[新聞] 古天樂同電影模型談心

看板Louis_Koo (古天樂)作者yilingkoo (金錢誘罪)時間14年前 (2010/04/14 22:16)推噓0(0推 0噓 0→)

留言0則, 0人參與討論串1/1

10年04月13日　太陽報　專案組　　平日Cool到爆的古天樂講起玩具即變成開籠雀，走遍世界各地搜尋玩具珍藏，近日破天荒作慈善公開展覽。　　貴為億萬影星的古天樂，從小愛睇科幻片，７年前更迷上收藏電影人物模型，遂在世界各地購買黑武士、蜘蛛俠及鐵甲奇俠等１：１模型，後來愈儲愈狂，索性在沙田火炭工業區斥資６００萬元買了一個逾萬呎貨倉安置心頭好。今次古仔為慈善與太古城中心合作舉辦《古天樂電影人物模型珍藏展》，公開珍藏讓玩具迷大飽眼福。　　古仔的珍藏多不勝數，熱門如《星球大戰》、《蜘蛛俠》、《蝙蝠俠》等系列的電影主角當然少不了，他說：「因為近期飛去外地工作，所以啲模型點樣擺，同埋啲櫃嘅設計都交晒畀大會，佢哋將個展覽整到好靚。」他表示眾多模型中，最愛黑武士，其次是蜘蛛俠：「蜘蛛俠係一個英雄人物，但角色充滿血肉，同埋有人性缺點，每次睇套戲都好感動。」而他坦言最難收集的是《未來戰士》系列：「幾難搵，我試過上網Ｂid，點知寄到過嚟、打開件貨嗰陣，竟然係爛嘅，好失望。」　　為珍藏買保險　　古仔目前已減少買玩具，他說：「真係冇時間打理。（有冇計過買咗幾多錢？）真係冇，我收藏玩具好少衡量價錢，呢種樂趣金錢買唔到，只可以講保險同運費都幾貴。」而曾推出玩具書的古仔，當時專程到日本拜會玩具達人北原照久，古仔直言希望能與對方合作出書：「佢真係我偶像，一講起玩具真係好開心，將北原照久嘅收藏同我嘅玩具相比，我真係好渺小咋！」 http://the-sun.on.cc/cnt/entertainment/20100413/photo/0413-00470-062b1.jpg