[新聞] 首位小生紅館開個唱　林峯承受壓力　誓言Good Show

看板Raymond_Lam (林峰 - 林峯)作者spylover (請愛惜愛惜你自己)時間16年前 (2009/07/22 21:06)推噓1(1推 0噓 1→)

留言2則, 2人參與討論串1/1

首位小生紅館開個唱　林峯承受壓力　誓言Good Show 6/17 成報加入娛樂圈十年的林峯，演而優則唱，於樂壇發展兩年已進軍紅館，將於本月十七、十八日一連兩晚在紅館舉行首個個人演唱會。在紅館開個唱是每個歌手的夢想，以前要有一定資歷的歌手才能在紅館開騷，但近年年輕一輩歌手包括側田、衛蘭等都實現心願，阿峯亦有幸成為其中一個幸運兒。外界有不少質疑的聲音，對阿峯火速在紅館開個唱並不看好，他大方地說：「我知道外界有好多這樣的聲音，不過我真的不曾介意，總知大家到時入場看便知道！」他又揚言不會邀請緋聞女友鍾嘉欣任嘉賓，不想將歌手與電視藝人的身份混淆。＜採訪＞慧芳＜攝影＞吳國明＜Make-up＞Chris@Mae Von ＜Hair＞DY@Hair cluture ＜服裝＞Inital 　　阿峯自幼已喜歡唱歌，他的父母從小已經安排他學習單簧管、結他，在升讀中學後，還專程到內地，跟隨一級歌唱家學習聲樂，大學亦修讀音樂系，一早在唱歌和音樂方面扎好根基。當他推出第一張專輯時，外間反應甚佳，想不到他的歌聲如此令人受落，銷量亦達金唱片。唱歌公司立即籌備第二張唱片。原來他當初入行也是打算做歌手的。峯：林峯記：記者　　記：你入行是不是打算做歌手，出唱片？為何之後卻加入無綫？　　峯：係呀！其實我自細就好鍾意唱歌，父母都畀我上咗好多音樂班，仲幫我錄低細個時唱啲歌！有時都會攞出來播，自己聽番也覺得好得意。入行時真係打算做歌手，後來因為有機會便加入了無綫，之後便因為拍劇已佔去大部分時間，所以便沒時間去唱做歌手的事，點知之後都有機會唱主題曲。　　記：你能夠在眾多小生中脫穎而出，成為首個在紅館開個唱的小生，會否感到壓力，外間都質疑你是否勝任？　　峯：講真，沒有壓力是呃你的，其實當初我知道要在紅館開騷也嚇了一跳，我永遠唔會覺得自己已經Ready，我都問公司可唔可以遲啲？佢哋話之前啲歌Feedback唔錯，公司同TVB都話呢個Timing啱啱好，仲話如果你覺得自己未Ready，咁呢世都未Ready，咁唔通話唔得呀？壓力的確好大，但既然無綫同英皇咁信任我，我一定會盡全力。在紅館個騷是每一個歌手夢寐以求嘅，真係諗都無諗過自己可以咁快，永遠都覺得自己未夠，但去到呢刻已經唔係做唔做到嘅問題，係一定要做到，所以我就用有限時間強化自己，以最佳狀態去畀一班鍾意我哋人一場Good Show，至於其他嘅就交畀啲專業人士去處理。依家講咩都無用，到時大家入場便知道，得唔得都要到時先講。無諗過請鍾嘉欣做嘉賓　　記：阿峯你同鍾嘉欣合作拍了《溏心風暴》及《家好月圓》兩套劇，被塑造成熒幕情侶，最近嘉欣又加入了樂壇，你處男開騷會否請緋聞女友嘉欣來做嘉賓？　　峯：冇喎！其實我真係冇諗過請佢喎，加上嘉賓不是由我請的，之後有聽過唱片公司想請佢，不過佢好似無期，講真依家我作為一個歌手，真係唔想畀人好電視嘅感覺。如果成件事都要圍繞TVB，咁不如請晒所有TVB藝人上嚟啦！　　記：最近你籌備個唱期間，仲要喺深圳拍劇，每次都要中、港兩地回來，會否覺得好辛苦，有沒有跟公司反應過？　　峯：當然有啦！而且公司也知道，不過我也不理太多啦！總知自己做得幾多便幾多，相信他們也會有計劃。　　記：今次個唱宣傳賣點是性感，會否擔心到時女歌迷會飛擒大咬？　　峯：我以前差啲練到六口舊腹肌，嗰陣痛到伸唔直條腰，沖涼攞毛巾都舉唔起隻手，後來因為要開劇先停咗。嚟睇騷嘅都係女性，我都想同佢哋多啲互動，總之佢哋想點就點啦！ http://www.singpao.com/NewsArticle.aspx?NewsID=25917&Lang=tc ====================================== 林峯玩濕身不受美色誘惑處男個唱比堅尼女郎助陣 6/20 成報林峯個人演唱會前晚舉行，除了大獻歌藝及舞藝之外，林峯將一直以來鍛煉的身形大解放，穿上T-Back露股，以及在水幕前濕身玩水，加上比堅尼女郎助陣，視覺極盡誘人，令夏日感覺直迫紅館，觀眾吶喊不停。＜採訪＞曉妍＜攝影＞史丹利林峯處男個唱「峯．情無限L e t ' s Get Wet演唱會」前晚在紅館開鑼，無綫高層樂易玲、佘詩曼、吳卓羲等均前來捧場，前晚林峯演出以狂熱為主，又大騷健碩身形，除了獻唱自己歌曲外，林峯更獻唱周杰倫、張學友、陶吉吉、王力宏等首本名曲，盡顯實力。笑言第一次獻給千嬅前晚表演嘉賓眾多，包括泳兒、王祖藍、農夫、謝天華、楊千嬅，農夫出場時將歌曲《風山水起》Rap段改編，其中為「林峯係好男人，過幾年過身，唔係，係結婚，林峯係大情人，老婆係鍾嘉欣」，與鍾嘉欣緋聞連番被擺上枱，王祖藍則以費玉清口腔跟林峯合唱《千里之外》。隨後林峯向觀眾介紹楊千嬅出場時說：「同我拍過劇，飾演過情侶，佢唱歌好好聽。」兩人合唱《心仍是冷》，林峯還笑言：「我嘅第一次畀咗千嬅。」與天華十指緊扣合唱其後林峯脫去外套迎戰舞王「Laughing哥」謝天華，兩人跳舞之際，竟手拖手十指緊扣扮Twins唱《女校男生》，場面惹笑，林峯唱完都不禁高呼：「好想嘔。」謝天華亦對應：「每唱一次都起晒雞皮。」林峯再換上以TBack打底戰衣與穿上露背衫的天華鬥舞，精采舞步令現場觀眾狂熱。觀眾情緒高漲之際又一火辣場面，林峯身穿黑色透視裝，在水幕前全身濕透，還有八位比堅尼女模特兒助陣，擺出誘人甫士，還有兩位模特兒玩射水槍，令夏日感覺滲透紅館，觀眾不停歡呼，不過林峯面對比堅尼女郎顯得有點避忌，沒有埋身接觸，林峯接受訪問時說：「我無乜方向感，如果我好大膽又畀你哋話，我要專心唱歌，而且啲水好凍。」 T-Back位置露股極盡誘人，林峯說：「我入面着咗條細褲，嗰兩口舊肉係Pat Pat肉。」前晚緋聞女友鍾嘉欣沒有現身捧場，林峯說：「點解要有鍾嘉欣？我請咗好多人架！」緋聞被公開玩弄，林峯表示不介意，而且公司一向將兩人扮成情侶檔。為配合新碟推出，完騷後林峯在紅館場外舉行簽名會，名額200位，反應熱烈。 http://www.singpao.com/NewsArticle.aspx?NewsID=27628&Lang=tc ======================================= 演唱會照片峯情無限演唱會（一） http://www.singpao.com/EntStarViewPhoto.aspx?MenuID=4&NewsID=27892&Lang=tc 峯情無限演唱會（二） http://www.singpao.com/EntStarViewPhoto.aspx?MenuID=4&NewsID=27899&Lang=tc 峯情無限演唱會（三） http://www.singpao.com/EntStarViewPhoto.aspx?MenuID=4&NewsID=27907&Lang=tc 峯情無限演唱會（四） http://www.singpao.com/EntStarViewPhoto.aspx?MenuID=4&NewsID=27914&Lang=tc 峯情無限演唱會（五） http://www.singpao.com/EntStarViewPhoto.aspx?MenuID=4&NewsID=27922&Lang=tc -- ※ 發信站: 批踢踢實業坊(ptt.cc) ◆ From: 123.194.158.67

[新聞] 首位小生紅館開個唱 林峯承受壓力 誓言Good Show

[新聞] 首位小生紅館開個唱　林峯承受壓力　誓言Good Show