[新聞] 男生圍：林峯升呢亞太區搵命博

看板Raymond_Lam (林峰 - 林峯)作者evoone (love fungforever)時間15年前 (2010/01/31 14:49)推噓1(1推 0噓 1→)

留言2則, 2人參與討論串1/1

【蘋果日報】2010/01/31 男生圍：林峯升呢亞太區搵命博男生圍：林峯升呢亞太區搵命博林峯成為出爐亞太區最受歡迎香港男歌星，牌面上升級，但能否服眾就要拭目以待。　攝影：林德雄化妝： Raymond Yip of Mae Von 場地提供： Grappers 無綫和四大唱片公司擘面，加入樂壇才三年的林峯漁人得利，忽然捧走《勁歌》亞太區最受歡迎香港男歌星獎，一夜間跟劉德華陳奕迅睇齊。神奇升呢的林峯自知得獎太快獎又太大，但一句「我信 TVB」，公司畀乜就要乜，總之有獎就接受，就算網民狂轟名不副實未夠班、得獎區域介乎亞皆老街至太子道西，林峯聽唔到睇唔到，並聲言要搏老命平爭議。　撰文：朱倬誼林峯成為出爐《勁歌》亞太區最受歡迎香港男歌星，惹來爭議連篇，雖然四大唱片公司因與無綫紮馬，旗下歌手陳奕迅、李克勤及方大同等唔到冇獎；又雖然林峯拍劇多年在東南亞有知名度，三年前加入樂壇後，論 fans數量及聲勢俱勝同期歌手，但總括以其唱歌資齡及歌量而言，攞一線歌手才有資格捧走的亞太區大獎委實詭異，招話柄難免。林峯是今場鷸蚌相爭的漁人得利者，網民質疑他攞獎太快，林峯日前接受本報記者專訪時也認同說：「我都覺得太快，但網民係針對件事，矛頭唔係指向我，我唯一就係跟住嚟點做好音樂上嘅嘢。」被批評未夠班名不副實贏亞太大獎，林峯則說：「我所有嘢都相信公司，當日我喺台上都講咗，多謝 TVB咁多年嘅培養，我所有嘢都係 TVB畀我。 TVB係我第一份工，公司畀我嘅所有嘢，我都會接受。」「發夢都冇諗過」《勁歌》總選當晚四大唱片公司歌手唔到，但在場有個古巨基夠份量拎亞太獎，網友認為輪到基仔都未到林峯，他認同說：「我都估係咁，但已經唔到我去諗。」有指無綫對林峯愛你變成害你，他則說：「我從來唔諗呢樣嘢，公司不嬲都好錫我嘅。」不過他承認獎太大且拎得太快，他說：「係發夢都冇諗過。」網民取笑他是「亞皆老街至太子道西」的亞太區最受歡迎男歌星，林峯不怒反笑說：「實有人講o架，呢啲事情都唔係第一次，不過今次多人講。我有上網，睇到好多討論嘅聲音，大家討論件事啫。」會否帶來壓力？他謂：「我三年前攞新人獎金獎嘅時候，外面都有聲音。壓力我不嬲都有，我一入行就逼自己行一啲可以磨煉自己嘅路，因為我好清楚，就算做到200分都會俾人講，所以我每一步路都要做到比人多。跟住落嚟我要更加努力、更加搏命、擺更多精力做，唱好啲歌，做好啲戲，命嚟 o架！」林峯最想說的是，他對工作有付出有熱誠，但沒有去爭或者走捷徑，這點是性格使然，所以亞太獎不是他爭回來。公司賦予他的，他會接受，他說：「我係屋企長子嫡孫，我由細到大都唔鍾意同人爭嘢，呢個係屋企教育我嘅性格，我有細佬妹，我永遠都係讓。」林峯續說：「不過我入行後賺咗一樣嘢：台前幕後有好多好朋友。如果要獎品或者要朋友，唔使諗一定係朋友先，獎品獎項我唔係睇得好重。我唱歌三年，第一年唱歌嘅時候，第一首歌《愛在記憶中找你》比較 hit，因為有劇集幫助，但喺公司音樂節目冇出現過。