12/17/1996
閉上眼睛，讓時光倒流...
--
＊＊個唱被炮轟教壞細路 張國榮掩面低泣＊＊
東方日報（12/17/1996）
所謂「男兒有淚不輕彈」，今晚張國榮就在萬千歌迷面前流下男兒淚，究竟邊個激
喊哥哥呢？據傳是因鄭經翰前日在電台一個節目中，對張國榮的演唱會作出頗激烈的批評
，語帶指摘成分，除批評其個唱三級外，仲特別指『紅』那Part(即張國榮穿紅色高跟鞋及
自摸演出)會導致小朋友性別混淆，所以勸喻小朋友最好由家長陪同觀看，並建議找電檢處
人員去睇睇！
今晚是哥哥第五場的演出，當演唱會接近尾聲，哥哥獻唱一曲『為你鍾情』時，突然
忍不住喊起來，連歌也無法唱不去，見他低頭用手遮面飲泣，觀眾見狀便大叫哥哥不要喊
。其後哥哥強忍淚水，他先多謝大家廿年來對他的支持，接住哥哥又說：『今次演唱會我
希望做一些未做過的東西給你們看，但有些所謂的衛道之士又話我的演唱會係三級，其實
我的演出是藝術表演，佢地仲話我出爾反爾(指復出樂壇)，事實上外國有好多歌星，甚至
球星都試過，點解無人去講，話我那些人就係所謂知識分子.....』哥哥說罷後，現場觀眾
即報以熱烈掌聲，有人大聲嗌：『我地永遠支持你。』
主辦機構負責人陳淑芬坦言：『張國榮前日上午問過我，知唔知鄭經翰在電台批評他
的演唱會三級，又話佢出爾反爾。』據陳太所知鄭經翰是無睇過張國榮的個唱，只是聽人
講，陳太說：『聽人講就可以亂咁o翁o野咩，佢唔應該亂o野。』陳太指因此事，張國榮的
確好激氣，演出情緒多少也受影響。此外，今晚在『紅』那環節演出前，與首場有別，先
有廣播說：『以下演出的內容頗為大膽，曾受非議，所以十六歲以下觀眾最好由家長陪同
收睇。』由於廣播聲音略帶搞笑成分，所以觀眾哄堂大笑，就此事問及陳太是否因遭投訴
，才特別剛作出廣播？陳太說：『唔係，純粹係綽頭野。』
--
※ 發信站: 批踢踢實業坊(ptt.cc)
◆ From: 210.85.7.156
※ 編輯: Lesliey 來自: 210.85.7.156 (12/17 17:59)
Leslie 近期熱門文章
PTT偶像團體區 即時熱門文章