲讚林峯靚仔。另外，林峯經理人表示指林峯對傳聞得啖笑，兩人在飯局才認識。對於緋聞男友林峯被傳有新戀情，鍾嘉欣說：「如果佢哋真係拍拖，祝福佢！」超雲昨日現身ifc時，一邊否認與林峯拍拖，一邊大讚對方靚仔。超雲被妹妹超蓮爆睇林峯演唱會治情傷。靚仔林峯被指整容，但超雲一於少理，完全唔介意。 http://www.fungforever.net/forum/viewthread.php?tid=13052&extra=page%3D1 -- 2010.1.3 Love Fung Forever Fans Gathering song 原曲:愛人與海我們一起跟你來慶祝今年你的人氣會更旺驕傲成績教人難忘讓峯迷如癡如狂你的努力全球來作證期待事業高峰一再勇闖愛你不變讓峯迷說一句 Love U forever ＊* ~ ＊ * \(￣▽￣)/ * ＊ ~* ＊~ -- ※ 發信站: 批踢踢實業坊(ptt.cc) ◆ From: 118.169.171.158