我有問過公司，外面都有播呢首歌，點解公司冇乜宣傳？樂小姐（無綫高層樂易玲）同我講唔想太快，慢慢嚟，一步一步。所以由嗰日開始，我所有嘢都相信公司，公司話我乜嘢時候做乜嘢，我唔會懷疑。公司瞻前顧後嘅絕對比我多，所以公司無論畀機會、獎勵抑或磨煉我，我都會接受。」太子爺攞苦嚟辛父親林華國在內地從事房地產生意，有夏門李嘉誠之稱，人脈廣身家豐，林峯一出世已經唔憂做，大可印印腳做少爺仔等繼承父業，誰叫他愛唱歌做戲攞苦嚟辛？林峯苦笑說：「我以前拍劇開古裝多，搞到有皮膚病，又敏感又生癬，成日黐頭套頭髮又甩，所有捱嘅都唔敢話畀屋企人知，我唔係驚辛苦，係驚屋企人叫我唔好做，我想用時間證明我係做到，包括我做歌手。等咗咁多年，我終於可以出到唱片，希望對得住自己對得住聽我歌嘅人，雖然老套，但我真係好鍾意唱歌。」林峯自知攞獎太快招非議，誓言今年瞓身拼搏息風波。曾幾何時，林峯的緋聞排山倒海，但過去一年大幅下滑，來來去去都得一個貌似吳尊的老拍檔鍾嘉欣，林峯說鍾嘉欣見得多：「吳尊未見過，差唔多樣啦。」人到30歲進入媾女黃金期，入行12年的林峯居然唔眨眼說：「我入行以後冇拍過拖，散拖都冇。」冇人信 o架，但他堅持：「冇呀，但我唔係基，我係冇間斷做嘢，工作時間比平輩長好多。同埋驚青 o架，我唔敢亂咁識人。」「當鍾嘉欣係仔」前年鍾嘉欣生日，林峯獻吻，兩人緋聞至今糾纏不清。 12年來遇過無數異性，輕微火花都應撻過吓啩？林峯坦言：「火花一定有，一下囉，都冇機會見到，叫人就你呀？三更半夜不如出嚟飲杯嘢咁呀？」他強調這位火花女不在同一圈子，他說：「同一圈子好少有火花，我分得比較清，我算係理智，我所有嘢都圍繞工作，唔想影響做嘢。我都想拍拖，但??家越嚟越難搵到，如果認真識一個，要幾多時間先可以真正了解我？但我最冇就係時間，咁我點敢求其？驚瀨嘢，唔知頭唔知路，你點知人哋諗乜呀，但現階段有好多嘢可以分散我嘅注意力。」話說回來，近水樓台有鍾嘉欣，識唱歌又識做戲，跟林峯同聲同氣很匹配，但他說：「性格唔啱，我當佢仔。不過我冇完全否定，將來嘅嘢唔知嘅。」如林峯所言做了 12年寡仔， 5年冇拖拍的鄭秀文是沙漠女，那更 dry的林峯一定是龜裂男，他笑說：「寂寞嘅時候咪打機，睇卡通片，買玩具囉。我入行幾年後發覺要有啲細藝，要有精神寄託，朋友話我工作以外成個細路咁，可能以前成個環境 keep住要我成熟，成日都諗好多嘢，啲前輩都話再咁落去唔得，於是我開始搵番啲後生仔嗜好，打機睇卡通片《海賊王》、《鋼之鍊金術師》，得閒又執一執屋企嘅玩具 display，搞半日，好忙 o架啦，所以唔會悶嘅。」/ http://www.fungforever.net/forum/viewthread.php?tid=8851&extra=page%3D1 -- 2010.1.3 Love Fung Forever Fans Gathering song 原曲:愛人與海我們一起跟你來慶祝今年你的人氣會更旺驕傲成績教人難忘讓峯迷如癡如狂你的努力全球來作證期待事業高峰一再勇闖愛你不變讓峯迷說一句 Love U forever ＊* ~ ＊ * \(￣▽￣)/ * ＊ ~* ＊~ -- ※ 發信站: 批踢踢實業坊(ptt.cc) ◆ From: 118.160.16.59