[專訪] 林峰孝順管家仔吸師奶Fans(上)
資料來源:TVB港劇迷~之家
http://tw.club.yahoo.com/clubs/LOVE_TVB/
林峰孝順管家仔吸師奶Fans(上)
孝順管家仔吸師奶Fans
林峰戀鍾嘉欣動真情
2008年9月18日【蘋果報訊】
【溏心風暴之家好月圓 第十九回 鬥戲人辦】
結局倒數仲有3日--管家仔甘永好是《家好月圓》中的超級好仔，愛錫嬤嬤、孝順母親、
照顧弟妹、捍衛家庭，奈何一直糾纏在于素秋（鍾嘉欣飾）、凌志信（黃宗澤飾）和詠
琳（姚嘉妮飾）的四角戀。演管家仔的林峰直認好人難做，忠角難演，拍劇時確曾動真
情戀上緋聞女友嘉欣，卻恨她「有事甘永好，冇事凌志信」，幸好管家仔義氣行頭撐到
底，在愛情路上終於有個happy ending。
在《溏心風暴之家好月圓》中，林峰飾演的管家仔以照顧家庭為己任，孝順長輩、疼錫
兄弟姊妹就是他的天職，在愛情上又桄榔樹一條心，相信天下母親都渴望有個像管家仔
這樣乖巧的兒子。管家仔備受媽咪觀眾喜愛，自然也帶挈林峰人氣急升。
婆媽固執 難演到痹
林峰說演管家仔不容易，有壓力，又要盡力，日前他接受訪問時說：「有壓力呀，管家
仔係一個好人，又要演得真實，我覺得好難演，好有難度，因為別人會覺得有冇咁好呀
？唔make sense ？好彩劇本合情理，角色都有缺點，有後生仔的衝動同固執，都會做錯
事，唔係一味對人好。」
另一壓力，是劇中老戲骨太多，林峰要打醒十二分精神，他說：「這套劇太多前輩，我
對自己好有要求，如果交唔到功課，做唔好自己本份，除了對唔住自己，仲對唔住所有
人。我知道大家好關注呢套劇，所以台前幕後好出力去做，自己都算做足功課，包括為
自己角色定位。其實後20集先係我主線，頭20集係講管家仔的性格，永遠屋企有乜事，
佢都係第一個企出來，唔希望屋企嘈喧巴閉，最希望屋企團圓，細佬妹同阿哥生生性性。
人如其名，管家仔，乜都管，又要加少少婆媽性格，所以好難演，又驚婆媽被人覺得好煩
，同埋唔可以關心屋企人，關心到唔理是非黑白，好人係好難形象化呀。」
鍾嘉欣扮演的于素秋跟林峰青梅竹馬，同時間又與黃宗澤飾演的醫生凌志信愛得深，加上
凌志信已有女友，糾纏在這段四角關係中的管家仔雖曾退出，但始終不捨心中最愛，林峰
說：「嘉欣同宗澤在劇中離離合合唔知幾多次，嘉欣次次搵我攝時間，但我又肯陪佢，管
家仔對佢係有愛意，但界定了佢係阿妹，唯一做到的係佢唔開心我咪安慰佢，都算有義氣
。呢條感情線好複雜，好多事發生，總之有事甘永好，冇事凌至信，但最後都係大團圓
結局的。」
琴姐出色 加拍戲份
林峰和鍾嘉欣因合演此劇而傳緋聞，林峰直認拍戲時確動了真情：「拍戲時需要的，如果
唔係點投入呀？但我好易抽離，演員來的嘛。我們係好朋友，覺得嘉欣係一個好可愛的女
仔。」
不過管家仔的賣點還是孝順最有睇頭，嬤嬤（李香琴飾）對他錫到濃，開口埋口管家仔，
管家仔也最識嬤嬤，陪她四處走又陪她耍太極。林峰爆琴姐好戲，故戲份越加越多，他說
：「嬤嬤呢條線太好睇，係咁不停加戲，琴姐好犀利，精力好旺盛，見佢凌晨3、4點仲開
緊工，但佢拍得開心，因為角色有戲做。」
林峰和琴姐、荷媽李司棋、Sa姨關菊英和Jo飽夏雨等對手戲甚多，他形容與這班前輩拍戲
，等同袋錢落袋，今次他簡直賺個盤滿缽滿，他說：「我們在現場太多事偷師啦，我睇到
他們的專業，無論take幾多take都可以keep到，保持水準同穩定性，呢個就係經驗問題。
」
--
我最喜歡長的帥但是總是一臉沒睡飽的阿甘
有點酷脾氣火但非常有自信的火哥
喜歡粉紅色而且對球迷很好的阿讓
還有可愛有禮貌配球一級棒的小葉
--
※ 發信站: 批踢踢實業坊(ptt.cc)
◆ From: 118.160.22.168
Raymond_Lam 近期熱門文章
PTT偶像團體區 即時熱門文章
