11/04/2001
閉上眼睛，讓時光倒流...
--
＊＊澳洲片商重拍英雄本色 力邀哥哥做串星 張國榮：諗都唔便諗！＊＊
太陽報（11/04/2001）
最近澳洲一名投資者，睇中吳宇森十多年前拍成的《英雄本色》，有意購入版權再找
當地演員重拍，他們更特別發信邀請周潤發、張國榮和狄龍客串Opening，不過這個構思已
被張國榮拒絕，他說：「要搵我o地三個合作，簡直係大想頭，諗都唔使諗！」
由吳宇森執導，周潤發、張國榮和狄龍主演的《英雄本色》，八六年上映時曾掀起全
城「嘜哥」熱潮，發仔、哥哥和狄龍三人更是憑這部電影成功上位，故此，這部電影最近
被澳洲片商睇中，重新翻拍，絕對唔出奇，不過奇就奇在，他們欲找發仔、哥哥和狄龍再
次合作，並非搵他們做主角，而是做「串星」。
哥哥笑說：「咁你話係咪大想頭，既然咁貴搵得我地合作，竟然唔係做主角，只係做
串星，你話係咪諗都唔使諗。」
*主力拍香港片*
哥哥張國榮曾經講過不希望進軍國際市場，果然講得出做得到，近年都只是見他接拍
港產片，最近他便演出爾冬陞執導的《幽靈日記》。
對於早前有報道指張國榮在加多利山買入一幢別墅式洋房，哥哥哼一聲說：「D資料錯
晒，價錢又唔O岩，我都費事再提，其實董建華最近有一句說話講得好，就係『唔會回應 D
低級趣味o既新聞』，我以後都會以『無可奉告』黎回應。」
其實，張國榮曾移民加拿大，但近年已將基地搬回香港，在加國已沒有任何物業。近
日，張國榮正忙於為電影《幽靈日記》埋尾，咁O岩得咁蹺，片中的導演和演員都相繼入籍
加拿大，包括哥哥、李子雄、爾冬陞和林嘉欣，而周嘉玲又鬼鬼地，所以他們在拍戲現場
得十分O岩傾，話題都是圍繞美加的人和事。
*《英雄本色》勁收三千四百萬*
《英雄本色》一九八六年八月二日公映，上映六十一日勁收三千四百六十多萬元，成
為當年全年賣座冠軍，演員周潤發、張國榮、狄龍更即時人氣勁升，由票房毒藥變為票房
靈丹。
連當時仍屬新人的李子雄亦片約不斷，導演吳宇森憑該片獲多項電影殊榮，現更已經
晉身荷里活頂級大導演之位，首集票房報捷後，隨後開拍了《英雄本色2》及《英雄本色3
之夕陽之歌》，歷年亦有不少外地片商欲把《英》片改拍。
--
※ 發信站: 批踢踢實業坊(ptt.cc)
◆ From: 210.85.7.156
Leslie 近期熱門文章
PTT偶像團體區 即時熱門文章
