[新聞] 古仔Daniel爭做槍王

看板Louis_Koo (古天樂)作者yilingkoo (金錢誘罪)時間14年前 (2010/05/07 14:13)推噓0(0推 0噓 0→)

留言0則, 0人參與討論串1/1

10年05月07日　太陽報　影視組　　古天樂和吳彥祖（Daniel）拍攝英皇新片《鎗王之王》，為了有姿勢有實際，兩人吃盡苦頭，古仔以人肉擦沙地，Daniel則在家練習幾千次拔槍動作！　　古天樂和吳彥祖於英皇電影《鎗王之王》中，飾演射擊高手，兩人為爭奪「槍王」寶座，更鬥個不休，為拍攝一場射擊重頭戲時，兩位型男吃盡苦頭，古仔拍攝前做定資料搜集：「我睇咗好多參考影帶，我覺得射擊除咗技術同信心外，直覺都係非常重要。拍攝時遇到唔少困難，一方面要配合拍攝角度，另一方面又要保持最型嘅狀態，所以難免受傷，我記得其中一個拍攝位係要我喺沙地上擦過，幾次『碌地沙』令我嘅手擦傷晒，亦因為要遷就角度，喺最後一次拍嘅時候仲扭傷咗。」　　雖然受傷，但古天樂仍迷上這項「實戰射擊」運動，他說：「如果唔係拍戲，我根本唔會有機會接觸呢種運動，拍完戲之後，我已急不及待訂咗一支『Ｄream Gun』，我諗玩槍嘅人都係咁，遇到心儀嘅槍就會想辦法擁有！」練習幾千次　　至於Daniel覺得拍《鎗》片與平日的槍戰場面很不同，難度更大：「射擊唔單止體能消耗，更加需要心理質素，如果開槍要快要準，喺比賽時唔能夠想太多，要將開槍動作練成身體嘅本能反應，為咗咁，導演請咗真正嘅香港槍王教我哋正確嘅開槍姿勢。我喺屋企練習咗幾千次換彈匣、拔槍等動作，嗰段時間朋友都以為我傻咗！」　　對Daniel來說，另一個困難之處便是「實戰射擊」，有很多規例要遵守，令他明白為何參與這種運動的朋友都是個性謹慎的人。 http://the-sun.on.cc/cnt/entertainment/20100507/photo/0507-00470-008b1.jpg