[新聞] 票房爭拗應問影協 黃百鳴：觀眾有選擇 …
10年02月12日 成報 ＜採訪＞曉妍 ＜攝影＞吳國明
由天馬電影出品的賀歲片《花田囍事2010》前晚假會展舉行慈善首映禮，出席者有導
演黃百鳴和邱禮濤、吳君如、古天樂、鄭中基、李香琴、熊黛林（Lynn）、夏春秋、
Ａngela Baby、林子聰等，會上，眾演員敲響掛上「花」、「田」、「囍」、「事」
繡球的銅鑼，場面十分熱鬧！
古仔沒提名加倍努力
曾志偉曾指《家有囍事2009》是爛片但仍收得，黃百鳴即說：「唔好都收得咪勁囉！
今年仲勁呀！不過都係良性競爭，09年我拍喜劇引出今年有咁多部戲咪好囉！觀眾有
選擇性係好事！」對於《72家租客》和《花》片的優先場票房引起爭拗，黃百鳴表示，
應要問影協。提到甄子丹日前指《花》片是胡鬧片，又可以單手打贏黃百鳴，君如說：
「佢打低黃百鳴啫！又無辣到我，不過我哋層次提升咗，唔會用口舌上踩人，唔會同
佢一般見識。」
至於琴姐指戲中演員很愛錫她，透露古仔和君如分別送名牌巾給她，不過琴姐笑言君
如送的是貴過古仔所送。在旁的古仔瞪大眼睛笑說：「琴姐，你真係心水清，下次買
貴啲。」談到古仔在金像獎沒有提名，他坦言沒有不開心，反而提醒自己更要努力。
此時，琴姐突然發揮搞笑本色問古仔：「你邊套戲提名？」
古仔又再瞪大眼睛笑道：「我就係唔入呀！」琴姐安慰古仔：「唔緊要，係個鼓勵，
無就畀啲心機，有提名就會求其啲㗎喇！」古仔笑着回應：「琴姐，我唔求其㗎！」
琴姐面懵懵笑說：「其實你都好畀心機。」
談到君如憑《歲月神偷》角逐金像獎影后，她笑言信心只有五分之一。提到陳可辛的
《十月圍城》獲18項提名，君如笑說：「我好恨拍佢啲戲，唔知有無方法搭吓路呢？」
鄭中基笑答：「我試吓打畀佢。」不過，君如謂，陳可辛知道有提名後，獲君如弟弟
及弟婦恭賀，但陳可辛表現很Cool，她說：「反而我係好激動，好開心囉！」
Baby不理陳偉霆緋聞
有傳鍾欣桐與陳偉霆翻撻，Ａngela Baby聞後即強調，與陳偉霆現在只是普通朋友，
問她會否問陳偉霆？她說：「唔會，我無時間Ｔake Care咁疏遠嘅朋友。（同佢不
和？）唔係無朋友做，見面都會Say Hi，只係好驚不停咁問。（覺得佢哋兩個襯唔
襯？）講真，我覺得唔襯，（同你襯啲？）無得強求。」
http://www.singpao.com/news_images/20100211/77056/0212C02_Page_1_Image_0011_big.jpg
《花田囍事2010》演員獲保良局送贈紀念狀。
http://www.singpao.com/NewsArticle.aspx?NewsID=77056&Lang=tc
--
※ 發信站: 批踢踢實業坊(ptt.cc)
◆ From: 122.122.217.40
Louis_Koo 近期熱門文章
PTT偶像團體區 即時熱門文章
