[專訪] 林峰李香琴傷病與共
資料來源:TVB港劇迷~之家
http://tw.club.yahoo.com/clubs/LOVE_TVB/
峰琴傷病與共
05/10/2008【東方日報訊】
當 76 歲 的 李 香 琴 碰 上 29 歲 的 林 峰 ， 結 果 會 是 怎 樣 ？ 以 3 年 一
個 代 溝 來 計 算 ， 兩 人 也 應 該 有 16 個 代 溝 吧 ！ 不 過 他 們 卻 出 奇
地 Key ， 講 食 、 講 打 機 、 講 傷 患 … … 甚 至 乎 暗 瘡 也 要 生 埋 同 一
邊 ， 真 的 不 得 不 寫 個 服 字 。
琴 ： 李 香 琴 峰 ： 林 峰
琴： 未 同 你 合 作 之 前 ， 真 唔 知 你 係 乜 水 ， 又 話 你 同 鍾 嘉 欣 拍
拖 ， 究 竟 係 咪 真 ？ 但 又 唔 覺 你 們 有 這 種 眼 神 。
峰： 你 睇 我 隻 手 咁 乾 就 知 我 冇 滋 潤 啦 ！ 其 實 開 始 識 你 都 有 少
少 緊 張 ， 話 晒 睇 你 們 戲 大 ， 點 知 同 你 拍 完 《 家 好 月 圓 》
之 後 ， 就 發 覺 你 精 力 好 過 後 生 仔 。
琴： 咁 我 都 覺 得 你 好 乖 ， 只 有 一 次 唔 乖 ， 我 同 你 拍 外 景 ， 搭
成 百 幾 蚊 的 士 去 到 ， 點 知 後 來 話 你 病 了 ， 要 我 搭 番 的 士
返 屋 企 。 有 一 次 你 病 緊 ， 我 同 你 攬 完 之 後 就 病 埋 ， 你 生
暗 瘡 我 又 生 ， 都 唔 知 係 咪 你 黐 了 的 菌 過 來 。
嬤 嬤 打 機 不 眠 不 休
峰： 哈 哈 ！ 暗 瘡 冇 得 傳 染 的 ！ 嬤 嬤 ！ 以 為 你 好 有 威 嚴 ， 原 來
你 都 幾 玩 得 ， 鍾 意 打 機 打 到 飯 都 唔 食 ， 聽 聞 你 以 前 仲 試
過 打 到 隻 眼 爆 了 血 管 ， 搞 到 要 入 醫 院 喎 ！
琴： 係 呀 ！ 以 前 屋 企 有 部 街 機 ， 要 入 錢 呀 ！ 入 面 有 砌 積 木 、
孖 寶 兄 弟 、 打 仗 、 英 雄 救 美 … … 我 玩 到 連 街 都 唔 去 ， 打
到 天 光 都 唔 ， 試 過 過 到 關 興 奮 得 滯 尖 叫 畀 樓 上 掟 汽 水 樽
落 來 ， 嚇 死 我 。
峰： 唔 怪 之 得 你 有 時 見 我 同 陳 豪 匿 埋 打 機 ， 都 走 過 來 研 究 埋
一 份 啦 ！ 仲 有 一 樣 ， 原 來 嬤 嬤 你 都 幾 鍾 意 食 東 西 喎 ！ 同
我 簡 直 絕 配 。
琴： 係 呀 ！ 記 得 拍 戲 出 外 景 ， 架 車 經 過 呢 間 餐 廳 覺 得 幾 吸 引
喎 ！ 跟 住 就 收 工 同 你 一 齊 去 食 ， 乜 都 食 一 餐 ， 今 日 就 食
西 班 牙 菜 。
峰： 我 們 膝 頭 都 不 約 而 同 受 過 傷 ， 有 咁 多 事 都 一 樣 ， 真 係 唔
到 你 唔 信 邪 ， 可 惜 我 唔 早 幾 十 年 出 世 ， 分 分 鐘 追 你 都 唔
定 來 ！
琴： 傻 咩 ， 孫 仔 ！
峰： 講 笑 咩 ！ 嬤 嬤 你 記 性 咁 好 ， 見 你 讀 一 大 堆 對 白 都 好 少 NG
， 就 算 出 錯 都 會 兜 得 好 靚 ， 究 竟 有 乜 事 秘 訣 呢 ？
琴： 我 係 粵 劇 出 身 的 嘛 ！ 以 前 一 晚 唱 四 個 鐘 ， 曲 就 好 似 劇 本
咁 由 頭 到 尾 一 氣 呵 成 唱 晒 ， 咪 就 係 咁 練 番 來 囉 ！
峰： 阿！ 我 連 自 己 首 歌 唱 成 年 都 唔 記 得 歌 詞 。 講 開 粵 劇 呢 ，
我 知 嬤 嬤 你 以 前 的 粵 語 長 片 界 好 紅 ， 尤 其 係 西 宮 娘 娘 做
得 好 奸 ， 可 唔 可 以 過 兩 招 畀 我 ？
不 甘 被 彈 剝 六 隻 牙
