5/20/2000

看板Leslie (張國榮)作者Lesliey ( 我是那麼想你 )時間21年前 (2004/05/21 00:37)推噓0(0推 0噓 0→)

留言0則, 0人參與討論串1/1

閉上眼睛，讓時光倒流... -- ＊＊邀國際名師為個唱設計服裝張國榮妖豔露點冧Fans＊＊　太陽報（05/20/2000）姣、靚、型、帥的張國榮已定八月一日至十日在紅館舉行十場演唱會，兩年後的今日再踏紅館，一向被視為樂壇名牌的哥哥，今次演唱會再玩名牌效應，天大面子請得麥當娜推崇備至的法籍時裝設計師Jean Paul Gaultier，為他設計至妖至姣的時裝，哥哥更表示會在演唱會中露點，實行妖豔露點冧Fans。張國榮自96/97跨年紅館演唱會後，距今已兩年多，昨日哥哥（張之暱稱）召開記者會公布定於八月一日至十日，暫定十場開三面台，名為《張國榮熱．情演唱會》。心情靚絕的哥哥在會上表示：「今次演唱會主題《熱．情》特別配合今次獨家贊助商Tom.com，在兩個字中間加一點。而我亦只會在演唱會入面露一點，不會露兩點或三級演出。（露邊點？）或者我砜塊面度劃一露呢，到時咪知囉。（今次酬勞係咪好貴？）梗係好貴啦！」 *首次為亞洲歌手做衫* 對演唱會極為重視的哥哥雀躍地說：「天大面子邀得Jean Paul Gaultier為我設計五套衫，佢從未試過為亞洲歌手演唱會做衫，只係幫過Madonna演唱會Design，我好榮幸佢睇過我電影的演出而答應。早排我去法國同佢見面，覺得佢個人好隨和，衫樣亦見過。（係咪好妖好激好性感？）唔激呀！性感？見仁見智啦，我夠覺得我今日好性感咯。妖唔妖呀？嗯...係有品味。」另外，哥哥更澄清與環球唱片公司沒有不和，已傾續約事。環球高層陳少寶也表示與哥哥合作愉快，更透露已簽了黃貫中及看中張柏芝弟弟張豪龍，有意簽他做歌手。 -------------------------------------------------------------------------------- ＊＊張國榮邀Jean Paul Gaultier為個唱造衫＊＊蘋果日報 (05/20/2000) 「哥哥」張國榮的十場個唱將於八月在紅館開鑼，哥哥親自請來法國同志設計師 Jean Paul Gaultier為他親身設計至少五套歌衫，哥哥可謂認真大面。哥哥昨日出席在金鐘舉行的個唱記者會，記者會準時於下午三時半開始，主辦人陳淑芬表示特別擇時辰開始。張國榮將於八月一日至十日，在紅館舉行十場《張國榮熱．情演唱會》，今次哥哥（張國榮）更親自邀請法國頂級時裝設計師 Jean Paul Gaultier，為其個唱設計靚衫。而 Jean Paul Gaultier曾公開坦承自己是同性戀者，是時裝界著名的同志設計師。據知不少外國及日本藝人都曾邀請 Jean Paul Gaultier設計服裝，如麥當娜亦曾找他幫手。而哥哥則是唯一的一位亞洲區歌星，獲Gaultier答允親自設計服裝。 *於法國見過面* Jean Paul Gaultier特別為哥哥設計歌衫，哥哥一臉興奮地說：「對方睇過我戲，鍾意我電影，我已經同佢法國見過面，今次佢最少會幫我設計五套衫，我好榮幸，至於佢酬勞就唔好問，不過佢可能會睇我最後一場個唱。」歌衫設計會否大膽性感呢？哥哥笑說：「設計我睇過，性唔性感？我唔會標榜呢樣，你唔見我演唱會個名有一點，所以我只會露一點，總之一切由佢負責，我好放心。」此外，哥哥演唱會獲tom.com贊助，歌迷可於下月二日在tom.com網頁內預先訂購門票，主辦人之一陳太表示：「有好多人想贊助哥哥演唱會，tom.com雖然唔係條件最好，但名牌對名牌，大家配合。」 *Jean Paul Gaultier個人小史* Gaultier早年替Jacques Esterel工作，在此之前於Pierre Cardin擔任助手。跟 Gaultier先後替Jean Patou,Michel Chel Goma及Angelo Tarlazzi工作，再返回Pierre Cardin。其後輾轉之下成立以自己名字掛帥的公司，推出Sweatshirt系列。於1990年， Gaultier替瑪當娜世界巡迴演唱會設計舞台服裝，自此深受眾外國明星歡迎。相關圖片： http://lesliecheung.cc/News/2000/Apr-Jun00/20.5.00/20.5.00.htm -- 資料來源：太陽報蘋果日報 Leslie Cheung Cyberworld -- ※ 發信站: 批踢踢實業坊(ptt.cc) ◆ From: 210.85.7.156 ※ 編輯: Lesliey 來自: 210.85.7.156 (05/20 16:57)