[新聞] 古仔唔騷傅穎Miki讚君如最索

看板Louis_Koo (古天樂)作者yilingkoo (金錢誘罪)時間14年前 (2010/03/26 10:59)推噓0(0推 0噓 0→)

留言0則, 0人參與討論串1/1

10年03月26日　太陽報　　古天樂感情生活乾旱，難得昨日有七美相伴開工，但他笑言已有「妻子」吳君如，還指七美不及君如養眼！　　古天樂昨日出席ＢALLY銅鑼灣專門店開幕酒會，大會特別安排七位女星相伴，寓意「七星伴月」，七美包括傅穎、楊愛瑾（Miki）、梁靖琪、吳日言、唐詩詠、周秀娜及董敏莉。問到一拖七感覺如何？古仔坦言不太習慣：「我都已經好耐冇見過，因為過去嗰個月每日都係見到吳君如，喺內地成個月拍電影《神奇俠侶》，好少見到女性。（君如唔係女人咩？）陳可辛（Ｐeter）喺度嘛！」記者發現古仔嘴唇爆坼，問到是否很Ｄry？他笑說：「唔係，我同君如都好Ｓweet！（佢咀爆你？）唔係囉！我見Ｐeter都唔係咁，我哋私底下相處好似兩公婆咁，佢會煮嘢畀我食，天氣涼又會提我着多件衫。（你當Ｐeter死㗎？）就算佢喺度，君如都係咁對我，又話好掛住我，Ｐeter 都知㗎！」他笑言現實生活中只有母親會這樣。　　問到七美中誰最養眼？古仔打趣說：「我都未睇到邊七個？個個打扮都好靚，不過我眼中最養眼都係君如，直到套戲拍完為止。」瞓足兩日冇見人　　當被取笑Ｄry了很久，他苦笑說：「冇辦法，成年都要拍戲，之前內地落咗兩日雪雨，我就瞓足兩日，冇見過人。」他還透露六月將隨品牌到米蘭影相，希望屆時能與父母一同前往。 http://the-sun.on.cc/cnt/entertainment/20100326/photo/0326-00470-020b1.jpg