琴： 以 前 做 奸 角 藐 嘴 藐 舌 同 戚 眉 戚 眼 就 得 ， 依 家 做 奸 要 表 現
得 內 斂 ， 發 自 內 心 的 奸 。 不 過 要 付 出 代 價 ， 試 過 入 戲 院
聽 觀 眾 反 應 ， 有 人 話 ： 『 那 ！ 那 個 李 香 琴 就 來 出 來 鬧 人
。 』 又 話 我 棚 牙 食 西 瓜 食 到 咁 ， 我 第 二 日 即 刻 去 脫 了 六
隻 牙 ， 然 後 再 造 番 些 假 牙 上 去 。
峰： 你 都 好 激 喎 ！ 畀 人 咁 話 有 冇 唔 開 心 ？ 如 果 畀 我 都 唔 知 點
算 好 。
琴： 唔 開 心 都 冇 法 ， 鬼 叫 我 恨 錢 咩 ！ 密 食 當 三 番 ， 那 時 太 平
道 一 間 屋 賣 四 萬 三 千 幾 ， 我 分 三 期 畀 就 捱 過 了 ！
峰： 好 女 強 人 喎 ， 但 你 依 家 做 咩 仲 咁 辛 苦 ， 舞 台 劇 、 電 影 、
電 視 又 登 台 ， 拉 到 自 己 咁 行 ， 錫 自 己 多 些 啦 ！ 你 好 似 畀
我 們 呢 一 輩 仲 忙 咁 。
全 盛 期 一 年 拍 51 片
琴： 當 年 我 都 算 多 產 ， 最 勁 一 年 拍 51 部 戲 ， 有 些 4 日 、 7 日 就
拍 完 一 部 ， 到 依 家 雖 然 有 好 多 人 問 我 做 咩 唔 退 休 享 福 ，
其 實 我 仲 好 鍾 意 做 戲 ， 唔 覺 得 辛 苦 ， 如 果 有 一 日 變 得 口
齒 唔 再 伶 俐 ， 我 先 至 會 真 正 退 落 來 的 ！
峰： 你 呢 種 永 不 言 休 精 神 ， 真 係 好 值 得 我 們 後 輩 學 習 ， 唔 怪
得 之 你 可 以 來 呢 個 圈 咁 耐 ， 仲 可 以 維 持 到 人 氣 ， 你 覺 得
以 前 藝 人 同 依 家 有 咩 分 別 ？
琴： 以 前 的 藝 人 好 高 高 在 上 ， 影 迷 又 冇 咁 熱 情 ， 我 未 入 行 前
鍾 意 睇 任 劍 輝 ， 咁 就 去 佢 屋 企 門 口 等 ， 見 到 佢 出 只 識 跟
尾 唔 敢 嘈 ， 驚 嘛 ！ 佢 唱 戲 我 就 跟 到 佢 去 後 台 ， 然 後 又 走
番 出 去 睇 ， 我 又 寄 過 信 畀 佢 。
峰： 我 就 覺 得 以 前 的 藝 人 好 保 護 自 己 ， 唔 會 周 圍 去 ， 總 之 唔
會 咁 易 畀 人 見 到 啦 ！ 但 後 來 電 視 開 始 普 及 化 ， 藝 人 同 觀
眾 距 離 拉 近 ， 就 連 周 潤 發 都 去 街 市 啦 ！
後 記 總 算 有 幸 遇 上
向 來 都 堅 稱 要 「 守 時 」 的 林 峰 ， 得 悉 今 次 與 前 輩 李 香 琴 一 同
接 受 訪 問 ， 心 情 異 常 緊 張 ， 為 免 出 醜 人 前 ， 受 訪 前 一 晚 已 校
定 鬧 鐘 ， 以 確 保 萬 無 一 失 ， 結 果 他 真 的 吐 氣 揚 眉 威 番 次 ， 還
比 約 定 時 間 早 到 場 ， 確 實 令 小 記 大 跌 眼 鏡 ， 難 得 的 第 一 次 也
能 碰 上 ， 認 真 有 幸 ！
http://img142.imageshack.us/img142/8268/lovetvb1005enew08b11sb5.jpg
李 香 琴 和 林 峰 十 足 兩 個 大 細 路 。
林 峰 笑 琴 姐 通 宵 達 旦 打 機 也 樂 此 不 疲 。
林 峰 與 李 香 琴 雖 然 年 紀 差 一 大 截 ， 但 卻 能 產 生 化 學 作 用 。
怎麼覺得最後一句話很諷刺......囧
--
我最喜歡長的帥但是總是一臉沒睡飽的阿甘
有點酷脾氣火但非常有自信的火哥
喜歡粉紅色而且對球迷很好的阿讓
還有可愛有禮貌配球一級棒的小葉
--
※ 發信站: 批踢踢實業坊(ptt.cc)
◆ From: 118.160.25.17
Raymond_Lam 近期熱門文章
PTT偶像團體區 即時熱門文章
