[新聞] 張家輝林峯自薦爭演犀利哥
張家輝林峯自薦爭演犀利哥
(綜合報道)(星島日報報道)寧波「帥丐」犀利哥（原名程國榮）憑其一身「頹廢Look」紅
爆全球，旋風更席捲英倫等地，就連外國媒體亦爭相報道他紅透網絡的事迹，並榮登英國
《獨立報》頭條。香港導演杜琪峯有意開拍關於犀利哥的電影，圈中明星更紛紛自薦爭演
。
香港導演杜琪峯留意到型仔寧波乞丐「犀利哥」紅遍全球之事，還表示有意開拍以犀利哥
為題材的電影，其實過去圈中亦有不少型男如黎明及梁朝偉等扮演過乞兒或流浪漢角色，
當中周星馳的搞笑版《武狀元蘇乞兒》更是深入民心。
對此，香港女星已紛紛表態「嗒糖」爭崩頭想做「犀利嫂」，而去年演殺手連掃6獎的影
帝張家輝則坦言對「犀利哥」的角色極感興趣，分分鐘有機會由「張六帝」變成「張七帝
」！
張家輝︰「我近日都有留意犀利哥的新聞，我覺得佢流浪時真係好靚仔，但尋回親人梳洗
後就無咁靚仔喇！（會否有意扮演犀利哥？）你問到我，我當然唔可以硬銷自己，但若然
杜生（杜琪峯）真係搵我，我當然係好有興趣嘗試啦！但除咗自己之外，我會推薦劉青雲
，我記得杜生同青雲好多年前都合作過《呆佬拜壽》，相信今時今日佢哋兩個再拍犀利哥
呢類流浪漢題材的電影，應該會比當年更加有默契！」
林峯則謂︰「如果杜生開拍呢個題材的電影，我當然係想嘗試啦！但我心目中就覺得吳鎮
宇好適合演呢類型的角色，因為鎮宇畀人感覺都係好型，好不羈！」
問到陳慧琳覺得圈中哪位影星最適合扮演犀利哥，她卻放眼荷里活，並謂：「我覺得
Johnny Depp（尊尼特普）好適合做犀利哥，因為佢着乜都好有型，又擅長扮演『爛撻撻
』的角色，正如電影《魔盜王》裏面，佢就完全畀到觀眾有呢種感覺，所以真係開拍就搵
佢做喇！」
不過，容祖兒談到此事則大搞爛Gag，她說︰「開拍犀利哥，就梗係搵茜利妹演啦！」
http://ent.sina.com.hk/cgi-bin/nw/show.cgi/2/3/1/425133/1.html
--
※ 發信站: 批踢踢實業坊(ptt.cc)
◆ From: 123.194.191.87
Raymond_Lam 近期熱門文章
PTT偶像團體區 即時熱門文章