[新聞]古天樂修心想齊家可惜個底花

看板Louis_Koo (古天樂)作者candykoo (誰人能可指引我的路)時間20年前 (2004/04/17 02:59)推噓0(0推 0噓 0→)

留言0則, 0人參與討論串1/1

From : appledaily.com April 11 2004 古天樂修心想齊家　可惜個底花古天樂以往甚愛蒲，但他有見雙親及自己的身體均出現問題，打算洗心革面，脫離夜生活之列，近來接廣告賺到盤滿缽滿的他更坦言要學做生意，買大屋結婚，只是欠缺對象。家庭篇：「你揀人人揀你」古天樂以前一向愛蒲，經常出入酒吧或去卡拉 OK ，但他近年幾乎絕於此類場所，古仔解釋說：「個人大 o左，知道成日去呢 o的地方冇乜謂，同埋我個胃成日痛，醫生叫我戒酒，咁去呢 o的地方唔飲得酒，重去 o黎做乜？講真以前覺得飲酒可以減壓同消愁，但其實係唔得 o既，酒醒之後，件事咪一樣未解決？不過，鍾意蒲吧同屋企環境太細好有關係，以前同細佬一間房，冇私人空間，但 o依家四個人住三千呎地方，我就好鍾意留 o係屋企煲碟或打機。」買定屋等生仔古仔最近與父母一齊做全身檢查後，發現父親聽覺有問題，母親有痛風症，他就膽固醇偏高，古仔說：「可能因為我偏食，營養唔均衡，所以醫生叫我唔好食咁多消夜。我得閒唔使開工咪陪媽咪游水 o羅，兩個月以 o黎，我足足瘦 o左十磅。」古仔曾與郭羨妮拍無線劇集《尋秦記》而傳出緋聞，拍戲時又不止一次與鄭秀文傳緋聞，緋聞不絕的古仔一向不喜歡公開談論感情事，但最近他卻希望再換面積較大的獨立房子，並坦言要為將來結婚要生兒育女做好準備，古仔說：「唔好誤會我好快要結婚， o依家我重未有結婚對象，不過我諗住細佬同我遲早要結婚，因為我好鍾意小朋友，咁咪諗住搵到好 o的 o既地方就換屋 o羅！」同情碧咸寂寞外形俊俏的古仔今年一口氣接了鬚刨、數碼相機及按摩椅等大牌子廣告，要換大屋自然沒問題，但當談到找結婚對象時，他卻大吐苦水說：「呢個世界你揀人、人揀你！可能以前個底太花，就算 o依家修 o左心，依然畀唔到安全感個女仔。好似最近碧咸因為老婆成日唔 o係身邊，傳出佢同個女助手有染 o既新聞，雖然我唔係咁信碧咸會咁做，就算係，我會幾同情佢，個伴成日唔 o係身邊，外間又咁多引誘，點忍呀？所以將來我結 o左婚，都唔想工作太忙冷落嬌妻。」 http://appledaily.atnext.com/images/apple-photos/640pix/20040411/ Article_ent/11ec3p1.jpg 古仔同情碧咸因工作常要與妻子分隔兩地，故他將來結婚決不會冷落嬌妻。 http://appledaily.atnext.com/images/apple-photos/640pix/20040411/ Article_ent/11ec3p3.jpg http://appledaily.atnext.com/images/apple-photos/640pix/20040411/ Article_ent/11ec3p2.jpg 古仔希望在讀畢《演員的自我修養》後，能提升自己的演技。 http://appledaily.atnext.com/images/apple-photos/640pix/20040411/ Article_ent/11ec3p8.jpg 古仔與郭羨妮曾於拍攝《尋秦記》一劇時傳過緋聞。資料圖片 -- ※ 發信站: 批踢踢實業坊(ptt.cc) ◆ From: 218.168.7.162

[新聞]古 天 樂 修 心 想 齊 家 可 惜 個 底 花

[新聞]古天樂修心想齊家可惜個底花