[新聞] 林峰承受壓力誓做Good Show

看板Raymond_Lam (林峰 - 林峯)作者evoone (甘火讓葉=有愛組)時間16年前 (2009/06/11 20:56)推噓0(0推 0噓 0→)

留言0則, 0人參與討論串1/1

2009/6/11[成報]林峰承受壓力誓做Good Show 首位小生紅館開個唱林峰承受壓力誓言Good Show 加入娛樂圈十年的林峰，演而優則唱，于樂壇發展兩年已進軍紅館，將于本月十七、十八日一連兩晚在紅館舉行首個個人演唱會。在紅館開個唱是每個歌手的夢想，以前要有一定資歷的歌手才能在紅館開騷，但近年年輕一輩歌手包括側田、衛蘭等都實現心願，阿峰亦有幸成爲其中一個幸運兒。外界有不少質疑的聲音，對阿峰火速在紅館開個唱並不看好，他大方地說：「我知道外界有好多這樣的聲音，不過我真的不曾介意，總知大家到時入場看便知道！」他又揚言不會邀請緋聞女友鍾嘉欣任嘉賓，不想將歌手與電視藝人的身份混淆。＜采訪＞慧芳＜攝影＞吳國明＜Make-up＞Chris@Mae Von ＜Hair＞DY@Hair cluture ＜服裝＞Inital 阿峰自幼已喜歡唱歌，他的父母從小已經安排他學習單簧管、結他，在升讀中學後，還專程到內地，跟隨一級歌唱家學習聲樂，大學亦修讀音樂系，一早在唱歌和音樂方面扎好根基。當他推出第一張專輯時，外間反應甚佳，想不到他的歌聲如此令人受落，銷量亦達金唱片。唱歌公司立即籌備第二張唱片。原來他當初入行也是打算做歌手的。峯：林峯記：記者記：你入行是不是打算做歌手，出唱片？爲何之後却加入無綫？峯：系呀！其實我自細就好鍾意唱歌，父母都畀我上咗好多音樂班，仲幫我錄低細個時唱啲歌！有時都會攞出來播，自己聽番也覺得好得意。入行時真系打算做歌手，後來因爲有機會便加入了無綫，之後便因爲拍劇已占去大部分時間，所以便沒時間去唱做歌手的事，點知之後都有機會唱主題曲。記：你能够在衆多小生中脫穎而出，成爲首個在紅館開個唱的小生，會否感到壓力，外間都質疑你是否勝任？峯：講真，沒有壓力是呃你的，其實當初我知道要在紅館開騷也嚇了一跳，我永遠唔會覺得自己已經Ready，我都問公司可唔可以遲啲？佢哋話之前啲歌Feedback唔錯，公司同 TVB都話呢個Timing啱啱好，仲話如果你覺得自己未Ready，咁呢世都未Ready，咁唔通話唔得呀？壓力的確好大，但既然無綫同英皇咁信任我，我一定會盡全力。在紅館個騷是每一個歌手夢寐以求慨，真系諗都無諗過自己可以咁快，永遠都覺得自己未够，但去到呢刻已經唔系做唔做到慨問題，系一定要做到，所以我就用有限時間强化自己，以最佳狀態去畀一班鍾意我哋人一場Good Show，至于其他慨就交畀啲專業人士去處理。依家講咩都無用，到時大家入場便知道，得唔得都要到時先講。無諗過請鍾嘉欣做嘉賓記：阿峰你同鍾嘉欣合作拍了《溏心風暴》及《家好月圓》兩套劇，被塑造成熒幕情侶，最近嘉欣又加入了樂壇，你處男開騷會否請緋聞女友嘉欣來做嘉賓？峯：冇喎！其實我真系冇諗過請佢喎，加上嘉賓不是由我請的，之後有聽過唱片公司想請佢，不過佢好似無期，講真依家我作爲一個歌手，真系唔想畀人好電視慨感覺。如果成件事都要圍繞TVB，咁不如請曬所有TVB藝人上嚟啦！記：最近你籌備個唱期間，仲要喺深圳拍劇，每次都要中、港兩地回來，會否覺得好辛苦，有沒有跟公司反應過？峯：當然有啦！而且公司也知道，不過我也不理太多啦！總知自己做得幾多便幾多，相信他們也會有計劃。記：今次個唱宣傳賣點是性感，會否擔心到時女歌迷會飛擒大咬？峯：我以前差啲練到六口舊腹肌，嗰陣痛到伸唔直條腰，沖凉攞毛巾都舉唔起只手，後來因爲要開劇先停咗。嚟睇騷慨都系女性，我都想同佢哋多啲互動，總之佢哋想點就點啦！峰吧有圖 http://tieba.baidu.com/f?kz=591922783 -- 2009年6月17.18日林峰個人首場紅館演唱會~~峰情無限~Let's get wet 六月林峯開個唱，門票人人爭住搶，各地fans齊撐場，逼爆紅館唔誇張，歌藝聲色人氣強，紅館實現你理想，峯迷力撐好偶像，盼望個唱加幾場，唱片張張好銷量，出道兩年頻獲獎，密密籌備第三張，新歌出現眼前亮，《時間到來》顯真章，《愛得不夠》聲勢漲，《tonight》各位都在場，《值得流淚》齊鼓掌!!~~by honey -- ※ 發信站: 批踢踢實業坊(ptt.cc) ◆ From: 118.169.172.52